Levítico 6:10 - Bible in Tzotzil de Chenalhó with Deuterocanon

¹⁰ Li palee ac'o slap li sc'u' xchi'uc li scomcom-vex pasbilic ta lino noe. Ts'acal ac'o stsob li stanil jmoton chich' chiq'uel te ta scajlebe; te ac'o yac' ta xocon li scajleb jmotone.

Bible in Tzotzil de Chamula

¹⁰ Jech ti palee ta slap ti sc'u'e xchi'uc ti scom-com saquil vexe. Mi laj taj une, ta stsob loq'uel stanil ti chon bolom ti laj yich' chiq'uel ta sba ti altare. Ta xac' ta jot xocon ti altare.

Levítico 6:10 Iomraidhean Croise

Salmos 20:3

Mu me xch'ay ta yo'nton li matanaletic avac'ojbee; lec ac'o yil li smoton chachic'bee.

Salmos 37:20

Pero li boch'o chopolique chch'ayic o. Li yajcontra Muc'ul Diose ch-ulic ta c'oc' jech chac c'u cha'al xepual chij; chch'ayic o batel jech chac c'u cha'al ch'ayil.

Ezequiel 44:19

C'alal chloq'uic batel ta sba c'olal amac' yo' bu oyic li jteclume, tsc'an tsloq'uic comel li sc'u' spoq'uic ti i'abtej xchi'uquique, te ac'o scomtsanic ta cuartoetic ta ch'ulna. Ac'o slapic loq'uel yan sc'u'ic, yu'un jech mu sts'u'iltasic xchi'iltaquic ta scoj li sc'u'ique.

Levítico 1:13

Ts'acal ac'o sapbeic lec ta vo' li sbiquile xchi'uc li yacane. Li palee ac'o xchic' scotol te ta scajleb jmoton yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:9

Ts'acal ac'o sapbeic lec li sbiquile xchi'uc li yacane. Li palee ac'o xchic' te ta scajleb jmoton, yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 16:4

Ac'o tslap ochel li natil ch'ul c'u'il pasbil ta lino noe, xchi'uc ac'o slap ochel noxtoc li sbiq'uit-vex pasbil ta lino noe, xchi'uc li xchuc, xchi'uc li xpix sjol pasbil ta lino noe. Le'e ja' ch'ul c'u'iletic, ja' yu'un c'alal mu'yuc to ta slape, ac'o atinuc lec ba'yuc.

Levítico 2:11

“Li matanaletic ti co'oltic jech chac c'u cha'al trigo chavac'bicun, vu'un li Muc'ul Diosune, mu me xavac'beic svolesubil xch'ut yu'un mu xu' chachic'bicun jmotonin li c'usi yich'oj svolesubil xch'ute, xchi'uc li spom muc'ta pome.

Levítico 21:22

Xu' tsve' li pan ac'bil ta jtojole, xchi'uc li yantic ch'ul matanaletique, xchi'uc li bats'i lequil ch'ul matanaletique.

Levítico 4:12

o xu' chcaltic ti ja' scotlijil li vacaxe, loq'uesic batel ta spat to acarpanaic, te xbat avaq'uic ti bu lec jamal te ta yav bu chich' busanel tane. Ac'beic lec si'il; ja' te xachiq'uic li vacaxe.

Levítico 6:11

Ts'acal ac'o sloc' li sc'u'e; ac'o slap yan sc'u'. Li stanil jmotone ac'o yich' loq'uel ta spat to yo' bu apasoj acarpanaique. Te ac'o bat yac' yo' bu meltsanbil lec yave.

Levítico 6:18

Li smomnich'nabtac Aarón ta to xtal ta ts'acale oy ta sventa tsve'ic o ec ti c'u yepal chcom c'alal chich' chiq'uel ta jtojol; vu'un li Muc'ul Diosune. C'usiuc no'ox cht'ab te ta scomelal li jmotone ts'u'iltasbil xa chcom o”, xi li Muc'ul Diose.

Levítico 6:22

Ja' jech ac'o spas ec li smomnich'nabtac Aarón c'alal ja' xa'ox tiq'uilic ta q'uexolile, yu'un ja' jmoton ac'bil o ta jtojol vu'un li Muc'ul Diosune. Jech tsc'an ac'o yich' chiq'uel scotol.

Levítico 8:2

“Ic'o tal ta jtojol li Aarón xchi'uc xnich'nabe. Ac'o yich'ic tal li lequil c'u'iletic sventa paleale, li aceite sventa ich'ub abtelale, li ch'ium tot vacax ti chich' milel ta sventa mulile, li cha'cot chije xchi'uc li jun unin moch pan ti mu'yuc yich'oj svolesubil xch'ute.

Números 16:21

—Voc'o abaic loq'uel ta stojol li achi'iltaquique yu'un ta xculesic scotolic ta ora no'ox —x'utatic. 6

Números 16:35

Jech noxtoc la stac tal c'oc' li Muc'ul Diose, jech la smil ta c'oc' scotol li o'lol yoxibal ciento (250) viniquetic ti la xchiq'uic pom ta stojol Diose.

Apocalipsis 19:14

Li yajsoldadotac te ta vinajele ja' la xchi'in batel; cajajtic ta saquil ca' ibat scotolic. Puru lequil c'u'il slapojic, pasbilic ta lino no. Bats'i saquic ta jyalel, me jutuc mu'yuc yic'ubal.

Apocalipsis 19:8

I'ac'bat xa slap sc'u' pasbil ta lino no, bats'i sac ta jyalel, oy xojobal. Yu'un li lequil lino noe ja' senyail li c'usitic tuc' spasojic li boch'o voc'bilic yu'un Diose”, xiic.

Apocalipsis 7:13

Jech la sjac'bun jun li banquilaletique: “¿Boch'otic ti li' oyic puru sac sc'u' slapojique? ¿Bu liquemic tal?”, xiyutun.