Levítico 5:7 - Bible in Tzotzil de Chenalhó with Deuterocanon

⁷ “Ti me mu'yuc yu'un jcot chije, ac'o yac' cha'cotuc puruvoc stsu, o me cha'cot stsumut ta sventa li smul staoje. Li jcote ja' sventa xch'ayubil smul; li yan jcote ja' sventa chic'bil matanal chc'ot.

Bible in Tzotzil de Chamula

⁷ “Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.

Levítico 5:7 Iomraidhean Croise

Levítico 12:6

“C'alal me its'aqui ti c'u yepal c'ac'al albil chac' sba ta lecubtasele, me querem me tseb ivoc' yu'une, ac'o yic' batel jcotuc ch'ium chij te ta sti' scoralil ch'ulna pasbil ta nucul. Li chij chic' batele, ja' ti bu jun to jabil svoq'uele, yu'un ja' sventa chich' chiq'uel ta jmoton. Xchi'uc ac'o yic' batel jcotuc stsumut, o me jcot puruvoc stsu sventa chich' milel ta sventa smul; ja' ac'o yac'be li palee.

Levítico 12:8

Yan me mu'yuc yu'un li chije, ac'o yic' tal cha'cotuc puruvoc stsu o me cha'cotuc stsumut. Jcot ac'o yich' chiq'uel ta sventa jmoton; jcot ac'o yich' milel ta sventa xch'ayubil smul. Jech li palee ac'o yac' ta ch'aybel smul li antse, jech lecubtasbil chcom o.

Levítico 14:30

Li palee ac'o yac' ta jtojol jcotuc li puruvoc stsue, o me ja' li stsumute, ja' li c'usi xu' yu'un chich' tal li boch'o chich' lecubtasele.

Levítico 14:31

Li jcot mute ja' milbil matanal sventa mulil; li yan jcote ja' sventa chic'bil matanal. Xchi'uc ac'o yac' li matanal ti co'ol jech chac c'u cha'al trigoe. Li palee ac'o xch'aybe smul ta jtojol, jech ch'aybil chc'ot smul li boch'o ta xich' lecubtasele”, xi li Muc'ul Diose.

Levítico 15:30

Li palee ac'o smil jcotuc ta sventa mulil; li yan jcote ac'o yac' ta sventa chic'bil matanal. Ja' jech ac'o spas ta jtojol ta sventa tslecubtas li ants ti ja' to ch-ech' xchamele.

Levítico 16:5

“Li Aarone ac'o stsac cha'cotuc tentsun ta sventa scotol li israeletique, ja' milbil matanal ta sventa smulic. Xchi'uc ac'o stsac jcotuc chij ta sventa chic'bil matanal.

Levítico 27:8

Pero me solel toj me'on, me mu xtoj yu'un ti c'u yepal sc'oplal chaq'ue, ac'o yich' iq'uel batel ta stojol pale, yu'un ac'o yal c'u yepal xu' tstoj, ja' ti c'u yepal xu' yu'un li boch'o oy c'usi yaloj ta stojol Diose.

Levítico 5:11

“Pero me mu xtoj yu'un noxtoc li cha'cot puruvoc stsu, o li cha'cot stsumute, xu' ja' no'ox ac'o yich' tal chibuc kilo arina ti bu ven leque. Ja' matanal sventa smul chc'ot. Mu me xac'be aceite xchi'uc pom, yu'un ja' matanal ta sventa mulil.

Levítico 7:1

“Li milbil matanal sventa bu chajelovic ta jtojole ja' bats'i lequil ch'ul matanal. Ja' yu'un li' oy li chanubtasel ta sventa c'usi tsc'an chapasique:

Levítico 9:3

Albo ya'yic li jchi'iltactique, ac'o yiq'uic tal jcotuc tentsun; ja' matanal sventa mulil. Xchi'uc ac'o yiq'uic tal jcotuc ch'ium vacax, xchi'uc jcot ch'ium chij ti jun to jabil svoq'uel, ti bu ven leque yu'un ja' ta jchic'betic sventa smoton Dios.

Números 5:6

“Albo scotol achi'iltac ta israelal jech chac li'i: Me oy junuc vinic, o ants ti mu tuc'uc yo'nton ta stojol Muc'ul Diose, xchi'uc me oy laj yuts'inta xchi'ile, oy xa smul o ti me jech la spase.

Números 6:10

Ta xvaxquibal c'ac'al ac'o yic' batel cha'cotuc puruvoc stsu, o me cha'cot stsumut, ac'o c'ot yac'be li pale te ta ti'ch'ulna pasbil ta nucule.

Números 6:11

Li palee jcot ac'o smilbe ta smoton Dios sventa li smule. Li yane ac'o xchic' ta sventa smoton Dios, xchi'uc ac'o spas li c'usitic tsc'an pasel sventa xu' chch'aybat o smul ta scoj ti la spic animae. Ja' jech c'ac'al chlic lecubuc batel yan velta ta jtojol li stsotsil sjole.

San Mateo 10:16

“A'yo ava'yic, vu'un ta jtacoxuc batel jech chac c'u cha'al chijetic ta stojol oq'uiletic, ja' yu'un bijanic me jech chac c'u cha'al orachon ti lec bije. Jech noxtoc muc'uc me avo'ntonic jech chac c'u cha'al stsumut.

San Mateo 21:12

Li Jesuse i'och ta ch'ulna ta Jerusalén. Te lic sloq'ues scotol li boch'otic ta xchonolajic, ta xmanulajic ta ch'ulnae. La sbutq'uinbe xmexaic li jeltaq'uinetique. La sbutq'uinbe xilaic li jchonpalomaetique.

San Mateo 3:16

C'alal laj yich' vo' li Jesuse, iloc' ta uc'um; ta ora ijam li vinajele. Laj yil iyal tal ta sba li Espíritu yu'un Diose, xco'laj xchi'uc stsumut yilel.

San Lucas 2:24

Laj yac'beic smoton Dios noxtoc jech chac c'u cha'al chal ta smantal Diose: “Ac'o yic' tal cha'cot puruvoc stsu, o me cha'cot stsumut”, xi ono'ox.

2 Corintios 8:12

Yu'un me yutsil co'nton chcac'tic jech chac c'u cha'al yepal oy cu'untique, lec tsacbil chc'ot. Yu'un mu ja'uc chisc'anbutic li c'usi mu'yuc cu'untique.