Levítico 5:6 - Bible in Tzotzil de Chenalhó with Deuterocanon

⁶ xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Bible in Tzotzil de Chamula

⁶ Va'i un, ac'o yac' ta stojol Dios jcotuc sme' yuni ts'unub stuc ti ta xich' svocol ta milel ta scoj ti mulil c'ot ta pasel yu'une, xu' jcotuc me' chij, mi mo'oje, jcotuc me' tentsun. Ta sventa ti milbil matanal taje, ti palee ta sta ti ch'aybil smul scolo' ta xc'ot ti buch'u jech c'ot ta pasel yu'une.

Levítico 5:6 Iomraidhean Croise

Ezequiel 40:39

Ta cuarto te ta ochebale oy chancot mexa te oy, chib ta jujujot. Ja' sventa te tsmilic o li smoton Dios chchiq'uique, xchi'uc li smoton Dios sventa xch'ayubil mulile, xchi'uc li smoton Dios sventa c'unil muliletique.

Ezequiel 42:13

Li vinique jech laj yalbun: “Li cuartoetic le' ta jot ta nortee xchi'uc ta sure ja' ts'u'iltasbil cuartoetic. Yu'un li paleetic ti chtunic yu'un Muc'ul Diose ja' te tsve'ic li lequil ch'ul matanaletique, xchi'uc ja' te tstiq'uic noxtoc; ja' li matanaletic jech chac c'u cha'al trigoe, xchi'uc li matanal sventa xch'ayubil mulile, xchi'uc li matanal sventa bic'tal muliletique. Yu'un li cuartoetic le'e ja' ch'ul cuartoetic.

Ezequiel 44:27

C'alal ch-ochic batel yan velta ta xcha'c'olal amac' sventa chbat tunicuc cu'une, ac'o smilbicun jcotuc jmoton ta sventa smulic. Vu'un chcal jtuc, vu'un li Muc'ul Diosune.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:28

C'alal tsna' ti oy smule, ac'o yac' jcotuc me' tentsun ta sventa li smul la stae. Ja' ac'o yac' ti bu ven leque.

Levítico 4:31

Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.

Levítico 4:32

“Yan me xchij chich' tal ta sventa li smul la stae, ac'o yic' tal jcotuc sme' xchij ti bu ven leque.

Levítico 4:35

Ac'o sloq'uesbe scotol li xepualtac jech chac c'u cha'al chich' pasbel li matanal sventa lec chaquiloxuque. Li palee ac'o xchic' te ta scajleb jmoton te ta sba li yan matanal te chc'ac' ta jtojole. Ja' jech ac'o spas sventa chch'aybe smul li boch'o la sta smule, jech ch'aybil smul chc'ot o.

Levítico 6:6

Li jmoton tsc'an chiyac'bune ja' jcot chij ti bu ven leque. Vo'ot chaq'uel c'u yepal stojol li chije. Li boch'o chaq'ue, ac'o yic' batel ta stojol li palee. Ja' chic'bil matanal ta sventa li c'unil mulil la stae.

Números 6:12

Jech chlic stsac yan velta ta ach' ti c'u yepal c'ac'al yaloj tsvoc' sba o ta sventa cabtele. Ti c'u xa'ox yepal c'ac'al lic stsac tale, mu'yuc xa tsacbil ta venta chcom. Yu'un li stsotsil sjol ti lecubtasbil xa'oxe, isoc xa. Jech noxtoc tsc'an ac'o yic' batel ta jtojol jcotuc chij jun jabil svoq'uel sventa jmoton ta scoj ti bu ijelov ta jtojole.