Levítico 5:3 - Bible in Tzotzil de Chenalhó with Deuterocanon

³ “Me oy boch'o tspicbe c'usiuc no'ox chopol yu'un achi'iltaquique, ja' li c'usi chopol, li c'usi ip yu'une, ac'o me muc sna' ta ora, pero me ts'acal to la sna'e, li boch'o la spique, oy smul chc'ot o.

Bible in Tzotzil de Chamula

³ “Mi oy buch'u ta spic ti albil sc'oplal ti mu stac' piquel ti xcuchinoj talel ti yane, mi c'usiuc no'ox yan, oy xa me smul ti c'alal ta xlic ya'i sba ti c'usi laj spase.

Levítico 5:3 Iomraidhean Croise

Ezequiel 44:27

C'alal ch-ochic batel yan velta ta xcha'c'olal amac' sventa chbat tunicuc cu'une, ac'o smilbicun jcotuc jmoton ta sventa smulic. Vu'un chcal jtuc, vu'un li Muc'ul Diosune.

Levítico 13:3

Li palee ac'o sq'uel lec c'u x'elan li c'a'al chin ta sbec'tale. Me sacuben li stsotsil yo' bu c'a'eme, xchi'uc me ch'opajtic xa ochel li sc'a'emale, yu'un xa ja' li c'a'el chamele. C'alal me laj yotquin lec ti ja' c'a'el chamele, ac'o yalbe ti mu xa stac' chi'inele.

Levítico 5:2

“Jech noxtoc me oy boch'o tspic li c'usi toj chopole, me chamen te'tical chonbolometic, o me ats'unub avovolic, o me jcot jti'val chon ti mu ono'ox stac' chapiquique, chopol chcom li boch'o la spique, xchi'uc oy smul chc'ot o, ac'o me mu sna'.

Levítico 5:4

“Me oy boch'o ta anil no'ox chal ta jtojol ti oy c'usi tsc'an tspase, me muc sna' me lec, me mu lecuc c'usi chal ta scoj ti toj anil tsnope, me ts'acal to it'ab ta yo'nton ti chopole, oy smul chc'ot ta sventa li c'usi laj yale.

Levítico 7:21

“Jech noxtoc li boch'o ta spic c'usiuc no'ox chopole, me ja' c'usi chopol yu'un xchi'ile, o me ja' c'usi chopol yu'un chonbolom, o me oy c'usi yan toj chopol, me la sti' li milbil matanal sventa co'ol co'ntontique, ac'o yich' loq'uesel ta atojolic”, xi li Muc'ul Diose.

Números 19:22

Scotol c'usi tspic li boch'o mu'yuc leque, chopol chcom ec li c'usi chich' piquele. Me oy boch'o tspic li boch'o mu'yuc leque, soquem chcom o c'alal to ta mal c'ac'al”, xi li Muc'ul Diose.