Levítico 5:16 - Bible in Tzotzil de Chenalhó with Deuterocanon

¹⁶ Li boch'o jech la spas ti muc ts'acaluc xac' li c'usi voc'bil ta jtojole, ac'o sts'acubtas, xchi'uc ac'o yac'be sjol jun ta vo'vo'. Ja' ac'o yac'be li palee. Li palee ja' ac'o yac' ta ch'aybel o smul ta sventa li chij laj yaq'ue, jech ch'aybil smul chc'ot o.

Bible in Tzotzil de Chamula

¹⁶ Ti buch'u jech taje, tsots sc'oplal ac'o stoj ti c'u yepal ch'ay ta yoc ta sc'ob ti c'usitic ch'acbil ta sventa yu'un ti Diose. Ja' slecoj ti ta to xac' ta stojol pale jch'ac ta vo'ch'ac ti c'u yepal ta xich' aq'uele. Mi laj taj une, ta xich' aq'uel ti chij ti ta xich' milel ta scoj ti mulile. Jech ti palee ta sta ti ch'aybil ta xc'ot smul scolo' ti buch'u jech laj spase. Tub ti mulil yu'une.

Levítico 5:16 Iomraidhean Croise

Salmos 69:4

I'epajic ta jyalel li boch'o chiscontrainicune; i'ech' xa jech yepalic jech chac c'u cha'al stsotsil jol; laj xa yich' lec stsatsalic li cajcontrataque. Mu'yuc smelol ti tsc'an chismilicune; jech no'ox tsc'anic ta jsutes li c'usi mu'yuc quelc'anoje.

Éxodo 22:1

“Me oy boch'o ta xelc'an jcotuc vacax, o me jcotuc chije, me la smil, o me la xchon batele, ac'o yac' vo'cotuc vacax ta xq'uexol li jcot vacax laj yelc'ane. Xchi'uc ac'o yac' chancotuc chij ta xq'uexol li jcot chij laj yelc'ane.

Levítico 22:14

“Me oy boch'o ta sve' ti muc sna' me ja' li c'usi ts'u'iltasbil cu'une, ac'o xq'uextabe sutel li palee, xchi'uc ac'o to yac' yan jun ta vo'vo'.

Levítico 27:13

Me tsc'an to chic' sutele, ac'o stoj ti c'u yepal chapanbile xchi'uc ac'o to yac' yan jun ta vo'vo'.

Levítico 27:15

Pero me tsc'an chich' sutel yan velta li snae, ac'o yac' jun ta vo'vo' ti c'u yepal stojol loq'uem li snae, jech xu' chich' sutel yan velta.

Levítico 27:27

Yan me ja' sba ats'unub avovolic ti mu stac' ti'ele, xu' chaq'uextaic ta taq'uin ja' ti c'u yepal chich' albel stojole, xchi'uc ac'o to yac' yan jun ta vo'vo'. Pero me mu'yuc chich' q'uextael ta taq'uine, ac'o yich' chonel jech chac c'u cha'al stojol albil xae.

Levítico 27:31

Me oy boch'o tsc'an tsman sutel li jujun ta lajlajunebe, ac'o stoj yan jun ta vo'vo' ti c'u yepal stojole.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:26

Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Levítico 5:10

Li xcha'cotale ac'o yich' xchiq'uel jech chac c'u cha'al chich' pasel ono'oxe. Ja' jech ac'o spas li pale sventa chch'aybe smul li boch'o staoj smule, jech ch'aybil smul chc'ot o.

Levítico 5:13

Li palee ac'o xch'aybe smul li boch'o c'usiuc smul staoje, jech ch'aybil smul chc'ot o. Li scomelale ja' xa yu'unic chcom li paleetique. Ja' co'ol chac c'u cha'al chich' aq'uel li c'usitic yan jech chac c'u cha'al trigoe”, xi li Diose.

Levítico 5:6

xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Levítico 7:2

Li matanal ta sventa bu chajelovic ta jtojole te ac'o yich' milel yo' bu chich' milel li yantic matanaletic chich' chiq'uele. Li xch'ich'ale ac'o yich' vijel ta sba scajleb jmoton xchi'uc ta spat xocon.

Números 5:7

Ta persa ac'o yal ta jamal li c'usi la spase. Xchi'uc li boch'o laj yuts'intae ac'o stojbe scotol li c'usitic la spasbee, xchi'uc ac'o to yac'be yan jun ta vo'vo'.

Números 5:8

Pero me chamen xa li boch'o laj yich' uts'intaele, me mu'yuc nopol yuts' yalal ti xu' ac'o yich'be li stojole, ac'o comuc ta sventa Muc'ul Dios. Ja' ac'o tunuc ta sventa yabtel li palee. Xchi'uc ac'o yac'be jcotuc chij li palee yu'un ac'o ch'aybatuc li smule.

San Lucas 19:8

Li Zaqueoe iva'i, jech laj yalbe li Cajvaltique: —Cajval, a'yo ava'ay. Ta xcac'be j'o'loluc c'usitic oy cu'un li me'onetique. Me oy boch'o la jmucul lo'labe staq'uine, chanib velta jech yepal ta jsutesbe —xi.

Hechos 26:20

Ba'yuc laj calbe ya'yic li boch'otic te nacajtic ta Damascoe. Ts'acal bat calbe ya'yic li boch'otic te nacajtic ta Jerusalén xchi'uc ta scotol Judea banamile. Ts'acal bat calbe ya'yic li yanlum cristianoetic ti mu xotquinic Diose, yu'un jech ac'o sutes yo'ntonic, ac'o suticuc tal ta stojol li Diose, jech xu' chlic spasic c'usi lec ta sventa ti sutem xa yo'ntonique.

1 Samuel 6:3

Itac'ovic: —Me chasutesic batel li xcaxail smantal Dios yu'un israeletique, mu me xocoluc xataquic batel. Aq'uic batel matanal sventa stojol amulic, jech chacolic, xchi'uc jech chlic ana'ic c'u yu'un ti mu x'ech' li avocolique —xiic.