Levítico 5:15 - Bible in Tzotzil de Chenalhó with Deuterocanon

¹⁵ “Me oy boch'o tsta smul ta sventa ti muc ta yutsiluc yo'nton muc ts'acaluc xac' li c'usitic voc'bil xa ta jtojole, ac'o yic' tal jcotuc chij ti bu ven leque. Ac'o tal yac' ta jtojol, vu'un li Muc'ul Diosune. Li chije ac'o yich' q'uelel jaysep saquil taq'uin stojol jech chac c'u cha'al chapanbil te ta ch'ulna ta sventa li muliletique.

Bible in Tzotzil de Chamula

¹⁵ “Ti buch'u mu'yuc xa'i sba c'uxi bat ti oy smul c'ote, ti ts'acal to vinaj ti ja' smul c'ot ta scoj ti mu'yuc xac' ti c'usi oy sc'oplal ti ja' yu'un ti Diose, ac'o yich' talel jcotuc sts'unub stot chij ti mu'yuc jutebuc c'usi xchopolile, ti ja' ta xich' svocol yu'un ta scoj ti smule. Ac'o yich' aq'uel ta stojol ti Diose. Ti stojol ti chij xtoque, ac'o yich' q'uelel c'u yepal plata taq'uin xtojolin o yu'un, ja' ti c'u s'elan liquem yu'unic ta ch'ulna ta sventa ti matanal yu'un ti mulile.

Levítico 5:15 Iomraidhean Croise

2 Reyes 12:16

Li yantic taq'uin smoton Dios ta sventa muliletic xchi'uc ta sventa bu chjelovic ta stojol Diose, mu'yuc laj yich'ic batel ta ch'ulna, yu'un ja' yu'unic xa li paleetique.

Esdras 10:19

Le'e jun yo'ntonic la staquic loq'uel li yajnilique. Laj yaq'uic jcot chij ta smoton Dios ta sventa li smulique.

Éxodo 30:13

Scotol li boch'otic tsacbil xa ta vun sbiique, ac'o yac'bicun vo'ob gramo saquil taq'uin sventa spatanic. Ja' o'lol tspas ti c'u yalal chapanbil te ta ch'ulnae.

Ezequiel 40:39

Ta cuarto te ta ochebale oy chancot mexa te oy, chib ta jujujot. Ja' sventa te tsmilic o li smoton Dios chchiq'uique, xchi'uc li smoton Dios sventa xch'ayubil mulile, xchi'uc li smoton Dios sventa c'unil muliletique.

Levítico 1:10

“Me chij, o me tentsun chaq'uic sventa chixchic'bicun jmotonine, ja' ac'o yaq'uic li stot ti bu ven leque.

Levítico 1:3

“Me vacax chaq'uic sventa chixchic'bicun jmotonine, ja' ac'o yaq'uic li stot ti bu ven leque. Ti c'u cha'al xu' chquich'beique, te ac'o tal yaq'uic ta ti'ch'ulna pasbil ta nucul ta jtojol, vu'un li Muc'ul Diosune.

Levítico 14:12

Ac'o stsac jcotuc li ch'ium chije xchi'uc li aceite ti jutuc mu o'loluc litroe. Ja' milbil matanal ta sventa li c'unil mulil staoje. Ac'o sye'bun ta jtojol, vu'un li Muc'ul Diosune.

Levítico 27:3

Me ja' jun vinic yich'oj jtob (20) jabil c'alal to ta oxvinic (60) jabile, ac'o yac' lajuneb yoxvinic (50) ta sep saquil taq'uin jech chac c'u cha'al yalal chapanbil te ta ch'ulnae.

Levítico 4:2

“Albo ya'yic scotol achi'iltac li c'usi chacalbot li'i: Me oy boch'o tsta smul ta sventa li jmantaltac ti muc ta yutsiluc yo'nton la spasique, xchi'uc me oy tspasic li c'usi sc'oplal mu stac' chapasique, tsc'an jech ac'o spasic chac li'i:

Levítico 5:14

Li Muc'ul Diose la sc'opan yan velta li Moisese, jech laj yalbe:

Levítico 5:16

Li boch'o jech la spas ti muc ts'acaluc xac' li c'usi voc'bil ta jtojole, ac'o sts'acubtas, xchi'uc ac'o yac'be sjol jun ta vo'vo'. Ja' ac'o yac'be li palee. Li palee ja' ac'o yac' ta ch'aybel o smul ta sventa li chij laj yaq'ue, jech ch'aybil smul chc'ot o.

Levítico 5:18

Ac'o yic' tal jcotuc xchij ti leque, ti mu'yuc xchamele, xchi'uc vo'ot chaq'uel c'u yepal stojol. Ac'o yic' batel ta stojol li palee. Ja' milbil matanal chc'ot ta sventa smul ti muc ta yutsiluc yo'nton la spase, jech ch'aybil smul chc'ot o.

Levítico 6:6

Li jmoton tsc'an chiyac'bune ja' jcot chij ti bu ven leque. Vo'ot chaq'uel c'u yepal stojol li chije. Li boch'o chaq'ue, ac'o yic' batel ta stojol li palee. Ja' chic'bil matanal ta sventa li c'unil mulil la stae.

Levítico 7:1

“Li milbil matanal sventa bu chajelovic ta jtojole ja' bats'i lequil ch'ul matanal. Ja' yu'un li' oy li chanubtasel ta sventa c'usi tsc'an chapasique:

Levítico 7:6

Scotol li paleetique xu' tsti'ic. Te ac'o sti'ic yo' bu ts'u'iltasbil cu'un li banamile yu'un ja' bats'i lequil ch'ul matanal.

Números 15:24

“Me acotolic ta sjunul lum jech chc'ot ta pasel yu'unic ti muc ta yutsiluc yo'ntonic muc spasique, scotolic ac'o yac'bicun jcot vacax sventa chich' chiq'uel ti lec mu yiq'ue. Ac'o yaq'uic noxtoc trigo xchi'uc ya'lel ts'usub ti yaloj ono'ox Muc'ul Dios tsc'an te capal chich' aq'uele. Jech noxtoc ac'o yac'bicun jcot tentsun. Ja' milbil matanal sventa amulic.

Números 5:5

Li Muc'ul Diose la sc'opan yan velta li Moisese. Jech laj yalbe:

Números 5:8

Pero me chamen xa li boch'o laj yich' uts'intaele, me mu'yuc nopol yuts' yalal ti xu' ac'o yich'be li stojole, ac'o comuc ta sventa Muc'ul Dios. Ja' ac'o tunuc ta sventa yabtel li palee. Xchi'uc ac'o yac'be jcotuc chij li palee yu'un ac'o ch'aybatuc li smule.

Deuteronomio 12:26

Yan li c'usi avoc'ojic xa ta sventa smoton Muc'ul Dios cu'untique, xchi'uc li c'usi avalojic xa ta jamal chavac'beique, te xbat avaq'uic ta yavil ti bu t'ujbil yu'une.

1 Samuel 6:3

Itac'ovic: —Me chasutesic batel li xcaxail smantal Dios yu'un israeletique, mu me xocoluc xataquic batel. Aq'uic batel matanal sventa stojol amulic, jech chacolic, xchi'uc jech chlic ana'ic c'u yu'un ti mu x'ech' li avocolique —xiic.