Levítico 5:11 - Bible in Tzotzil de Chenalhó with Deuterocanon

¹¹ “Pero me mu xtoj yu'un noxtoc li cha'cot puruvoc stsu, o li cha'cot stsumute, xu' ja' no'ox ac'o yich' tal chibuc kilo arina ti bu ven leque. Ja' matanal sventa smul chc'ot. Mu me xac'be aceite xchi'uc pom, yu'un ja' matanal ta sventa mulil.

Bible in Tzotzil de Chamula

¹¹ “Yan ti mi mu'yuc c'usi x'ayan jutebuc yu'un yo' ta sman o cha'cotuc tórtolae, mi cha'cotuc ch'in palomae, ac'o yac' chibuc kilo harina ti lec t'ujbile ti ta xc'ot ta sventa xch'ayobil mulile. Mu me xac'be aceite, mi ja'uc pom ta sba, yu'un ja' jun xch'ayobil mulil.

Levítico 5:11 Iomraidhean Croise

Éxodo 16:18

jech chac c'u cha'al i'albatic ti ac'o stsobique. Li boch'o ep la stsobique mu'yuc xa xcom scomelal yu'unic, ja' no'ox jech ec li boch'o mu'yuc ep la stsobique mu'yuc c'usi sc'an laj ya'yic. Li jujunique ja' no'ox jech yepal la stsobic ti c'u yepal chtun yu'unique.

Éxodo 16:36

Li jun efae ja' yich'oj chib xcha'vinic (22) litro.

Levítico 1:14

“Yan me mutetic chich'ic tal sventa chachic'bicun jmotonin, vu'un li Muc'ul Diosune, ja' ac'o yich'ic tal jcotuc puruvoc stsu, o me stsumut.

Levítico 12:8

Yan me mu'yuc yu'un li chije, ac'o yic' tal cha'cotuc puruvoc stsu o me cha'cotuc stsumut. Jcot ac'o yich' chiq'uel ta sventa jmoton; jcot ac'o yich' milel ta sventa xch'ayubil smul. Jech li palee ac'o yac' ta ch'aybel smul li antse, jech lecubtasbil chcom o.

Levítico 14:21

“Me me'on no'ox li boch'o ip cha'ye, ac'o yic' tal jcotuc ch'ium chij sventa c'unil mulil, xchi'uc ac'o yich' ye'el ta jtojol jech jech chac c'u cha'al matanal sventa xch'ayubil smul, jech ch'aybil smul chc'ot. Ac'o yac'be xchi'ilin ech'em jutuc ta chib kilo arina ti bu ven leque, ti vots'bil ta aceitee. Xchi'uc ac'o yac' jutuc mu o'loluc litro aceite,

Levítico 27:8

Pero me solel toj me'on, me mu xtoj yu'un ti c'u yepal sc'oplal chaq'ue, ac'o yich' iq'uel batel ta stojol pale, yu'un ac'o yal c'u yepal xu' tstoj, ja' ti c'u yepal xu' yu'un li boch'o oy c'usi yaloj ta stojol Diose.

Levítico 5:12

Ac'o yich' batel ta stojol li palee. Li palee ac'o sjop batel jopuc li arinae; ja' sventa sna'ubil yu'un ti ich'aybat smule. Jmoj te ac'o xchic' ta scajleb jmoton xchi'uc li yantic matanaletic chc'ac' te ta jtojol, vu'un li Muc'ul Diosune. Ja' matanal sventa mulil chc'ot o.

Levítico 5:6

xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Levítico 5:9

Li xch'ich'ale ac'o yich' vijbel jutuc ta jot xocon li scajleb jmotone. Li c'u yepal chcome, ac'o yich' pits'el yalel ta yoc scajleb jmoton, yu'un ja' matanal sventa mulil.

Levítico 6:20

“C'alal voc'bilic xa o ta sventa paleal li Aarón xchi'uc xnich'nabe, ja' jech li jmoton tsc'an chiyac'bicune: chib kilo arina ti bu ven leque, j'o'lol ac'o yaq'uic ta jujun sob, j'o'lol ac'o yaq'uic ta jujun bat c'ac'al; me junuc c'ac'al mu me xquechanic o.

Números 5:15

Me oy jech chc'ot ta pasel jchopucale, li vinique ac'o yic' batel ta stojol pale li yajnile. Ac'o yich' batel chibuc kilo arina pasbil ta cebada. Ja' matanal sventa ac'o vinajuc smul li yajnile, pero mu me smalta ta aceite, xchi'uc mu me xac'be pom yu'un ja' matanal ta sventa it'ixajel, o sventa chich' vinajesel mulil.

Números 7:13

Li matanal laj yich' batele ja' jun muc'ta plato pasbil ta saquil taq'uin. Ja' jmil xchi'uc chanib ciento xchi'uc lajuneb xcha'vinic (1,430) gramo yalal. Xchi'uc laj yich' batel jun muc'ta taza pasbil ta saquil taq'uin noxtoc. Ja' vucub ciento xchi'uc lajuneb xchanvinic (770) gramo yalal (ja' jech yalal laj yich' batel jech chac c'u cha'al chapanbil te ta ch'ulnae). Li muc'ta plato xchi'uc muc'ta tazae nojemic batel ta arina ti bu ven lequique, ti vots'bil o ta aceitee; le'e ja' itun ta sventa smoton Dios.

San Lucas 2:24

Laj yac'beic smoton Dios noxtoc jech chac c'u cha'al chal ta smantal Diose: “Ac'o yic' tal cha'cot puruvoc stsu, o me cha'cot stsumut”, xi ono'ox.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

Hebreos 9:22

Ta xal ta mantaletic ti jutuc mu scotoluc chlecub ta sventa ch'ich'e. Ta xal noxtoc ti manchuc persa chich' malel ch'ich'e, mu'yuc perdón yu'un mulil ti jechuque.