Levítico 5:10 - Bible in Tzotzil de Chenalhó with Deuterocanon

¹⁰ Li xcha'cotale ac'o yich' xchiq'uel jech chac c'u cha'al chich' pasel ono'oxe. Ja' jech ac'o spas li pale sventa chch'aybe smul li boch'o staoj smule, jech ch'aybil smul chc'ot o.

Bible in Tzotzil de Chamula

¹⁰ Yan ti xchibale, ta xchic' jech c'u cha'al albil sc'oplal ti liquem ono'oxe. Jech ti palee ta sta ti ta xch'ay smul scolo' ti buch'u jech c'ot ta pasel yu'une. Jech c'ot ta tubel ti smul scolo'e.

Levítico 5:10 Iomraidhean Croise

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:26

Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Levítico 4:31

Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.

Levítico 4:35

Ac'o sloq'uesbe scotol li xepualtac jech chac c'u cha'al chich' pasbel li matanal sventa lec chaquiloxuque. Li palee ac'o xchic' te ta scajleb jmoton te ta sba li yan matanal te chc'ac' ta jtojole. Ja' jech ac'o spas sventa chch'aybe smul li boch'o la sta smule, jech ch'aybil smul chc'ot o.

Levítico 5:13

Li palee ac'o xch'aybe smul li boch'o c'usiuc smul staoje, jech ch'aybil smul chc'ot o. Li scomelale ja' xa yu'unic chcom li paleetique. Ja' co'ol chac c'u cha'al chich' aq'uel li c'usitic yan jech chac c'u cha'al trigoe”, xi li Diose.

Levítico 5:16

Li boch'o jech la spas ti muc ts'acaluc xac' li c'usi voc'bil ta jtojole, ac'o sts'acubtas, xchi'uc ac'o yac'be sjol jun ta vo'vo'. Ja' ac'o yac'be li palee. Li palee ja' ac'o yac' ta ch'aybel o smul ta sventa li chij laj yaq'ue, jech ch'aybil smul chc'ot o.

Levítico 5:6

xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Romanos 5:11

Pero ma'uc no'ox xcuxet co'ntontic ti colemutic xae, toj jun no'ox co'ntontic ta stojol Dios noxtoc ta sventa li Cajvaltic Jesucristoe, yu'un ja' ta sventa ti lec xa jc'opan jba jchi'uctic li Diose.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Santiago 5:15

Me oy xch'unojel yo'nton ta sc'opan Diose, ta xcol li jchamele, yu'un ja' ta stsatsubtasat yu'un li Cajvaltique. Me oy smul li boch'o icole, ta spasbat perdón noxtoc.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.