Levítico 4:7 - Bible in Tzotzil de Chenalhó with Deuterocanon

⁷ Ac'o sbon ta ch'ich' noxtoc li xulub scajleb xchic'ubil pom ti te oy ta yut ch'ulna ta jtojol, vu'un li Muc'ul Diosune. Li scomelale ac'o smal te ta yoc li scajleb xchic'ubil jmoton ti te oy ta stuq'uil ti'ch'ulna pasbil ta nucule.

Bible in Tzotzil de Chamula

⁷ Ta xjaxbe jutebuc ch'ich' xtoc ta xulubtac ti altar ti albil sc'oplal sventa xchic'obil muil pom ti oy ta stojol ti Dios ta Axibalna ti bu nupel ta bee. Ja'uc scotol scomelal ti ch'ich'e, ta smal ta yoc altar sventa xchic'obil ti matanal ti oy ta ochebal sti' ti Axibalna ti bu nupel ta bee.

Levítico 4:7 Iomraidhean Croise

Salmos 118:27

Li Muc'ul Diose ja' Dios stuc; laj xa yac'butic tal li xojobale. Liquesic xa li q'uine; ich'ic tal li xanetic c'alal to ta xulubtac scajleb smoton li Diose.

Éxodo 29:12

Ts'ajo sbic'tal ac'ob ta xch'ich'al; bono ta xchanibal xulub li scajleb jmotone. Li scomelale malo te ta yoc li scajleb jmotone.

Levítico 1:5

Te ac'o yich' milel ta jtojol li vacaxe. Li paleetique, ja' li xnich'nabtac Aarone, ac'o yaq'uic ta jtojol li xch'ich'ale. Ts'acal ac'o svijic ta scajleb jmoton xchi'uc ta spat xocon te ta ti'ch'ulna pasbil ta nucule.

Levítico 16:18

ac'o loc'uc tal; ac'o bat slecubtas ta ora noxtoc li scajleb jmoton te oy ta jtojole. Ac'o stsac jutebuc li xch'ich'al ch'ium tot vacaxe xchi'uc li xch'ich'al tentsune; ac'o xjaxbe ta xulub xchi'uc ta spat xocon li scajleb jmotone.

Levítico 4:18

Ac'o sbon ta ch'ich' noxtoc li xulub scajleb jmoton ti te oy ta jtojol ta ch'ulna pasbil ta nucule. Li scomelal ch'ich'e, ac'o smal te ta yoc li scajleb xchic'ubil jmoton te ta stuq'uil ti'ch'ulna pasbil ta nucule.

Levítico 4:25

Li palee ac'o sts'aj sbic'tal sc'ob ta xch'ich'al li tentsune, ac'o sbon ta xulub scajleb xchic'ubil jmoton. Li scomelale te ac'o smal ta yoc li scajleb jmotone.

Levítico 4:30

Li palee ac'o sts'aj sbic'tal sc'ob ta xch'ich'al li tentsune; ac'o sbon te ta xulub scajleb xchic'ubil jmoton. Li scomelal ch'ich'e, te ac'o smal ta yoc li scajleb jmotone.

Levítico 4:34

Li palee ac'o sts'aj sbic'tal sc'ob ta xch'ich'al li chije; ac'o sbon te ta xulub li scajleb xchic'ubil jmotone. Li scomelale ac'o smal te ta yoc li scajleb jmotone.

Levítico 5:9

Li xch'ich'ale ac'o yich' vijbel jutuc ta jot xocon li scajleb jmotone. Li c'u yepal chcome, ac'o yich' pits'el yalel ta yoc scajleb jmoton, yu'un ja' matanal sventa mulil.

Levítico 6:30

Pero li matanal chich' aq'uel ta sventa mulil ti chich' ich'bel ochel xch'ich'al ta ch'ulna pasbil ta nucul sventa xch'ayubil mulile, mu xu' chich' ti'el. Ac'o yich' chiq'uel scotol.

Levítico 8:15

Ja' xa stuc Moisés la smil li vacaxe. Lic sts'aj sc'ob ta xch'ich'al, la sbon ta sjoyobal xulub scajleb smoton li Diose. Li scomelale te la smal ta yoc li scajleb smoton Diose, jech ts'u'iltasbil icom o, yu'un ja' te chch'aybat li smulique.

Levítico 9:9

Li xnich'nabtac Aarone ta ora laj yich'beic batel ec li xch'ich'ale. Te lic sts'aj sc'ob li Aarone; la sbonbe ta xulub li scajleb smoton Diose. Li scomelal ch'ich'e la smaltabe o yoc li scajleb smoton Diose.

Efesios 2:13

Pero li' ta orae oyoxuc xa ta stojol li Cristo Jesuse. Vo'oxuc ti nom to'ox oyoxuque lanopajic xa tal ta sventa ti la smal xch'ich'al li Cristo Jesuse.

Hebreos 9:15

Ja' yu'un ja' xa jc'opojel cu'untic ta sventa li c'usi ach' la xchapan Diose, yu'un ja' la xch'ay ta sventa icham li jmul jtaojtic ta sventa ti muc xch'un cu'untic li c'usi ba'yuc chapanbile. Li boch'otic ic'bilic xae, chich'ic li c'usi albil ono'ox sc'oplal ch-ac'batic sventa sbatel osile.

Hebreos 9:21

Jech noxtoc la svij ta ch'ich' li ch'ulna pasbil ta nucule, xchi'uc li c'usitic te chtun sventa tspasic c'usitic yaloj Diose.

Apocalipsis 6:9

C'alal ituch' li yo'bal spac' vune, laj quil te oyic ta yolon scajleb smoton Dios xch'ulelic li boch'otic imilatic ta sventa sc'op Diose, xchi'uc ta sventa ti jamal laj yalic ti xch'unojique.