Levítico 4:6 - Bible in Tzotzil de Chenalhó with Deuterocanon

⁶ Ac'o sts'aj sbic'tal sc'ob ta ch'ich'. Ac'o svij batel vucub velta ta jtojol ta stuq'uil li poc' te joc'ol ta ch'ulnae.

Bible in Tzotzil de Chamula

⁶ Ti bu taje, ta sts'aj sni' sc'ob ti ta ch'ich'e, ti vucub velta ta slilin batel ta stojol Dios ta stuq'uil ti bu lich'il ti poc' yu'un ti Axibalnae.

Levítico 4:6 Iomraidhean Croise

Éxodo 40:26

Li scajleb xchic'ubil pom pasbil ta c'anal taq'uine te laj yac' ta yut ch'ulna ta yeloval yo' bu joc'ol li poq'ue.

Levítico 14:16

Ac'o svij vucubuc velta ta jtojol, vu'un li Muc'ul Diosune.

Levítico 14:18

Li scomelal aceite te ta sc'obe ac'o xjaxbe ta sjol li boch'o chich' lecubtasele. Ac'o yac' ta ch'aybel smul ta jtojol, jech ch'aybil chc'ot smul li boch'o ip cha'ye.

Levítico 14:27

Ac'o sts'aj jun sbic'tal sbats'ic'ob ta ch'ich' ti te xloch'oje; ac'o svij vucub velta ta jtojol, vu'un li Muc'ul Diosune.

Levítico 14:7

Ts'acal ac'o svij ta ch'ich' vucub velta li boch'o chich' lecubtasel ta sventa c'a'el chamele. Ac'o yal ti lec xa icome. Li jcot mut cuxul icome ac'o scolta batel.

Levítico 16:14

Ac'o stsac jutebuc xch'ich'al li ch'ium vacaxe; ac'o svij ta jot sjol li smac caxa ta stuq'uil sloq'ueb c'ac'ale. Xchi'uc ac'o svij ta ch'ich' vucub velta li jot sti' smac caxa ta yelovale.

Levítico 16:19

Xchi'uc ac'o svij ta sbic'tal sc'ob vucub velta ta ch'ich' li scajleb jmotone. Jech lecubtasbil chcom o ta sventa yi'lalic li achi'iltaque, jech ts'u'iltasbil chcom o.

Levítico 25:8

“Tsc'an chavatic vucub velta chcux li avosilique. Ja' jun velta chavatic ta vucvuc jabil; ja' baluneb yoxvinic (49) jabil xloc' ta scotol ti c'alal tsts'aqui li vucub velta chcux avosilique.

Levítico 26:18

“Pero me mu xavich' avo'ntonic o c'alal jech chc'ot ta pasele, x'ech' to vucub velta ta xcac'boxuc stojol li amulique.

Levítico 26:24

ja' no'ox jech ec li vu'une ta jcontrainoxuc o ec. Ta xcac'boxuc to yan vucub velta stojol li amulique.

Levítico 26:28

jech ec li vu'une ta jcontrainoxuc ec; ta xlic ep sc'ac'al co'nton avu'unic, jech chacac'boxuc to yan vucub velta stojol li amulique.

Levítico 4:17

Ac'o sts'aj sbic'tal sc'ob ta ch'ich' li palee. Ac'o svij batel vucub velta ta jtojol te ta poc' ti te joc'ol ta ch'ulnae.

Levítico 4:25

Li palee ac'o sts'aj sbic'tal sc'ob ta xch'ich'al li tentsune, ac'o sbon ta xulub scajleb xchic'ubil jmoton. Li scomelale te ac'o smal ta yoc li scajleb jmotone.

Levítico 4:30

Li palee ac'o sts'aj sbic'tal sc'ob ta xch'ich'al li tentsune; ac'o sbon te ta xulub scajleb xchic'ubil jmoton. Li scomelal ch'ich'e, te ac'o smal ta yoc li scajleb jmotone.

Levítico 4:34

Li palee ac'o sts'aj sbic'tal sc'ob ta xch'ich'al li chije; ac'o sbon te ta xulub li scajleb xchic'ubil jmotone. Li scomelale ac'o smal te ta yoc li scajleb jmotone.

Levítico 8:11

Lic svij ta aceite vucub velta noxtoc li scajleb smoton Diose. Ts'acal lic smalta lec ta aceite li scajleb smoton Diose xchi'uc li c'usitic chtun tee, xchi'uc li perol xchi'uc snaclebe, yu'un jech ts'u'iltasbil chcom scotol.

Levítico 8:15

Ja' xa stuc Moisés la smil li vacaxe. Lic sts'aj sc'ob ta xch'ich'al, la sbon ta sjoyobal xulub scajleb smoton li Diose. Li scomelale te la smal ta yoc li scajleb smoton Diose, jech ts'u'iltasbil icom o, yu'un ja' te chch'aybat li smulique.

Levítico 9:9

Li xnich'nabtac Aarone ta ora laj yich'beic batel ec li xch'ich'ale. Te lic sts'aj sc'ob li Aarone; la sbonbe ta xulub li scajleb smoton Diose. Li scomelal ch'ich'e la smaltabe o yoc li scajleb smoton Diose.

Números 19:4

Li pale Eleazare, ac'o sts'aj sbic'tal sc'ob ta xch'ich'al li vacaxe, ac'o svij batel vucubuc velta ta stuq'uil li ch'ulna pasbil ta nucule.

Josué 6:4

Vucub paleetic ac'o jelovicuc batel ta ba'yucbe yu'un li xcaxail jmantale. Ac'o yich'ic batel jujun xcachuic sventa tsjupanic. Ta svucubal c'ac'ale joyibtaic vucubuc velta li lume. Li paleetique ac'o sjupan li xcachuique.

Josué 6:8

Scotolic la xch'unic c'usi i'albatic yu'un li Josuee. Vucub paleetic ijelovic batel ta ba'yucbe. Yich'ojic batel jujun xcachuic; la sjupanic batel. Ja' te nabal ibat ta spatic li xcaxail smantal Muc'ul Diose.