Levítico 4:4 - Bible in Tzotzil de Chenalhó with Deuterocanon

⁴ Ac'o yic' tal ta jtojol ta ti'ch'ulna pasbil ta nucul. Ac'o yac' sc'ob ta sjol li vacaxe. Ts'acal ac'o smil te ta jtojol.

Bible in Tzotzil de Chamula

⁴ Ta xic' batel ta stojol ti Dios ta sti' ti ochebal Axibalna ti bu nupel ta bee. Ti bu taje, ta scajan sc'ob ta sjol ti matanale. Mi laj une, ta xich' c'ocbel snuc' xtoc ta stojol ti Diose.

Levítico 4:4 Iomraidhean Croise

2 Crónicas 29:23

Ts'acal laj yiq'uic batel ta stojol ajvalil xchi'uc ta stojol scotol israeletic li tentsunetic sventa xch'ayubil mulile; laj yac' sc'obic ta sjol.

Isaías 53:6

Yu'un jcotoltic ch'ayemutic ta be jech chac c'u cha'al ch'ayemal chijetic; la jtam batel jbe jtuctic jujunutic, pero li Muc'ul Diose ja' laj yac'be xcuch scotol li jmultique.

Daniel 9:26

C'alal me i'ech' xa'ox li chib xchanvinic (62) xemunae, ta xlic smilic li Boch'o t'ujbil yu'un Diose. Li Jerusalén xchi'uc ch'ulnae ta xtal sjines jun ajvalil xchi'uc svinictac. Li slajebale ja' jech chc'ot ta pasel jech chac c'u cha'al pulel ta vo'; li milel chamesele mu xlaj sc'oplal o. Jech tspasic o batel c'alal to ta slajebal, jech chac c'u cha'al chapanbil sc'oplale.

Levítico 16:21

Ac'o yac' xchibal sc'ob ta sjol li tentsune; ac'o yal ta jamal c'usi chopol spasojic, c'u x'elan stoyoj sbaic, xchi'uc c'usi smulic li achi'iltaque. Ja' jech chich' ac'bel xcuch scotol muliletic li tentsune. Jun vinic ac'o yic' batel li tentsune; ac'o bat scolta comel ta xocol banamil.

Levítico 4:15

Li moletic yu'unique, ac'o yac' sc'obic ta sjol li vacaxe, xchi'uc te ac'o smilic ta jtojol, vu'un li Muc'ul Diosune.

Levítico 4:29

Ac'o yac' sc'ob ta sjol li stentsune; te ac'o smil yo' bu chich' milel li yantic matanaletic chich' chiq'uele.

Levítico 8:14

Ts'acal lic yal mantal li ac'o yiq'uic tal li ch'ium tot vacax ta sventa mulile. Li Aarón xchi'uc xnich'nabe la scajan sc'obic ta sjol li vacaxe.

Números 8:12

Li levietique ac'o yac' sc'obic ta sjol li ch'ium tot vacaxetique. Jcot ac'o yich' milel ta sventa smulic. Jcot ac'o yich' chiq'uel sventa chich'ic lecubtasel o.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.