Levítico 4:34 - Bible in Tzotzil de Chenalhó with Deuterocanon

³⁴ Li palee ac'o sts'aj sbic'tal sc'ob ta xch'ich'al li chije; ac'o sbon te ta xulub li scajleb xchic'ubil jmotone. Li scomelale ac'o smal te ta yoc li scajleb jmotone.

Bible in Tzotzil de Chamula

³⁴ Va'i un, ti palee ta sts'aj jutebuc sni' sc'ob ta xch'ich'el ti chon bolom ti laj yich' svocol ta scoj ti mulil colo'ile. Ta xjaxbe ta xulubtac altar yu'un ti xchic'obil matanale. Ja'uc scotol scomelal ti ch'ich'e, ta smal ta yoc ti altare.

Levítico 4:34 Iomraidhean Croise

Isaías 42:21

Ta sventa ti toj tuc' yo'nton li Muc'ul Diose, tsc'an ox toj tsots sc'oplal chc'ot yu'un li smantaltaque; tsc'an ox toj lec chbat sc'oplal li chanubtaseletic yu'une.

Levítico 4:18

Ac'o sbon ta ch'ich' noxtoc li xulub scajleb jmoton ti te oy ta jtojol ta ch'ulna pasbil ta nucule. Li scomelal ch'ich'e, ac'o smal te ta yoc li scajleb xchic'ubil jmoton te ta stuq'uil ti'ch'ulna pasbil ta nucule.

Levítico 4:25

Li palee ac'o sts'aj sbic'tal sc'ob ta xch'ich'al li tentsune, ac'o sbon ta xulub scajleb xchic'ubil jmoton. Li scomelale te ac'o smal ta yoc li scajleb jmotone.

Levítico 4:30

Li palee ac'o sts'aj sbic'tal sc'ob ta xch'ich'al li tentsune; ac'o sbon te ta xulub scajleb xchic'ubil jmoton. Li scomelal ch'ich'e, te ac'o smal ta yoc li scajleb jmotone.

Levítico 4:7

Ac'o sbon ta ch'ich' noxtoc li xulub scajleb xchic'ubil pom ti te oy ta yut ch'ulna ta jtojol, vu'un li Muc'ul Diosune. Li scomelale ac'o smal te ta yoc li scajleb xchic'ubil jmoton ti te oy ta stuq'uil ti'ch'ulna pasbil ta nucule.

San Juan 17:19

Ja' ta sventaic ti yutsil co'nton jtuc chcac' jbae, yu'un jech ta yutsiluc yo'ntonic ac'o yac' sbaic ta sventa ec li c'usi melele.

Romanos 10:4

Yu'un li sts'aquieb mantaletique ja' stuc li Cristoe; ja' ta sventa tuc' yo'nton ch-ilatic yu'un Dios li boch'otic ta xch'unique.

Romanos 8:1

Ja' yu'un li' ta orae, mu'yuc xa sc'oplal chbatic ta tojob mulil li boch'otic oyic xa ta stojol Cristo Jesuse.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

Hebreos 10:29

¿C'u to stsatsal tstoj smul xana'ic li boch'o chpech'beic ta teq'uel Xnich'on li Diose, ti mu'yuc xa stu ta yo'ntonic li xch'ich'al Cristo laj yac' tunuc ta sventa c'usi la xchapan Diose, ti chopol chalbeic sc'oplal li Ch'ul Espíritu ti ja' xc'uxubinelique?

Hebreos 2:10

Li Dios ti ja' la spas, xchi'uc ti ja' ta sventa i'ayin scotol li c'usitic oye, oy ta yo'nton chic' batel ta slequilal ep xnich'nab. Ja' yu'un jech la sc'an ti ac'o yich' vocol li Xnich'one, yu'un jech ic'ot ta pasel ti ja' yajval scoltaelic ic'ote.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.