Levítico 4:3 - Bible in Tzotzil de Chenalhó with Deuterocanon

³ “Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Bible in Tzotzil de Chamula

³ “Mi ja' laj sta smul ti banquilal palee, ti ta sta ta maquiel yu'un ti jteclume, tsots sc'oplal ta xac' ta stojol Dios jcotuc ch'iom tot vacax ti mu'yuc jutebuc xchopolile, ti ta xich' milel ta scoj ti smul ti laj stae.

Levítico 4:3 Iomraidhean Croise

2 Crónicas 29:21

Laj yaq'uic ta smoton Dios vuccot tot vacax, vuccot tot chij, vuccot ch'ium chij, xchi'uc vuccot tot tentsun sventa xch'ayubil smul xchi'uc yalab xnich'nab li ajvalile, xchi'uc itun ta sventa ch'ulna, xchi'uc itun ta sventa scotol Judaetic. Lic spas ta mantal li paleetic smomnich'nab Aarón ta vo'one ti ac'o yac'beic smoton Muc'ul Dios te ta scajlebe.

Esdras 8:35

Li boch'otic iloq'uic tal ta chuquel ta yan banamile la xchiq'uic matanaletic ta stojol li Dios yu'un Israele, xchi'uc ta sventa scotol li israeletique. Ja' laj yaq'uic lajcha'cot (12) ch'ium vacax, vaclajuneb yo'vinic (96) tot chij, vuclajuneb xchanvinic (77) ch'ium chij, xchi'uc lajcha'cot (12) tot tentsun; ja' matanal ta sventa smulic. Laj yich' chiq'uel scotol ta stojol li Muc'ul Diose.

Éxodo 29:14

Yan li sbec'tale, li sbel xch'ute, xchi'uc li snuculile bat chiq'uic ta spat to ti bu apasoj acarpanaique yu'un ja' matanal ta sventa mulil.

Éxodo 29:21

Li ch'ich' te ts'anajtic chcom ta sba scajleb jmotone xchi'uc li aceite sventa ich'ub abtelale vijbo ta sba yac'olic li Aarón xchi'uc xnich'nabe, xchi'uc ta sc'u' spoq'uic. Jech voc'bil chcomic o li Aarón xchi'uc xnich'nabe, xchi'uc li sc'u' spoq'uique.

Éxodo 29:7

Tsaco li aceite sventa ich'ub abtelale. Malbo ta sjol, jech voc'bil chcomic o.

Éxodo 30:10

Li scajleb matanal le'e ja' voc'bil o ta jventa. Li Aarone jun no'ox velta ta jujun jabil ac'o smalta o xulub scajleb jmoton ta xch'ich'al li milbil matanal sventa xch'ayubil amulique. Jech noxtoc li matanal sventa xch'ayubil amulique, jun velta ta jujun jabil ac'o yac' te ta sba li scajleb jmotone”, xi.

Ezequiel 40:39

Ta cuarto te ta ochebale oy chancot mexa te oy, chib ta jujujot. Ja' sventa te tsmilic o li smoton Dios chchiq'uique, xchi'uc li smoton Dios sventa xch'ayubil mulile, xchi'uc li smoton Dios sventa c'unil muliletique.

Ezequiel 43:19

Li paleetique, ja' li levietic smomnich'nab Sadoque, ti ja' oy ta sventaic xu' chnopajic ta jtojol sventa chtunic cu'une, ac'beic jcotuc ch'ium tot vacax; ac'o smilic sventa xch'ayubil amulic, vu'un jtuc chcal mantal.

Ezequiel 44:27

C'alal ch-ochic batel yan velta ta xcha'c'olal amac' sventa chbat tunicuc cu'une, ac'o smilbicun jcotuc jmoton ta sventa smulic. Vu'un chcal jtuc, vu'un li Muc'ul Diosune.

Levítico 1:10

“Me chij, o me tentsun chaq'uic sventa chixchic'bicun jmotonine, ja' ac'o yaq'uic li stot ti bu ven leque.

Levítico 1:3

“Me vacax chaq'uic sventa chixchic'bicun jmotonine, ja' ac'o yaq'uic li stot ti bu ven leque. Ti c'u cha'al xu' chquich'beique, te ac'o tal yaq'uic ta ti'ch'ulna pasbil ta nucul ta jtojol, vu'un li Muc'ul Diosune.

Levítico 16:11

“Li Aarone ac'o smil li jcot ch'ium tot vacax ti ja' yu'un stuque, jech ta jch'aybe ta co'nton smul stuc xchi'uc smul yajnil xnich'nab.

Levítico 16:3

C'alal ch-och batel ta ch'ulna li Aarone, ac'o yic' ochel jcotuc ch'ium tot vacax sventa mulil, xchi'uc jcot chij sventa chic'bil matanal.

Levítico 16:5

“Li Aarone ac'o stsac cha'cotuc tentsun ta sventa scotol li israeletique, ja' milbil matanal ta sventa smulic. Xchi'uc ac'o stsac jcotuc chij ta sventa chic'bil matanal.

Levítico 16:6

Ts'acal ac'o yac' jcotuc ch'ium tot vacax ta sventa stuc li palee. Ja' milbil matanal sventa xch'ayubil smul xchi'uc yajnil xnich'nab.

Levítico 4:14

C'alal me la sna'ic ti oy smulique, ac'o yaq'uic jcot ch'ium vacax ta sventa smul scotolic. Ac'o yich'ic batel ta ch'ulna pasbil ta nucul.

Levítico 4:23

C'alal me laj xa sna' ti oy smulique, ac'o yac'bun jmotonin jcotuc stentsun ti bu ven leque.

Levítico 4:28

C'alal tsna' ti oy smule, ac'o yac' jcotuc me' tentsun ta sventa li smul la stae. Ja' ac'o yac' ti bu ven leque.

Levítico 4:5

Ja' stuc ac'o yich' batel jutebuc xch'ich'al te ta ch'ulna pasbil ta nucul.

Levítico 5:6

xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Levítico 6:18

Li smomnich'nabtac Aarón ta to xtal ta ts'acale oy ta sventa tsve'ic o ec ti c'u yepal chcom c'alal chich' chiq'uel ta jtojol; vu'un li Muc'ul Diosune. C'usiuc no'ox cht'ab te ta scomelal li jmotone ts'u'iltasbil xa chcom o”, xi li Muc'ul Diose.

Levítico 8:12

Ts'acal lic smalbe aceite sventa ich'ub abtelal ta sjol li Aarone, jech voc'bil icom o ta sventa paleal.

Levítico 9:2

Jech laj yalbe li Aarone: “Tsaco tal jcotuc ch'ium vacax sventa smoton Dios ta sventa mulil xchi'uc jcot chij sventa chic'bil matanal ti bu ven leque. Bat aq'uic ta stojol li Muc'ul Diose.

Levítico 9:3

Albo ya'yic li jchi'iltactique, ac'o yiq'uic tal jcotuc tentsun; ja' matanal sventa mulil. Xchi'uc ac'o yiq'uic tal jcotuc ch'ium vacax, xchi'uc jcot ch'ium chij ti jun to jabil svoq'uel, ti bu ven leque yu'un ja' ta jchic'betic sventa smoton Dios.

Números 16:22

Pero li stuquique la squejan spatan sbaic ta banamil. Jech laj yalic: —Dios, vo'ot ti avac'ojbe yorailic li cristianoetique, ¿me cha'ilin ta stojol scotol jchi'iltac ta scoj smul li jun vinique? —xutic li Muc'ul Diose.

Números 8:8

Ts'acal ac'o smilic jcot ch'ium tot vacax sventa jmoton, xchi'uc ac'o yaq'uic arina ti bu ven leque, ti vots'bil o ta aceitee. Xchi'uc ac'o yaq'uic yan jcot ch'ium tot vacax sventa chich' milel ta sventa smulic.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

Hebreos 5:3

Ta sventa ti cristiano eq'ue, jech persa laj yac' milbil matanal ta sventa smul stuc jech chac c'u cha'al ta spas ta sventa li steclumale.

Hebreos 9:12

Muc xa ta sventauc xch'ich'al tot tentsun, xch'ich'al ch'ium tot vacax i'och ta bats'i lequil ch'ul cuarto li Banquilal Pale cu'untique; ta sventa xa xch'ich'al stuc i'och. Jun no'ox velta i'och ta bats'i lequil ch'ul cuarto, yu'un j'ech'el la smanutic o ta xch'ich'al.