Levítico 4:27 - Bible in Tzotzil de Chenalhó with Deuterocanon

²⁷ “Me oy tsta smul junuc boch'o mu'yuc yabtel te ta atojolic ti mu xch'un c'usi chal ta mantaletic cu'un, vu'un li Muc'ul Diosune, ac'o me muc ta yutsiluc yo'nton la spas, oy smul o ta jtojol.

Bible in Tzotzil de Chamula

²⁷ “Mi laj sta smul junuc xocol vinic ti mu sna' mi ja' smule, oy ono'ox smul ta scoj ti ta scontrainbe smantaltac ti Diose.

Levítico 4:27 Iomraidhean Croise

Salmos 19:13

Vu'un li avajtunelune, loq'uesbun ta co'nton li toybaile; mu me xavac' xistsalun, jech mu jta o jmul, jech mu jpas o li c'usi toj chopol chavile.

Éxodo 12:49

Ja' jun mantal ta xcom avu'unic xchi'uc li yanlum cristianoetic te achi'uquic ta nacleje”, xut.

Ezequiel 45:17

Yu'un ja' tsventain yaq'uel li matanal ti chich' chiq'uel scotlijile, xchi'uc li milbil matanale, xchi'uc li yantic matanal sventa q'uinetique, xchi'uc ti c'alal ch-uninaj ue, xchi'uc ti c'alal ja' sc'ac'alil cuxub o'ntonale, xchi'uc ta sventa scotol li q'uinetic chich' pasel ta Israele. Ja' tsventain yaq'uel noxtoc li milbil matanal ta sventa mulile, xchi'uc li yantic matanal jech chac c'u cha'al trigoe, xchi'uc li milbil matanaletic ta sventa co'ol co'ntontique yu'un jech xu' ta jch'aybe smulic scotol li achi'iltaquique.

Ezequiel 45:20

Ja' jech xapasic noxtoc ta svucubal c'ac'al yochel li sba ue; ja' sventa xch'ayubil smul scotol achi'iltac ti me oy bu muc xa'ay la sta smulique, xchi'uc ti muc ta yutsiluc yo'nton la spasique. Jech lecubtasbil chcom noxtoc li ch'ulna cu'une.

Levítico 4:13

“Me scotol achi'iltac la sta smulic ti muc ta yutsiluc yo'nton la spasique, me mu'yuc boch'o sna' yu'unic ti mu jechuc chal mantaletic cu'un, vu'un li Muc'ul Diosune, oy ono'ox smulic o ta jtojol.

Levítico 4:2

“Albo ya'yic scotol achi'iltac li c'usi chacalbot li'i: Me oy boch'o tsta smul ta sventa li jmantaltac ti muc ta yutsiluc yo'nton la spasique, xchi'uc me oy tspasic li c'usi sc'oplal mu stac' chapasique, tsc'an jech ac'o spasic chac li'i:

Levítico 4:22

“C'alal me ja' la sta smul junuc li banquilaletique, me mu spas jech c'u cha'al chal li mantaletic cu'un, vu'un li Muc'ul Diosun avu'unique, oy smul ta jtojol ac'o me muc ta yutsiluc yo'nton la spas.

Levítico 5:17

“Me oy boch'o la spas c'usi chopol ti mu jechuc chal li mantaletic cu'une, ac'o me muc sna' ti la sta smule, pero oy ono'ox smul o ta jtojol.

Levítico 9:15

Li Aarone laj yac' noxtoc li smoton Dios ta sventa xchi'iltaque. La stsac jcot tentsun, la smil ta sventa xch'ayubil mulil. Laj yac' ta smoton Dios jech chac c'u cha'al la spas ta sventa li yan matanale.

Números 15:16

Jun no'ox mantal ta xcom avu'un acotolic achi'uquic li yanlum cristianoetique”, xi li Muc'ul Diose.

Números 15:22

“Li mantaletic laj calbe Moisés ti icom o c'alal ta amomnich'nabique, tsc'an chlic apasilanic o batel scotol ora. Pero me oy chc'ot ta pasel ti muc ta yutsiluc avo'ntonic mu xapasique, tsc'an jech chapasic chac li'i:

Números 15:27

“Me jun no'ox muc xch'un jmantale, pero me muc ta yutsiluc yo'nton la spase, ac'o yac'bun jmotonin jcotuc ch'ium me' tentsun ti jun to jabil svoq'uele. Ja' matanal ta sventa li smule.

Números 15:29

Li c'usi laj calboxuc li'i, ja' ta xtun ta aventaic vo'oxuc xchi'uc ta xtun ta sventa li yanlum cristianoetic te nacalic ta atojolique. Pero ja' no'ox ta sventa li smulic ti muc ta yutsiluc yo'nton tspasique.

Números 5:6

“Albo scotol achi'iltac ta israelal jech chac li'i: Me oy junuc vinic, o ants ti mu tuc'uc yo'nton ta stojol Muc'ul Diose, xchi'uc me oy laj yuts'inta xchi'ile, oy xa smul o ti me jech la spase.