Levítico 4:26 - Bible in Tzotzil de Chenalhó with Deuterocanon

²⁶ Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Bible in Tzotzil de Chamula

²⁶ Va'i un, ta xchic' scotol ti xepu'al ta sba ti altare jech c'u cha'al laj yich' pasbel xepu'al ti laj yich' milel ta matanal ta sventa ti lajesobil o'ntonale. Jech ti pale une ta sta ti ta xch'ay smul scolo' ti banquilale. Tub ti mulil colo'ile.

Levítico 4:26 Iomraidhean Croise

2 Crónicas 29:24

Li paleetique lic smilic li tentsunetique. Li xch'ich'ale la smalic te ta scajleb smoton Dios; ja' laj yaq'uic o ta ch'aybel smul scotol li xchi'iltaquique, yu'un jech laj yal mantal ajvalil ti ac'o yich' chiq'uel matanal ta sventa smul scotol li xchi'iltaquique.

Ezequiel 43:22

Ta xchibal c'ac'al ac'bun jmotonin jcot tot tentsun ti bu ven leque; ja' sventa xch'ayubil amulic noxtoc. Li paleetique ac'o svijbeic ta scajleb jmoton li xch'ich'ale, yu'un jech ts'u'iltasbil chcom jech chac c'u cha'al tspasic ta sventa li ch'ium tot vacaxe.

Levítico 1:4

Ac'o yac' sc'obic ta sjol li xvacaxique. Jech xu' chquich'beic sventa ta jch'aybeic o li smulique.

Levítico 12:8

Yan me mu'yuc yu'un li chije, ac'o yic' tal cha'cotuc puruvoc stsu o me cha'cotuc stsumut. Jcot ac'o yich' chiq'uel ta sventa jmoton; jcot ac'o yich' milel ta sventa xch'ayubil smul. Jech li palee ac'o yac' ta ch'aybel smul li antse, jech lecubtasbil chcom o.

Levítico 14:18

Li scomelal aceite te ta sc'obe ac'o xjaxbe ta sjol li boch'o chich' lecubtasele. Ac'o yac' ta ch'aybel smul ta jtojol, jech ch'aybil chc'ot smul li boch'o ip cha'ye.

Levítico 15:15

Li palee ac'o smil jcotuc ta sventa mulil; li yan jcote ac'o yac' ta sventa chic'bil matanal. Ja' jech tsc'an pasel ta jtojol sventa chich' lecubtasel li boch'o oy xchamele.

Levítico 17:11

Yu'un ja' ta sventa xch'ich'al cuxul li c'usitic cuxajtique. Xchi'uc li ch'ich'e ja' cac'oj ta sventa chich' aq'uel ta scajleb jmoton sventa aq'uexolic yu'un jech mu xachamic li vo'oxuque, yu'un ja' ta sventa ch'ich' tojbil chc'ot ti jech cuxul chacomique.

Levítico 19:22

Li palee ac'o yac' ta ch'aybel smul li vinic ta sventa li jcot chij chaq'ue. Jech ch'aybil smul chc'ot li vinique.

Levítico 3:5

Li paleetique ac'o xchic' ta scajleb jmoton. Jmoj ac'o xchic' xchi'uc li yan jmoton te chc'ac' yo' bu tsanal li si'e. Ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 4:19

Ac'o sloq'uesbe scotol li xepuale. Ac'o xchic' ta scajleb jmoton.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:31

Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.

Levítico 4:35

Ac'o sloq'uesbe scotol li xepualtac jech chac c'u cha'al chich' pasbel li matanal sventa lec chaquiloxuque. Li palee ac'o xchic' te ta scajleb jmoton te ta sba li yan matanal te chc'ac' ta jtojole. Ja' jech ac'o spas sventa chch'aybe smul li boch'o la sta smule, jech ch'aybil smul chc'ot o.

Levítico 5:10

Li xcha'cotale ac'o yich' xchiq'uel jech chac c'u cha'al chich' pasel ono'oxe. Ja' jech ac'o spas li pale sventa chch'aybe smul li boch'o staoj smule, jech ch'aybil smul chc'ot o.

Levítico 5:13

Li palee ac'o xch'aybe smul li boch'o c'usiuc smul staoje, jech ch'aybil smul chc'ot o. Li scomelale ja' xa yu'unic chcom li paleetique. Ja' co'ol chac c'u cha'al chich' aq'uel li c'usitic yan jech chac c'u cha'al trigoe”, xi li Diose.

Levítico 5:16

Li boch'o jech la spas ti muc ts'acaluc xac' li c'usi voc'bil ta jtojole, ac'o sts'acubtas, xchi'uc ac'o yac'be sjol jun ta vo'vo'. Ja' ac'o yac'be li palee. Li palee ja' ac'o yac' ta ch'aybel o smul ta sventa li chij laj yaq'ue, jech ch'aybil smul chc'ot o.

Levítico 5:18

Ac'o yic' tal jcotuc xchij ti leque, ti mu'yuc xchamele, xchi'uc vo'ot chaq'uel c'u yepal stojol. Ac'o yic' batel ta stojol li palee. Ja' milbil matanal chc'ot ta sventa smul ti muc ta yutsiluc yo'nton la spase, jech ch'aybil smul chc'ot o.

Levítico 6:7

Ja' yu'un li palee ac'o yac' ta ch'aybel smul ta jtojol li boch'o chc'ot ta pasel yu'unic jchopuc chac le'e, jech ch'aybil smul chc'ot o”, xi li Muc'ul Diose.

Números 15:25

Li palee ac'o yac'bun li jmoton sventa xch'ayubil amulic acotolique. Jech li vu'une ta jch'aybe ta co'nton smulic, yu'un muc ta yutsiluc yo'ntonic muc spasic li c'usi caloje, xchi'uc laj yac'bicun li jmoton sventa smulique.

Números 15:28

Jech li palee ac'o stoy sc'ob ta jtojol sventa ac'o ch'aybatuc smul li boch'o oy smul ti muc ta yutsiluc yo'nton la spase, jech ta jpasbe perdón yu'un li smule.