Levítico 4:25 - Bible in Tzotzil de Chenalhó with Deuterocanon

²⁵ Li palee ac'o sts'aj sbic'tal sc'ob ta xch'ich'al li tentsune, ac'o sbon ta xulub scajleb xchic'ubil jmoton. Li scomelale te ac'o smal ta yoc li scajleb jmotone.

Bible in Tzotzil de Chamula

²⁵ Mi laj une, jech ti palee ta sts'aj jutebuc sni' sc'ob ta xch'ich'el ti chon bolom ti ta xich' milel ta scoj ti mulile. Ta xjaxbe ta xulubtac ti altar ti ja' xchic'obil ti matanale. C'alal mi jech laj spase, ti scomelal ti ch'ich'e, ta smal ta yoc ti altare.

Levítico 4:25 Iomraidhean Croise

Éxodo 29:12

Ts'ajo sbic'tal ac'ob ta xch'ich'al; bono ta xchanibal xulub li scajleb jmotone. Li scomelale malo te ta yoc li scajleb jmotone.

Isaías 40:21

¿Me yu'un mu xana'ic li vo'oxuque? ¿Me mu'yuc bu ava'yojic jutuc a'yej? ¿Me mu'yuc bu albiloxuc tal jutuc ta sliquebal? ¿Me mu'yuc ava'yojbeic tal smelol ta sliqueb banamil

Levítico 16:18

ac'o loc'uc tal; ac'o bat slecubtas ta ora noxtoc li scajleb jmoton te oy ta jtojole. Ac'o stsac jutebuc li xch'ich'al ch'ium tot vacaxe xchi'uc li xch'ich'al tentsune; ac'o xjaxbe ta xulub xchi'uc ta spat xocon li scajleb jmotone.

Levítico 17:11

Yu'un ja' ta sventa xch'ich'al cuxul li c'usitic cuxajtique. Xchi'uc li ch'ich'e ja' cac'oj ta sventa chich' aq'uel ta scajleb jmoton sventa aq'uexolic yu'un jech mu xachamic li vo'oxuque, yu'un ja' ta sventa ch'ich' tojbil chc'ot ti jech cuxul chacomique.

Levítico 4:18

Ac'o sbon ta ch'ich' noxtoc li xulub scajleb jmoton ti te oy ta jtojol ta ch'ulna pasbil ta nucule. Li scomelal ch'ich'e, ac'o smal te ta yoc li scajleb xchic'ubil jmoton te ta stuq'uil ti'ch'ulna pasbil ta nucule.

Levítico 4:24

Ac'o yac' sc'ob ta sjol li stentsune; te ac'o smil ti bu ono'ox chich' milel li yantic matanaletic chich' aq'uele yu'un ja' matanal ta sventa li smule.

Levítico 4:30

Li palee ac'o sts'aj sbic'tal sc'ob ta xch'ich'al li tentsune; ac'o sbon te ta xulub scajleb xchic'ubil jmoton. Li scomelal ch'ich'e, te ac'o smal ta yoc li scajleb jmotone.

Levítico 4:34

Li palee ac'o sts'aj sbic'tal sc'ob ta xch'ich'al li chije; ac'o sbon te ta xulub li scajleb xchic'ubil jmotone. Li scomelale ac'o smal te ta yoc li scajleb jmotone.

Levítico 4:7

Ac'o sbon ta ch'ich' noxtoc li xulub scajleb xchic'ubil pom ti te oy ta yut ch'ulna ta jtojol, vu'un li Muc'ul Diosune. Li scomelale ac'o smal te ta yoc li scajleb xchic'ubil jmoton ti te oy ta stuq'uil ti'ch'ulna pasbil ta nucule.

Levítico 5:9

Li xch'ich'ale ac'o yich' vijbel jutuc ta jot xocon li scajleb jmotone. Li c'u yepal chcome, ac'o yich' pits'el yalel ta yoc scajleb jmoton, yu'un ja' matanal sventa mulil.

Levítico 8:10

Li Moisese lic stsac li aceite sventa ts'u'iltasele. La smalta ta aceite li ch'ulnae xchi'uc scotol li c'usitic te oye, jech ch'ulna icom o.

Levítico 8:15

Ja' xa stuc Moisés la smil li vacaxe. Lic sts'aj sc'ob ta xch'ich'al, la sbon ta sjoyobal xulub scajleb smoton li Diose. Li scomelale te la smal ta yoc li scajleb smoton Diose, jech ts'u'iltasbil icom o, yu'un ja' te chch'aybat li smulique.

Levítico 9:9

Li xnich'nabtac Aarone ta ora laj yich'beic batel ec li xch'ich'ale. Te lic sts'aj sc'ob li Aarone; la sbonbe ta xulub li scajleb smoton Diose. Li scomelal ch'ich'e la smaltabe o yoc li scajleb smoton Diose.

Romanos 10:4

Yu'un li sts'aquieb mantaletique ja' stuc li Cristoe; ja' ta sventa tuc' yo'nton ch-ilatic yu'un Dios li boch'otic ta xch'unique.

Hebreos 2:10

Li Dios ti ja' la spas, xchi'uc ti ja' ta sventa i'ayin scotol li c'usitic oye, oy ta yo'nton chic' batel ta slequilal ep xnich'nab. Ja' yu'un jech la sc'an ti ac'o yich' vocol li Xnich'one, yu'un jech ic'ot ta pasel ti ja' yajval scoltaelic ic'ote.

Hebreos 9:22

Ta xal ta mantaletic ti jutuc mu scotoluc chlecub ta sventa ch'ich'e. Ta xal noxtoc ti manchuc persa chich' malel ch'ich'e, mu'yuc perdón yu'un mulil ti jechuque.