Levítico 4:24 - Bible in Tzotzil de Chenalhó with Deuterocanon

²⁴ Ac'o yac' sc'ob ta sjol li stentsune; te ac'o smil ti bu ono'ox chich' milel li yantic matanaletic chich' aq'uele yu'un ja' matanal ta sventa li smule.

Bible in Tzotzil de Chamula

²⁴ Ta scajan sc'ob ta sjol ti tentsune. Ta xich' c'ocbel snuc' ta stojol Dios ti bu ta xich' milel ti chon bolometic ti oy sc'oplal ta xich' chiq'uele, yu'un ta xich' svocol ta scoj ti mulile.

Levítico 4:24 Iomraidhean Croise

2 Reyes 12:16

Li yantic taq'uin smoton Dios ta sventa muliletic xchi'uc ta sventa bu chjelovic ta stojol Diose, mu'yuc laj yich'ic batel ta ch'ulna, yu'un ja' yu'unic xa li paleetique.

2 Crónicas 29:23

Ts'acal laj yiq'uic batel ta stojol ajvalil xchi'uc ta stojol scotol israeletic li tentsunetic sventa xch'ayubil mulile; laj yac' sc'obic ta sjol.

Éxodo 29:38

“Li jmoton tsc'an chavaq'uic ta jujun c'ac'ale ja' li'i: cha'cot ch'ium chij ti jun to jabil svoq'uele.

Isaías 53:6

Yu'un jcotoltic ch'ayemutic ta be jech chac c'u cha'al ch'ayemal chijetic; la jtam batel jbe jtuctic jujunutic, pero li Muc'ul Diose ja' laj yac'be xcuch scotol li jmultique.

Levítico 1:11

Te ac'o yich' milel ta jtojol ta jot xocon scajleb jmoton ta stuq'uil norte. Li paleetique, ja' li xnich'nabtac Aarone, ac'o svijic ta spat xocon scajleb jmoton li xch'ich'ale.

Levítico 1:4

Ac'o yac' sc'obic ta sjol li xvacaxique. Jech xu' chquich'beic sventa ta jch'aybeic o li smulique.

Levítico 1:5

Te ac'o yich' milel ta jtojol li vacaxe. Li paleetique, ja' li xnich'nabtac Aarone, ac'o yaq'uic ta jtojol li xch'ich'ale. Ts'acal ac'o svijic ta scajleb jmoton xchi'uc ta spat xocon te ta ti'ch'ulna pasbil ta nucule.

Levítico 14:13

Ts'acal ac'o smil te yo' bu chich' ono'ox milel li matanal sventa mulile xchi'uc li chic'bil matanaletique. Li milbil matanal ta sventa c'unil mulile ja' chich' li palee, xchi'uc ja' chich' noxtoc li milbil matanal ta sventa mulile yu'un ja' bats'i lequil ch'ul matanal xa c'otem.

Levítico 16:15

Ja'o ac'o smil li tentsune; ja' matanal ta sventa smul li achi'iltaquique. Li xch'ich'ale ac'o yich' batel ta spat yo' bu joc'ol li poq'ue. Te ac'o svij noxtoc ta smac li caxae xchi'uc ta jot sti' ta yeloval, jech chac c'u cha'al tspas ta sventa li xch'ich'al ch'ium tot vacaxe.

Levítico 3:13

Ac'o yac' sc'ob ta sjol li stentsune. Ts'acal ac'o smil ta yeloval ti'ch'ulna pasbil ta nucul. Li paleetique ja' ac'o svijbeic xch'ich'al ta sba li scajleb jmotone xchi'uc ta spat xocon.

Levítico 3:2

Li boch'o chaq'ue, ac'o yac' sc'ob ta sjol li xvacaxe. Ts'acal ac'o smil ta stuq'uil sti' ch'ulna pasbil ta nucul. Li paleetique ja' ac'o svijbeic ta sba scajleb jmoton li xch'ich'ale, xchi'uc ta spat xocon scajleb jmoton.

Levítico 3:8

Ac'o yac' sc'ob ta sjol li xchije. Ts'acal ac'o smil te ta yeloval ti'ch'ulna pasbil ta nucul. Li paleetique ja' ac'o svijbeic xch'ich'al ta sba scajleb jmoton xchi'uc ta spat xocon.

Levítico 6:18

Li smomnich'nabtac Aarón ta to xtal ta ts'acale oy ta sventa tsve'ic o ec ti c'u yepal chcom c'alal chich' chiq'uel ta jtojol; vu'un li Muc'ul Diosune. C'usiuc no'ox cht'ab te ta scomelal li jmotone ts'u'iltasbil xa chcom o”, xi li Muc'ul Diose.

Levítico 6:22

Ja' jech ac'o spas ec li smomnich'nabtac Aarón c'alal ja' xa'ox tiq'uilic ta q'uexolile, yu'un ja' jmoton ac'bil o ta jtojol vu'un li Muc'ul Diosune. Jech tsc'an ac'o yich' chiq'uel scotol.

Levítico 6:25

“Albo ya'yic Aarón xchi'uc xnich'nab c'usi tsc'an tspasic ta sventa li matanal sventa mulile: Li matanal chich' aq'uel ta sventa mulile, te ac'o smilic ta jtojol te yo' bu chich' milel li yantic matanaletic chic' chiq'uele yu'un ja' ts'u'iltasbil matanal.

Levítico 7:2

Li matanal ta sventa bu chajelovic ta jtojole te ac'o yich' milel yo' bu chich' milel li yantic matanaletic chich' chiq'uele. Li xch'ich'ale ac'o yich' vijel ta sba scajleb jmoton xchi'uc ta spat xocon.