Levítico 4:22 - Bible in Tzotzil de Chenalhó with Deuterocanon

²² “C'alal me ja' la sta smul junuc li banquilaletique, me mu spas jech c'u cha'al chal li mantaletic cu'un, vu'un li Muc'ul Diosun avu'unique, oy smul ta jtojol ac'o me muc ta yutsiluc yo'nton la spas.

Bible in Tzotzil de Chamula

²² “Mi ja' jun banquilal laj sta smul ti oy bu laj scontrainbe smantaltac ti Ajvalil Dios yu'une, oy ono'ox smul, ac'o mi ma'uc ta yutsil yo'nton laj spas.

Levítico 4:22 Iomraidhean Croise

Salmos 19:13

Vu'un li avajtunelune, loq'uesbun ta co'nton li toybaile; mu me xavac' xistsalun, jech mu jta o jmul, jech mu jpas o li c'usi toj chopol chavile.

Éxodo 18:21

Jech noxtoc t'ujo loq'uel ta stojol achi'iltac ta israelal jayibuc viniquetic ti oy lec sbijilique, ti lec yich'ojic ta muc' Diose, ti tuc' xc'opojique, ti mu xch'am smotonique. Ac'bo yabtelic; ac'o tsventainic li achi'iltaquique. Ac'bo sventainic jmil (1,000), vo'vinic (100), lajuneb yoxvinic (50), lajuneb ta jujuvoc'.

Eclesiastés 5:6

Mu me ta scojuc no'ox ave chata amul; mu me ts'acaluc to xaval ta stojol yajtunel Dios ti ta scoj muc xanop lec c'usi laj avale. ¿C'u yu'un chavac' ilinuc Dios ta sventa li c'usi chavale? ¿C'u yu'un chavac' mu'yuc stu chil Dios li c'usi chapase?

Levítico 4:13

“Me scotol achi'iltac la sta smulic ti muc ta yutsiluc yo'nton la spasique, me mu'yuc boch'o sna' yu'unic ti mu jechuc chal mantaletic cu'un, vu'un li Muc'ul Diosune, oy ono'ox smulic o ta jtojol.

Levítico 4:2

“Albo ya'yic scotol achi'iltac li c'usi chacalbot li'i: Me oy boch'o tsta smul ta sventa li jmantaltac ti muc ta yutsiluc yo'nton la spasique, xchi'uc me oy tspasic li c'usi sc'oplal mu stac' chapasique, tsc'an jech ac'o spasic chac li'i:

Levítico 4:27

“Me oy tsta smul junuc boch'o mu'yuc yabtel te ta atojolic ti mu xch'un c'usi chal ta mantaletic cu'un, vu'un li Muc'ul Diosune, ac'o me muc ta yutsiluc yo'nton la spas, oy smul o ta jtojol.

Levítico 5:17

“Me oy boch'o la spas c'usi chopol ti mu jechuc chal li mantaletic cu'une, ac'o me muc sna' ti la sta smule, pero oy ono'ox smul o ta jtojol.

Números 15:22

“Li mantaletic laj calbe Moisés ti icom o c'alal ta amomnich'nabique, tsc'an chlic apasilanic o batel scotol ora. Pero me oy chc'ot ta pasel ti muc ta yutsiluc avo'ntonic mu xapasique, tsc'an jech chapasic chac li'i:

Números 15:24

“Me acotolic ta sjunul lum jech chc'ot ta pasel yu'unic ti muc ta yutsiluc yo'ntonic muc spasique, scotolic ac'o yac'bicun jcot vacax sventa chich' chiq'uel ti lec mu yiq'ue. Ac'o yaq'uic noxtoc trigo xchi'uc ya'lel ts'usub ti yaloj ono'ox Muc'ul Dios tsc'an te capal chich' aq'uele. Jech noxtoc ac'o yac'bicun jcot tentsun. Ja' milbil matanal sventa amulic.

Números 16:2

Li viniquetic le'e ja' lic scontrainic li Moisese. La stsob yan o'lol yoxibal ciento (250) xchi'ilic; ja' puru israeletic, xchi'uc puru oy yabtelic ta stojol xchi'iltaquic. Ja' lec otquinbilic, xchi'uc oy ta sventaic tstojobtasic li xchi'iltaquique.

Números 31:13

Li Moisés xchi'uc li pale Eleazare, xchi'uc li banquilaletic yu'un israeletique iloc' snupic ta be ta spat to ti bu spasoj scarpanaique.

Números 32:2

ibat sc'opanic li Moisés, xchi'uc li pale Eleazare, xchi'uc li banquilaletic yu'un israeletique. Jech laj yalbeic:

Números 35:11

tsc'an chat'ujic comel jayibuc lumetic sventa anac'ubbailic, yu'un ja' te ac'o bat snac' sba ta anil li boch'o chmilvan ti muc ta yutsiluc yo'nton chaq'ue.