Levítico 4:21 - Bible in Tzotzil de Chenalhó with Deuterocanon

²¹ Ac'o sloq'uesic batel ta spat to acarpanaic li ch'ium vacaxe. Te ac'o xchiq'uic jech chac c'u cha'al la xchiq'uic li yan jcot ch'ium vacaxe. Ja' matanal ta sventa smul scotol li achi'iltac ta israelale.

Bible in Tzotzil de Chamula

²¹ Ts'acal to un, ta xich' loq'uesel batel ti ch'iom tot vacax ta loq'ueltic yu'un ti Axibalnae. Ta xchiq'uic jech c'u cha'al laj spasbeic ti ba'yel ch'iom tot vacaxe. Yu'un ja' laj yich' svocol yu'un ta scoj smulic ti jteclume.

Levítico 4:21 Iomraidhean Croise

Esdras 8:35

Li boch'otic iloq'uic tal ta chuquel ta yan banamile la xchiq'uic matanaletic ta stojol li Dios yu'un Israele, xchi'uc ta sventa scotol li israeletique. Ja' laj yaq'uic lajcha'cot (12) ch'ium vacax, vaclajuneb yo'vinic (96) tot chij, vuclajuneb xchanvinic (77) ch'ium chij, xchi'uc lajcha'cot (12) tot tentsun; ja' matanal ta sventa smulic. Laj yich' chiq'uel scotol ta stojol li Muc'ul Diose.

Éxodo 29:14

Yan li sbec'tale, li sbel xch'ute, xchi'uc li snuculile bat chiq'uic ta spat to ti bu apasoj acarpanaique yu'un ja' matanal ta sventa mulil.

Ezequiel 45:22

Ta xchanlajunebal (14) otole, ac'o yac'bun jmotonin jcot ch'ium tot vacax li banquilal avu'unique. Ja' sventa xch'ayubil smul stuc, xchi'uc sventa xch'ayubil smul sjunul li jteclume.

Levítico 16:15

Ja'o ac'o smil li tentsune; ja' matanal ta sventa smul li achi'iltaquique. Li xch'ich'ale ac'o yich' batel ta spat yo' bu joc'ol li poq'ue. Te ac'o svij noxtoc ta smac li caxae xchi'uc ta jot sti' ta yeloval, jech chac c'u cha'al tspas ta sventa li xch'ich'al ch'ium tot vacaxe.

Levítico 16:21

Ac'o yac' xchibal sc'ob ta sjol li tentsune; ac'o yal ta jamal c'usi chopol spasojic, c'u x'elan stoyoj sbaic, xchi'uc c'usi smulic li achi'iltaque. Ja' jech chich' ac'bel xcuch scotol muliletic li tentsune. Jun vinic ac'o yic' batel li tentsune; ac'o bat scolta comel ta xocol banamil.

Levítico 16:27

“Li ch'ium tot vacax xchi'uc li tentsun ti chich' milel ta sventa mulil, xchi'uc ti chich' ich'bel ochel xch'ich'al ta yut ch'ulna sventa xch'ayubil mulile, ac'o yich' ich'el batel ta spat to ti bu nacaloxuque. Te ac'o yich' chic'bel li snuculile, li sbec'tale, xchi'uc li sbel xch'ute.

Levítico 4:13

“Me scotol achi'iltac la sta smulic ti muc ta yutsiluc yo'nton la spasique, me mu'yuc boch'o sna' yu'unic ti mu jechuc chal mantaletic cu'un, vu'un li Muc'ul Diosune, oy ono'ox smulic o ta jtojol.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 6:11

Ts'acal ac'o sloc' li sc'u'e; ac'o slap yan sc'u'. Li stanil jmotone ac'o yich' loq'uel ta spat to yo' bu apasoj acarpanaique. Te ac'o bat yac' yo' bu meltsanbil lec yave.

Levítico 6:23

Li jmoton chaq'uic paleetique, ac'o yich' chiq'uel scotol; mu'yuc boch'o xu' tsve'”, xi li Muc'ul Diose.

Levítico 8:17

Li c'usitic yantic icome ja' li snuculile, li sbec'tale xchi'uc li stso'e, laj yich' loq'uel ta spat to yo' bu spasoj scarpanaique. Te bat xchic' ta c'oc' jech chac c'u cha'al albil ono'ox yu'un Muc'ul Diose.

Números 15:24

“Me acotolic ta sjunul lum jech chc'ot ta pasel yu'unic ti muc ta yutsiluc yo'ntonic muc spasique, scotolic ac'o yac'bicun jcot vacax sventa chich' chiq'uel ti lec mu yiq'ue. Ac'o yaq'uic noxtoc trigo xchi'uc ya'lel ts'usub ti yaloj ono'ox Muc'ul Dios tsc'an te capal chich' aq'uele. Jech noxtoc ac'o yac'bicun jcot tentsun. Ja' milbil matanal sventa amulic.

San Mateo 20:28

Jech chac c'u cha'al vu'un ti Xnich'on cristiano lic'ote, mu yu'unuc tal mozoinvancun; tal cac' jba ta tunel ta atojolic. Xchi'uc tal jpoj loq'uel ep cristianoetic sventa mu xbatic ta ch'ayel —xut.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

Hebreos 13:11

Li banquilal palee laj yich' ochel ta bats'i lequil ch'ul cuarto li xch'ich'al c'usi la smilic sventa xch'ayubil mulile. Yan li sbec'tale ta pat lum to bat xchiq'uic.