Levítico 4:13 - Bible in Tzotzil de Chenalhó with Deuterocanon

¹³ “Me scotol achi'iltac la sta smulic ti muc ta yutsiluc yo'nton la spasique, me mu'yuc boch'o sna' yu'unic ti mu jechuc chal mantaletic cu'un, vu'un li Muc'ul Diosune, oy ono'ox smulic o ta jtojol.

Bible in Tzotzil de Chamula

¹³ “Yan mi scotol ti israeletic ti mu'yuc xa'iic c'uxi chopol batique, xchi'uc ti mi mu'yuc buch'u junucal yu'unic ti laj sna' ti oy xa smulic ic'ot ti contrain xil smantaltac Dios ti c'usi chopol laj xa spasique,

Levítico 4:13 Iomraidhean Croise

Esdras 10:19

Le'e jun yo'ntonic la staquic loq'uel li yajnilique. Laj yaq'uic jcot chij ta smoton Dios ta sventa li smulique.

Salmos 19:13

Vu'un li avajtunelune, loq'uesbun ta co'nton li toybaile; mu me xavac' xistsalun, jech mu jta o jmul, jech mu jpas o li c'usi toj chopol chavile.

Ezequiel 45:22

Ta xchanlajunebal (14) otole, ac'o yac'bun jmotonin jcot ch'ium tot vacax li banquilal avu'unique. Ja' sventa xch'ayubil smul stuc, xchi'uc sventa xch'ayubil smul sjunul li jteclume.

Oseas 5:15

“Ta ora chisut batel yo' bu oyune, ja' to me laj yotquinic li smulique, ja' to me tal sa'icune. C'alal me oy svocolique, ja' to chisa'icun”, xi li Diose.

Levítico 16:5

“Li Aarone ac'o stsac cha'cotuc tentsun ta sventa scotol li israeletique, ja' milbil matanal ta sventa smulic. Xchi'uc ac'o stsac jcotuc chij ta sventa chic'bil matanal.

Levítico 4:21

Ac'o sloq'uesic batel ta spat to acarpanaic li ch'ium vacaxe. Te ac'o xchiq'uic jech chac c'u cha'al la xchiq'uic li yan jcot ch'ium vacaxe. Ja' matanal ta sventa smul scotol li achi'iltac ta israelale.

Levítico 5:17

“Me oy boch'o la spas c'usi chopol ti mu jechuc chal li mantaletic cu'une, ac'o me muc sna' ti la sta smule, pero oy ono'ox smul o ta jtojol.

Levítico 6:4

oy smul chc'ot o. Ja' tsc'an ac'o bat sutes li c'usi laj yelc'ane, o me la stsatsal c'an, o me oy c'usi la scuy ta yu'un, o me oy c'usi la stame.

Números 15:22

“Li mantaletic laj calbe Moisés ti icom o c'alal ta amomnich'nabique, tsc'an chlic apasilanic o batel scotol ora. Pero me oy chc'ot ta pasel ti muc ta yutsiluc avo'ntonic mu xapasique, tsc'an jech chapasic chac li'i:

1 Corintios 11:27

Ja' yu'un li boch'o vovil tsacbil no'ox tspas li pane xchi'uc li vasoe, oy smul chc'ot ta sventa sbec'tal xchi'uc ta sventa xch'ich'al li Cajvaltique.

1 Timoteo 1:13

Ac'o me ep to'ox c'usi yan xquich' xcal ta stojol, laj to'ox jcontrain xchi'uc la jchopolc'opta. Pero la xc'uxubinun, yu'un mu to'ox jna'be smelol, yu'un mu'yuc to'ox jch'unojbe li sc'ope.

Josué 7:11

Li achi'iltaque staoj xa smulic ta jtojol, yu'un muc xch'unbicun li c'usi la jchapan ta stojolique yu'un la stamic tal li c'usi albil xa sc'oplal cu'un chich' ulesel oe. Laj yelc'anic tal; i'epalc'opoj xa; te xa snac'ojic yo' bu oy li c'usitic oy yu'unique.