Levítico 4:12 - Bible in Tzotzil de Chenalhó with Deuterocanon

¹² o xu' chcaltic ti ja' scotlijil li vacaxe, loq'uesic batel ta spat to acarpanaic, te xbat avaq'uic ti bu lec jamal te ta yav bu chich' busanel tane. Ac'beic lec si'il; ja' te xachiq'uic li vacaxe.

Bible in Tzotzil de Chamula

¹² ti xcaltique, ta scotlej ti ch'iom vacaxe, ta xich' loq'uesel batel ta loq'ueltic yu'un ti Axibalna ti bu q'uelbil leque, ti bu ta xc'ot yich' jipel ti tane. Ti bu busul ti tan taje, ta xich' busanbel si' ta sba ti ta xich' tsanbel sc'ac'ale.

Levítico 4:12 Iomraidhean Croise

Éxodo 29:14

Yan li sbec'tale, li sbel xch'ute, xchi'uc li snuculile bat chiq'uic ta spat to ti bu apasoj acarpanaique yu'un ja' matanal ta sventa mulil.

Ezequiel 43:21

Ts'acal xavich' loq'uel li vacax ti laj yich' milel sventa amulique; bat chic'o ti bu sc'oplal ono'ox xu' chachiq'uic ta spat ch'ulnae.

Levítico 13:46

Ti jayib c'ac'al ip cha'ay li c'a'el chamele mu stac' chi'inel o. Stuc ac'o naquiuc ta spat to li acarpanaique.

Levítico 16:27

“Li ch'ium tot vacax xchi'uc li tentsun ti chich' milel ta sventa mulil, xchi'uc ti chich' ich'bel ochel xch'ich'al ta yut ch'ulna sventa xch'ayubil mulile, ac'o yich' ich'el batel ta spat to ti bu nacaloxuque. Te ac'o yich' chic'bel li snuculile, li sbec'tale, xchi'uc li sbel xch'ute.

Levítico 4:21

Ac'o sloq'uesic batel ta spat to acarpanaic li ch'ium vacaxe. Te ac'o xchiq'uic jech chac c'u cha'al la xchiq'uic li yan jcot ch'ium vacaxe. Ja' matanal ta sventa smul scotol li achi'iltac ta israelale.

Levítico 6:23

Li jmoton chaq'uic paleetique, ac'o yich' chiq'uel scotol; mu'yuc boch'o xu' tsve'”, xi li Muc'ul Diose.

Levítico 6:30

Pero li matanal chich' aq'uel ta sventa mulil ti chich' ich'bel ochel xch'ich'al ta ch'ulna pasbil ta nucul sventa xch'ayubil mulile, mu xu' chich' ti'el. Ac'o yich' chiq'uel scotol.

Levítico 6:4

oy smul chc'ot o. Ja' tsc'an ac'o bat sutes li c'usi laj yelc'ane, o me la stsatsal c'an, o me oy c'usi la scuy ta yu'un, o me oy c'usi la stame.

Levítico 8:17

Li c'usitic yantic icome ja' li snuculile, li sbec'tale xchi'uc li stso'e, laj yich' loq'uel ta spat to yo' bu spasoj scarpanaique. Te bat xchic' ta c'oc' jech chac c'u cha'al albil ono'ox yu'un Muc'ul Diose.

Levítico 9:11

Yan li sbec'tal xchi'uc li snuculile te bat xchic' ta spat to yo' bu spasoj scarpanaique.

Números 15:35

Ja' yu'un li Moisese te lic c'opanatuc yu'un li Muc'ul Diose, jech i'albat: “Li vinic le'e ac'o yich' milel ta ton. Scotol li achi'iltac ta israelale ac'o bat smilic ta ton ta spat to ti bu oy acarpanaique”, x'utat.

Números 19:3

Vo'oxuc chavac'beic ta sc'ob li pale Eleazare. Li Eleazare, ja' ac'o yic' loq'uel ta spat to yo' bu oy li acarpanaique. Ac'o yal mantal ti te ac'o yich' milel ta stojole.

Números 19:5

Ts'acal te sq'ueloj ac'o yich' chiq'uel li me' vacaxe. Ac'o yich' chiq'uel li snuculile, li sbec'tale, li xch'ich'ale, xchi'uc scotol li sbel xch'ut c'alal ta stso'e.

Números 5:3

Boch'ouc no'ox, me vinic me ants, ac'o sloq'uesic te yo' bu nacalique. Yu'un jech mu soc yu'unic ti bu nacalique yu'un te oyun ta o'lol yu'unic”, xi li Muc'ul Diose.

Hebreos 13:11

Li banquilal palee laj yich' ochel ta bats'i lequil ch'ul cuarto li xch'ich'al c'usi la smilic sventa xch'ayubil mulile. Yan li sbec'tale ta pat lum to bat xchiq'uic.