Levítico 3:17 - Bible in Tzotzil de Chenalhó with Deuterocanon17 “Li'i ja' jech jmantal chcom o ta atojolic c'alal ta avalab anich'nabic ti buyuc no'ox nacaloxuque: mu xu' chati'ic li xepuale xchi'uc xch'ich'al ats'unub avovolique, uto li achi'iltaque”, x'utat yu'un Dios li Moisese. Faic an caibideilBible in Tzotzil de Chamula17 “Xi s'elan ta xal ti c'usi tsots albil sc'oplale, ti ich'biluc ta muc' sbatel osil ti ta x'ech'ic ti totil me'iletique, ti alab nich'nabiletic ti buyuc no'ox nacalique: J'ech'eluc mu xati'ic ti xepu'e, ti ch'ich'e.” Faic an caibideil |
Jech laj yalbeic noxtoc: “Batanic, bat ve'anic li c'usi toj lequic oy avu'unique; uch'anic li ya'lel ats'usubic ti lec to chi'e. Iq'uic ta ve'el ec li boch'otic mu'yuc smeltsanoj sve'elique, yu'un ja' jun ch'ul c'ac'al yu'un li Muc'ul Dios cu'untique. Mu xavat avo'ntonic, yu'un li xcuxetel co'ntontic chac' Muc'ul Diose ja' stsatsal co'ntontic”, xutic.
Yan li leví paleetic smomnich'nab Sadoc ti la xch'unic li mantaletic sventa ch'ulna cu'un c'alal la svoc' sbaic batel ta jtojol li israeletique, le'e xu' chnopajic ta jtojol sventa chtunic cu'un, xchi'uc xu' chaq'uic jmotonin li xepuetic xchi'uc li ch'ich'e. Vu'un chcal jtuc, vu'un li Muc'ul Diosune.
Yu'un chaviq'uic tal ta jch'ulna yan cristianoetic ti mu'yuc yich'ojic circuncisión ta yo'ntonic xchi'uc ta sbec'talique. Jech tsbolibtasic, tsoquesbeic o sc'oplal ch'ulna cu'un ti c'alal te oyic c'alal chavac'bicun jmotonin li xepuetic xchi'uc li ch'ich'e. Ta scoj ti jech toj chopol chapasique, jech chapaych'unbicun o li c'usi chapal cu'une.
Li matanal chaq'uic ta jtojol achi'iltac sventa lec chaquiloxuque ja' xa quich'ojbeic o ta sventa lequil matanal li sna yo'ntone. Yan li yo'e ja' quich'oj sventa apatanic. Li c'usitic quich'oje ja' cac'ojbeic ec li pale Aarón xchi'uc xnich'nabe. Yu'un jech sc'oplal o ti ja' yu'unic li c'usi chaq'uic achi'iltac ta israelale. Ja' jun mantal comen o c'alal ta yalab xnich'nabic’, uto li achi'iltaque”, x'utat yu'un Muc'ul Dios li Moisese.
Ta sme' avacaxic laj ataic queso; ta sme' achijic laj ataic lech. Ta lequil bic'tal chijetic avu'unic la ataic ti'bol ati'ic, xchi'uc ta muc'tiquil chijetic ta Basán xchi'uc ta tot tentsunetic. Ja' laj ave'elinic ti bu toj lequic sat trigoe. Laj avuch'ic li ya'lel ts'usube, ja' li xch'ich'al sat ts'usube.