Levítico 3:11 - Bible in Tzotzil de Chenalhó with Deuterocanon

¹¹ Li palee ac'o xchic' scotol te ta scajleb jmoton. Ja' chic'bil matanal sventa ve'lil chc'ot ta jtojol, vu'un li Muc'ul Diosune.

Bible in Tzotzil de Chamula

¹¹ Mi laj taj une, jech ti paleetique ta xchiq'uic scotol ta sba ti altare, ti ja' sc'oplal jun matanal ve'lil laj yich' chiq'uel ta sventa yich'el ta muc' ti Diose.

Levítico 3:11 Iomraidhean Croise

Salmos 22:14

Ja' jechun jech chac c'u cha'al vo' ti chmal batele; li jbaquiltaque bichc'ujemic xa loq'uel ta sts'acaliltac. Li co'ntone ta x'ul batel ta yut jbec'tal jech chac c'u cha'al chab.

Ezequiel 44:7

Yu'un chaviq'uic tal ta jch'ulna yan cristianoetic ti mu'yuc yich'ojic circuncisión ta yo'ntonic xchi'uc ta sbec'talique. Jech tsbolibtasic, tsoquesbeic o sc'oplal ch'ulna cu'un ti c'alal te oyic c'alal chavac'bicun jmotonin li xepuetic xchi'uc li ch'ich'e. Ta scoj ti jech toj chopol chapasique, jech chapaych'unbicun o li c'usi chapal cu'une.

Levítico 21:17

“Jech xavalbe ya'ay li Aarone: Li' ta ora, xchi'uc le' to batele mu me xac'be yabtel smomnich'nabtac sventa chtal yaq'uic pan ta jtojol ti me mu'yuc lec sbec'talique.

Levítico 21:6

Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Levítico 21:8

Voc'bil ac'o comicuc o ta sventa scotol, yu'un ja' oy ta sventaic chaq'uic li pan te ta jtojol, vu'un li Diosune. Jech tsc'an ch'ul viniquetic ac'o comicuc o ta atojolic ec, yu'un vu'un ti la jts'u'iltasique, ch'ul Muc'ul Diosun.

Levítico 22:25

Jech noxtoc mu me xatsaquic me ja' jech x'elan chtal yac'boxuc ve'lil chtun te ta ch'ulna avu'unic li yanlumetique yu'un mu'yuc lequic, jech mu'yuc ta jtsac”, xi li Muc'ul Diose.

Levítico 3:16

Li palee ac'o xchic' scotol ta scajleb jmoton. Ja' chic'bil matanal sventa ve'lil chc'ot ti lec mu yiq'ue. Scotol li xepualtaque ja' cu'un, vu'un li Muc'ul Diosune.

Levítico 3:5

Li paleetique ac'o xchic' ta scajleb jmoton. Jmoj ac'o xchic' xchi'uc li yan jmoton te chc'ac' yo' bu tsanal li si'e. Ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Malaquías 1:12

Pero li vo'oxuque chasoquesbicun sc'oplal jbi ti c'alal jech chavalique: ‘Toj chopol li mexa yu'un Muc'ul Diose, xchi'uc mu'yuc lec li ve'lil te oye’, ti xachiique.

Malaquías 1:7

Yu'un chavac'bicun jmotonin ta scajleb jmoton li pan ti mu'yuc leque. Jech chavalic noxtoc: ‘¿C'usi la jpascutic ti mu xaquich'otcutic ta muc' chavale?’, xachiic. Yu'un laj anopic ti mu'yuc tsots sc'oplal li mexa cu'une.

Números 28:2

“Albo scotol achi'iltac ti mu me scomtsanic yaq'uel li jmoton ti c'usi ora mero yorail ta aq'uele. Ja' li pane xchi'uc li jmoton chich' chiq'uel ta jujun muc'tic q'uine, yu'un ja' li matanal ti lec mu yic' chavac'bicun ta jtojole”, xut.

Números 28:24

Ja' me jech xapasic batel ta jujun c'ac'al li vucub c'ac'al q'uine. Ja' jmoton chavac'bicun ti lec mu yic' ta jtojole; ja' sventa chavich'icun ta muc'. Li matanaletic le'e tsc'an ono'ox chavac'beic xchi'ilin ya'lel ts'usub. Tsc'an jech chapasic noxtoc ta sventa li jmoton chich' chiq'uel ta jujun c'ac'ale.

Romanos 8:32

Yu'un c'alal ta mero Xnich'on mu'yuc la sjalanbutic; laj yac' ta milel ta jcojtic jcotoltic. Me jech laj yac'butic li Xnich'one, ¿me yu'un ja' xa mu xijyac'butic ta slequil yo'nton noxtoc scotol li c'usitic yane?

1 Corintios 10:21

Mu xu' chavuch'beic sbel svaso Cajvaltic ti me ts'acal chbat avuch'beic sbel svaso noxtoc li pucuje. Mu xu' chave'beic c'usi oy ta xmexa Cajvaltic me ts'acal chbat ave'ic c'usi oy ta xmexa li pucujetique.

Apocalipsis 3:20

A'yo ava'yic, li vu'une li' oyun ta ti'na chajc'opanoxuc. Li boch'o cha'ay c'alal ta jc'opane, me chisjambun li ti'nae, ta x'och jchi'in; ta jchi'in ta ve'el, jech chixchi'inun ta ve'el ec.