Levítico 26:9 - Bible in Tzotzil de Chenalhó with Deuterocanon

⁹ Lec chaquiloxuc o. Ta xcac' bolanic, ta xcac' epajanic, xchi'uc j'ech'el te ta xcac' comuc ta atojolic li c'usi chapanbil cu'une.

Bible in Tzotzil de Chamula

⁹ Lec ta xquiloxuc ta jba ta jsat. Ta xa'epajic ta ch'iel cu'un ta j'ech'el, staoj yav ti jtrate ta atojolique.

Levítico 26:9 Iomraidhean Croise

Génesis 1:28

Laj yac'be bendición. Jech laj yalbe: “Bolanic; epajanic. Nojesic li banamile; ventainic o. Pasic ta mantal scotol li choyetique, li mutetique, xchi'uc scotol li chonetic ti xquilet ta banamil chanovique”, xut.

Génesis 17:20

Ta sventa li Ismaele laj xa ca'ay li c'usi chac'anbee, jech ta xcac'be bendición ec. Ta xcac'be xnich'nab, xchi'uc ta xcac' boluc ep smomnich'nab. Li Ismaele ja' totil chc'ot yu'un lajchab (12) muc'tic banquilaletic, xchi'uc ja' ta sventa ta xlic jun muc'ta lum.

Génesis 22:17

ti ta melel ta xcac'bot ep bendicione. Ta xcac' boluc ep amomnich'nab jech chac c'u cha'al c'analetic ta vinajel, jech chac c'u cha'al yi'tic ta ti'nab. Li stuquique tsalbil ta xc'ot yu'un li yajcontraique.

Génesis 26:4

Li amomnich'nabtaque ta xcac' epajuc jech c'u cha'al c'analetic ta vinajel. Ja' ta xcac'beic scotol li banamil li'i. Jech noxtoc ja' ta sventa amomnich'nab chich'ic bendición scotol li muc'tic lumetic ta banamile.

Génesis 28:14

Ta to xlic bolicuc li amomnich'nabtaque; ja' jech ta xc'otic jech c'u cha'al spucucal banamil. Ta to spuc sbaic batel ta xchanjotal xocon vinajel. Xchi'uc vo'ot ta aventa achi'uc amomnich'nabtac ta xich'ic bendición scotol li cristianoetic ta sbejel banamile.

Génesis 28:3

Li Dios ti scotol xu' yu'une, ja' chayac'bot bendición, xchi'uc ja' chayac'bot ep amomnich'nabtac, yu'un jech vo'ot ta aventa ta xlic ep muc'tiquil lumetic.

Génesis 48:4

‘A'yo ava'ay, vu'un ta xcac' boluc ep anich'nab. Ja' te ta stojol amomnich'nabtac ta xlic ep muc'tiquil lumetic. Xchi'uc ja' ta xcac'beic li banamil li'i. Ja' yu'unic ta xc'ot o’, xiyutun li Diose.

Génesis 6:18

Pero li vo'ote ta xcom ta atojol li c'usi chapanbil cu'un ta sventa coltaele. Cha'ochic ta barco achi'uc avajnil, anich'nab, xchi'uc avalibtac.

1 Reyes 3:8

Pero li' xa jventainoj li anich'nabtac ti t'ujbilic avu'une: ja' li jun lum ti bats'i epique, ti mu xlaj jna' c'u yepale, ti mu xlaj ta atele.

2 Reyes 13:23

Pero li Muc'ul Diose toj c'ux ta yo'nton israeletic ta scoj ti oy ono'ox c'usi xchapanoj xchi'uc li Abraham, Isaac, xchi'uc Jacobe. Jech la scolta; muc xules, mu'yuc sloq'uesoj o ta stojol c'alal to tana.

Nehemías 2:20

Jech la jtac'beic: —Li Dios te oy ta vinajele ja' chac' c'otuc ta pasel cu'uncutic scotol. Vu'uncutic li yajtuneluncutique ta jcha'liquescutic spasel li lum Jerusalene. Yan li vo'oxuque mu xatic' abaic, mu aventaicuc yu'un ma'uc alumalic li Jerusalene —xcut.

Nehemías 9:23

Laj abolesbe yalab xnich'nabic jech chac c'u cha'al c'analetic ta vinajel, xchi'uc laj avic' batel ta banamil ti bu avalojbe ono'ox jmoltot jyame'cutic ta vo'one chavac'be yich'ique.

Salmos 107:38

Ta x'ac'batic lec bendición, ta sbolesatic lec, xchi'uc mu'yuc ta sbic'tajesbatic li sts'unub yovolique.

Salmos 89:3

C'alal oy c'usi j'ech'el laj achapan achi'uc li boch'o t'ujbil avu'une, ja' li avajtunel Davide, jech laj avalbe ta jamal:

Éxodo 1:7

Pero ta sventa ti bats'i ep ibol yalab xnich'nabique, jech ibolic ta jyalel, laj yich' lec stsatsalic. Solel inoj yu'unic li banamil bu ic'otique.

Éxodo 2:25

I'ilatic yu'un Dios ti c'u x'elan svocolique, jech ituc'ulanatic.

Éxodo 6:4

Jech noxtoc la jchapan ta stojolic ti chcac'beic li osil te ta Canaán banamile, ja' li osil bu i'ech' naquiicuc jayibuc c'ac'al jech chac c'u cha'al jch'om banamiletic no'oxe.

Isaías 55:3

A'yo ava'yic lec li c'usi chacalboxuque; la'ic ta jtojol, jech chacuxiic. Jech te chcom o ta atojolic sbatel osil li c'usi la jchapan ti jbel sc'oplal c'ux ta co'nton o li Davide.

Jeremías 23:3

Vu'un jtuc ta jtsob sutel tal scomelal jchijtac te ta yantic banamil ti bu laj caq'uic batele, yu'un ta xcac' suticuc tal ti bu ono'ox nacalique; te chlic ch'iicuc, te chlic bolicuc.

Jeremías 23:4

Ta jva'anbe jchabivanejetic yu'unic, yu'un ac'o chabiaticuc, jech mu'yuc xa xi'el cha'yic, xchi'uc jech mu xa xch'ayic junuc”, xi li Muc'ul Diose.

Jeremías 33:3

Vocoletan ta jtojol, vu'un chajtac'bot, chacac'bot avil c'usitic toj muc'tic, c'usi mu'yuc vinajem ti mu'yuc ono'ox jech aviloje.

Ezequiel 16:62

Ta sventa ti j'ech'el chcac' c'otuc o ta pasel ta atojol li c'usi jchapanoje, jech chlic ana' ti vu'un Muc'ul Diosune.

Ezequiel 36:9

Li' oyun o ta atojolic; li' chisut tal ta atojolic noxtoc. Chlic avich'ic abtelanel; chlic avich'ic ts'unbel abelic.

San Lucas 1:72

Yu'un chixc'uxubinutic jech chac c'u cha'al laj ono'ox yalbe jmoltotactic ta vo'onee. Yu'un mu xch'ay o ta yo'nton li c'usi laj ono'ox xchapan xchi'uque,

Deuteronomio 28:11

Li Muc'ul Diose chac' ta ilel slequil yo'nton ta atojolic. Chac' boluc ep avalab anich'nabic, xchi'uc chac' alajuc ep avacaxic, xchi'uc chac' epajuc c'usitic chats'unic ta avosilic ti yalojbe ono'ox amoltotaquic ta vo'one chayac'boxuque.

Deuteronomio 28:4

Chich' bendición avalab anich'nabic xchi'uc scotol c'usitic chats'unic. Xchi'uc lec chch'i yalab sme' avacaxic, xchi'uc achijic, xchi'uc scotol li c'usitic yan oy avu'unique.

Deuteronomio 7:13

Lec chasc'anoxuc. Chayac'boxuc ep bendición, xchi'uc chasbolesoxuc. Chac'be bendición noxtoc li anich'nabique xchi'uc li c'usitic oy avu'unique, ja' li trigoe, li ts'usube, xchi'uc li aceitee. Xchi'uc lec chch'i yol li avacaxique xchi'uc li achijique. Yu'un jech ono'ox yalojbe jmoltotactic ta vo'one ti chayac'boxuc scotol c'alal me te xa oyoxuc ta avosilique.

Hebreos 8:9

Mu xa co'oluc jech chac c'u cha'al la jchapan jchi'uc li smoltot syame'ic ta vo'one ti c'alal la jloq'uesic tal ta Egipto banamile. Yu'un mu j'ech'eluc la xch'unic o li c'usi la jchapan jchi'uque, jech la jcomtsanic, muc xa jtuc'ulanic o.