Levítico 26:6 - Bible in Tzotzil de Chenalhó with Deuterocanon

⁶ Ta xcac' ti jun no'ox avo'ntonic te oyoxuc ta alumalique; xcuxet no'ox avo'ntonic chavayic; mu'yuc boch'o chtal sibtasoxuc. Ta jloq'ues batel te ta avosilalic li jti'val bolometique, xchi'uc mu'yuc boch'o chtal stsacoxuc ta pleito.

Bible in Tzotzil de Chamula

⁶ Ta xc'ot ta pasel cu'un ti lamajem ti jteclume. Mi ja'uc xasiblajetic ta xi'el ti c'alal ta xavayique. Yu'un ta jchabi ti jteclume yo' jech mu xvul ta loq'uel ti te'tical jti'oval chonetique, xchi'uc ti letoe.

Levítico 26:6 Iomraidhean Croise

2 Reyes 2:24

Li Eliseoe ijoybij; la sq'uel batel. Ta sbi Muc'ul Dios laj yut batel. Te iloc' tal cha'cot osoetic; ja' la smil chib yoxvinic (42) queremetic.

1 Crónicas 22:9

Pero ta xvoc' jun anich'on; ja' jun querem mu'yuc tspas pleito. Vu'un ta jlamajesbe yo'nton li yajcontratac oy ta spat xocone. Ja' yu'un Salomón sbi chc'ot li anich'one. Ti jayib c'ac'al cuxule, ta jpajes li pleitoe; ta xcac'be jun yo'nton li achi'iltac ta israelale.

2 Crónicas 20:30

Jech jun yo'nton i'abtej ta ajvalilal li Josafate, yu'un li Diose la spajes o pleito ta jujujot.

Job 11:19

C'alal chamochie, mu'yuc boch'o chasibtasot; ep boch'o chtal sc'anic coltael ta atojol.

Job 5:23

Li tonetique mu'yuc ta smaquic li avosile; li chonbolometic ta te'tique mu'yuc chayilbajinicot.

Salmos 144:14

Li sme' jvacaxcutique ac'o ayinuc lec yolic; ac'o mu'yucuc j'elec', ac'o mu'yucuc boch'o tsloq'ues batel; ac'o mu'yucuc boch'o ch-avan ta xi'el ta xoraltic cu'uncutic.

Salmos 147:14

Ja' laj yac' pajuc muc'ta c'op ta avosilal; ja' chayac'bot ta ave' li bats'i lequil trigoetique.

Salmos 29:11

Li Muc'ul Diose ja' chac'be stsatsal yo'nton li steclumale; li Muc'ul Diose ja' chac'be bendición li steclumale. Ja' bendición ti jun yo'ntonic, ti mu'yuc xa c'op cha'yique.

Salmos 3:5

Li vu'une jun co'nton chimochi, jun co'nton chilic, yu'un ja' chiscoltaun stuc li Muc'ul Diose.

Salmos 4:8

Jun co'nton chivay, ta ora no'ox ch-och jvayel, yu'un vo'ot no'ox ta aventa, Muc'ul Dios, ti jun co'nton cuxulun ta banamile.

Salmos 85:8

Ta xca'ay c'usi chal li Muc'ul Diose, yu'un ja' ta xal ti ac'o pasuc ta jun yo'nton li steclumale, ja' li boch'otic tuc' yo'ntonique, yu'un jech mu xa spasic yan velta li xchuvajolilique.

Éxodo 23:29

Muc ta junuc no'ox jabil ta jnutsboxuc loq'uel scotol, yu'un jech mu xocoluc chcom li banamile, jech mu xbol li te'tical chonbolometique yu'un xu' ja' chlic sti'oxuc.

Proverbios 3:24

C'alal chacux avo'ntone, mu'yuc c'usi xi'bal sba chava'ay; c'alal chamochi ta avayabe, jun avo'nton chavay.

Proverbios 6:22

Ja' chastojobtasot batel bu chabat, ja' chaxchabiot c'alal chavay; ja' chasc'opanot c'alal chajulov.

Isaías 35:8

Ta xlic yich' jamel lec be te ta yut, ja' “ch'ul be” sbi chc'ot. Li boch'otic oy yi'lalique mu xu' chjelovic te; mu xu' chanovic te li boch'otic bol yo'ntonique.

Isaías 35:9

Me jcotuc león mu xbat te; me jcotuc jti'val chonbolometic mu xnopajic batel, yu'un li be le'e ja' sbeic li boch'otic chpojatic sutel tale.

Isaías 45:7

Vu'un jtuc la jpas li c'usitic chac' xojobale; vu'un laj cac' li ac'ubale; vu'un chcac' jun o'ntonal; vu'un chcac' ac'o taluc vocol noxtoc. Vu'un li Muc'ul Diosune, vu'un ta jpas scotol jech chac le'e.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Jeremías 30:10

“Jech chcal vu'un li Muc'ul Diosune: Smomnich'nab cajtunel Jacob, mu xavat avo'ntonic; smomnich'nab Israel, mu xaxi'ic. Yu'un vu'un ta jcoltaoxuc loq'uel tal achi'uc amomnich'nabic te ta namal banamil ti bu chucbiloxuc batele. Ta to xtal acux avo'ntonic li'i; jun avo'ntonic li' chanaquiic, mu'yuc boch'o xu' chtal sibtasoxuc.

Jeremías 31:26

Jech lijulov, la jvic' jsat; toj lec laj ca'ay li c'usi la jvaychine.

Ezequiel 14:15

“Me ta jtac batel jti'val chonbolometic ta junuc banamil yu'un ac'o bat yulesic scotol li jnaclumetique, me solel xch'ijan chcom yu'unique, me mu'yuc xa boch'o te chjelov o ta scoj li chonbolometique,

Ezequiel 14:17

“Jech noxtoc me ta jtac batel muc'ta pleito ta banamil le'e, me ta xcal mantal ti ac'o yich'ic milel scotol li jnaclumetique xchi'uc li chonbolometique,

Ezequiel 14:21

“Ja' yu'un jech chcal vu'un li Muc'ul Diosun ti Yajvalun scotole: ¿C'u to x'elan c'alal me ta jtac tal ta Jerusalén li chanchop vocol ti toj xi'balic sbae; ja' li milel ta espadae, li vi'nale, li jti'val chonbolometique, xchi'uc li tsatsal chamel sventa ta xcules o scotol li jnaclumetique xchi'uc li chonbolometique?

Ezequiel 34:25

Ta jchapan jchi'uquic ti ta xcac'beic o jun yo'ntonique. Ta jloq'uesbe ta yosilalic li jti'vanej chonbolometique, jech jun yo'nton chnaquiic ta te'tic; jun yo'nton chvayic ta toyolaltic.

Ezequiel 34:27

Lec chac' sat li te'etic ta yosilalique, lec chac' li c'usi tsts'unic ta banamile; jun yo'nton te chnaquiic o ta yosilal stuquic. C'alal ta jtuch'beic loq'uel li yabtejeb vacax chucbil ta snuq'uique, jech tsna'ic o ti vu'un Muc'ul Diosune, yu'un chcolic o loq'uel ta sc'ob li boch'otic mozoinbilic to'ox yu'une.

Ezequiel 5:17

Ta jtac tal ta atojolic vi'nal xchi'uc jti'val chonbolometic, ja' chtal yulesboxuc li anich'nabique. Ta xcac' tal ta atojolic tsatsal chamel xchi'uc lajel, xchi'uc ta jtac tal ta atojolic pleito, jech chavich'ic milel ta espada. Vu'un chcal jtuc, vu'un li Muc'ul Diosune”, xiyutun li Diose.

Oseas 2:18

“Ta yorail le'e oy c'usi lec ta jchapan ac'o spasic li chonbolometic ta te'tique, xchi'uc li mutetique, xchi'uc li quiletel chonetique, pero ja' sventa alequilalic. Jech noxtoc ta jloq'ues batel ta avosilalic li flechae, li espadae, jech mu'yuc c'op chava'yic, jun no'ox avo'ntonic.

Oseas 2:20

Ta sjunul co'nton chquic'ot, jech chavotquinun ti vu'un Muc'ul Diosune.

Levítico 25:18

Ch'unic me li mantaletic cu'une; pasilanic me batel li chanubtaseletic cu'une. Me chach'unique, jech jun no'ox avo'ntonic te chanaquiic ta avosilalic.

Levítico 25:19

Te ta banamile lec ta xac' sat li c'usitic chats'unique, jech xcuxet avo'ntonic te chanaquiic, lec xave'ic o; lec noj ach'utic o yu'un.

Levítico 26:22

Ta jtac tal noxtoc jti'val chonbolometic; ja' chtal sti'ic li anich'nabique xchi'uc li ats'unub avovolique. Ja' jech ta c'unc'un chabic'tajic o batel; mu'yuc xa boch'o chanov ta bebetic avu'unic.

Levítico 26:25

Ta jtac tal boch'otic chasmiloxuc; ja' spacol ta sventa ti mu xach'unic li c'usi chapanbil cu'une. Ac'o me chbat anac' abaic ta lumetic avu'unic, pero ta jtac tal chamel ta atojolic; xchi'uc chacac'oxuc o ta sc'ob li avajcontraique.

Levítico 26:7

Xchi'uc xu' avu'un chanutsic batel li avajcontraique; te no'ox chamilic ta espada scotolic.

Miqueas 4:4

Jun xa yo'nton te chotajtic chcuxic ta yolon ts'usubtic xchi'uc ta yolon higotic yu'unic. Mu'yuc xa boch'o chtal sibtasaticuc, yu'un jech chal stuc li Muc'ul Dios ti tspas ta mantal scotol te ta vinajele.

Sofonías 3:13

Li scomelal israeletique mu'yuc xa tspasic c'usi chopol; mu'yuc xa ch-epalc'opojic; mu'yuc xa chlo'lavanic xchi'uc li yeique. Jun yo'nton tsmac'lin sbaic; jun yo'nton chvayic; mu'yuc xi'el cha'yic”, xi li Diose.

Hageo 2:9

Li ch'ulna chich' pasel xchibal veltae ja' xjelov to yutsil jech chac c'u cha'al li ch'ulna ta ba'yuque. Jech jun avo'ntonic o li' ta banamil”, xi li Muc'ul Dios ti tspas ta mantal scotol te ta vinajele.

Zacarías 9:10

Ja' ta xules o li caretaetic sventa pleito ti talem scontrain li Efraine xchi'uc li ca'etic te ta Jerusalene; ta slilin noxtoc li flechaetic sventa pasc'ope. Ja' ta slamajes c'op ta jujun banamil. Ja' ta xlic sventain scotol, c'alal ta jujujot nab, xlic ta uc'um Éufrates c'alal to ta sti'iltac banamil.

San Juan 14:27

“Ta xcac'boxuc comel jun avo'ntonic. Li jun o'ntonal oy cu'une ja' ta xcac'boxuc comel. Li jun o'ntonal chcaq'ue mu jechuc jech chac c'u cha'al chac' li cristianoetique. Ja' yu'un mu me xlo'ilaj avo'ntonic; mu me xaxi'ic.

Hechos 12:6

Li Herodese snopoj xa'ox ti ta sloq'ues ta chuquel ta yoc'omal li Pedroe. Ta yac'ubalil le'e, li Pedroe te vayem ta yut chuquinab, cacal ta o'lol yu'un li chanib soldadoetique, chucanbil ta cadena li jujun sc'obe. Oy yan soldadoetic noxtoc te ta xchabiic ti'na.

Romanos 5:1

Ja' yu'un li' ta orae, tuc' xa co'ntontic lijc'ot ta sventa xch'unojel co'ntontic. Jech ico'laj co'ntontic xchi'uc Dios ta sventa li Cajvaltic Jesucristoe.