Levítico 26:5 - Bible in Tzotzil de Chenalhó with Deuterocanon

⁵ Jech oy atrigoic o ti c'alal chloc' li sat ats'usubique, xchi'uc oy ats'usubic o ti c'alal yorail chats'unubajique. Oy lec ave'elic jech lec noj ach'utic, jech xcuxet no'ox avo'ntonic te chanaquiic ta avosilic.

Bible in Tzotzil de Chamula

⁵ Oy trigo avu'unic ti c'alal ta xyijub sat ti uvae. Oy to uva avu'unic xtoc ti c'alal ta xlic ts'unubajanic yan veltae. Yu'un oy lec yip xchi'uc ta xnoj lec ach'utic yu'un ti pan ta xave'ique. Ta xac'upinic lec ti lamajem ti jteclume.

Levítico 26:5 Iomraidhean Croise

Salmos 144:13

Li snail jtrigocutique ac'o nojuc ta sventa ep ta chop ve'liletic; li jchijcutique ac'o epajuc, ac'o boluc; ac'o snojesic scotol li stenlejaltique.

Salmos 90:1

Cajval, vo'ot no'ox mero jnac'ubbailotcutic o ti jayc'ol cristianoetic chjelovic li' ta banamile.

Éxodo 16:8

Li Moisese jech to laj yal: —Ta bat c'ac'al ta xac' tal ti'bol ati'ic li Muc'ul Diose. Ta sobe ta xac' tal ep manavaj ave'ic, yu'un laj yil ti chachopolc'opojic ta stojole. Yu'un li vu'uncutique mu'yuc c'usi xu' cu'uncutic. Mu ja'uc chachopolc'opojic ta jtojolcutic; ja' chachopolc'opojic ta stojol li Muc'ul Diose —xut.

Proverbios 1:33

Yan li boch'o tspas c'usi chcale, jun no'ox yo'nton; mu xlo'ilaj yo'nton, mu xi' me oy c'usi xi'bal sba chtal ta stojole”, xi li bijubtasele.

Proverbios 18:10

Li Muc'ul Diose ja' jech chac c'u cha'al jun muc'ta ton va'al ti lec tsotse; ja' te chbat sa'ic coltael li boch'o tuc' yo'ntonique.

Isaías 1:19

Me chach'unic, me chavich'icun ta muq'ue, ta to xave'ic li c'usitic chloc' li' ta banamile.

Isaías 30:23

Li Muc'ul Diose chayac'boxuc tal lec vo' ta sventa li c'usitic chats'unic ta avosilique. Li trigo chloc' te ta banamile toj lequic, lec chapal chataic yu'un scotol. C'alal me la sta yorail le'e, lec muc' yosilal bu chve' li ats'unub avovolique.

Jeremías 23:6

C'alal ja'o tiq'uil ta pasmantale, li Judae lec jun yo'nton; li Israele mu'yuc c'usi chal yo'nton. Ja' jech sbi chc'ot yu'unic: ‘Li Muc'ul Diose ja' tuq'uil jchapanvanej cu'untic’, xi sbi chc'ot”, xi.

Oseas 2:18

“Ta yorail le'e oy c'usi lec ta jchapan ac'o spasic li chonbolometic ta te'tique, xchi'uc li mutetique, xchi'uc li quiletel chonetique, pero ja' sventa alequilalic. Jech noxtoc ta jloq'ues batel ta avosilalic li flechae, li espadae, jech mu'yuc c'op chava'yic, jun no'ox avo'ntonic.

Oseas 2:20

Ta sjunul co'nton chquic'ot, jech chavotquinun ti vu'un Muc'ul Diosune.

Joel 2:19

Li Muc'ul Diose ta stac'be sc'opic li steclumale, jech ta xalbe: “A'yo ava'yic, ta jtac tal trigo, ya'lel ts'usub, xchi'uc aceite, jech lec chnoj ach'utic. Mu'yuc xa chcac'oxuc ta labanel yan velta yu'un li yanlum cristianoetique.

Joel 2:22

Chonbolometic ta te'tic, mu xavat avo'ntonic, yu'un li ts'i'laltic ta xocol banamile ta xlic yaxubuc tal. Li te'etique ta xlic satinicuc; li higotic xchi'uc li ts'usubtique ta xlic yac' sat.

Joel 2:26

Jech lec chave'ic, lec noj ach'utic; jech xu' chavalbicun jlequilal, vu'un li Muc'ul Diosun avu'unic, ta sventa ti toj muc'tic sq'uelubil jtsatsal la jpas ta atojolique. Jech mu'yuc xa ta xcac'oxuc ta q'uexlal yan velta, vo'oxuc li jteclumaloxuque.

Amós 9:13

“Ta to sta sc'ac'alil ti te xa nabalic batel jloc-banamiletic ti c'alal ja' to chich' tuch'el trigoe. Xchi'uc te xa nabalic batel jts'un ts'usubetic ti c'alal mu'yuc to chlaj yich' pits'bel ya'lel li ts'usube. Li vitsetique tsloq'uesic ep ya'lel ts'usub; li tseltseltique tsloq'uesic ya'lel ts'usub jech chac c'u cha'al chloc' vo'.

San Mateo 23:37

“¡Jerusalén, Jerusalén, vo'ot ti atalel o chamil li yaj'alc'optac Diose, ti chavac'be ton li boch'otic tacbilic tal yu'un Dios li' ta atojole! Pero ep xa velta ta jc'an ta jtsob jnaclumetic avu'un jech chac c'u cha'al ta stsob yol ta yolon xic' jcot me'caxan, pero muc xac'anic.

Hechos 14:17

Pero mu yu'unuc muc xac' sba ta ilel ti ta melel oy li Diose, yu'un oy c'usi lec tspas. Ja' ta xac' tal vo'. Ta xac' satinuc li c'usitic chich' ts'unele, yu'un jech ta jta jve'eltic, jech xcuxet no'ox co'ntontic —xutic li cristianoetique.

Deuteronomio 11:15

Jech noxtoc chac' ch'iuc lec vomoletic ta avosilic sventa aca' avacaxic. Jech chata lec ave'elic xchi'uc scotol c'usi chtun avu'unic.

1 Timoteo 6:17

Li jc'ulejetic li' ta banamile, albo mantal ti mu me stoy sbaique, ti mu me ja'uc spat yo'nton yu'un li sc'ulejalique. Yu'un li c'ulejalile ta xlaj sc'oplal. Ja' ac'o spat yo'ntonic ta stojol li Diose, yu'un ja' chiyac'butic scotol li c'usitic ta xtun cu'untique, yu'un jech xcuxet no'ox co'ntontic.

1 Pedro 1:5

Ta sventa xch'unojel avo'ntonic ta stojol Dios, jech ta xchabioxuc ta svu'el yu'un jech xu' chataic li coltael xchapanoje; ja' to chayac'boxuc avilic ta slajebal c'ac'al.