Levítico 26:46 - Bible in Tzotzil de Chenalhó with Deuterocanon

⁴⁶ Ja' jech li mantaletic, li chanubtaseletic, xchi'uc li c'usitic yan yaloj Muc'ul Dios ta sventa Moisés ti la sliques stuc ta stojol li israeletic c'alal te oyic ta vits Sinaie.

Bible in Tzotzil de Chamula

⁴⁶ Taje, ja' jech s'elan chanubtasvan ti Moisés ta sventa ti laj yac' talel ti Dios ta sventa ti oy c'usi jbel tsots albile, ti c'usitic nopbil ti ta vits Sinaí ti ja' ac'bat ta sc'obic xchi'uc ti israeletique.

Levítico 26:46 Iomraidhean Croise

Salmos 77:20

Ta sventa Moisés xchi'uc Aarón laj achabi tal li jteclum avu'un ti ja' jechic jech chac c'u cha'al chijetique.

Levítico 25:1

Li Muc'ul Diose la sc'opan li Moisés te ta vits Sinaie, jech laj yalbe:

Levítico 27:1

Li Muc'ul Diose la sc'opan li Moisese, jech laj yalbe:

Levítico 27:34

Ja' jech li mantaletic laj yal Muc'ul Dios ta stojol Moisés te ta vits Sinaí ta sventa scotol li israeletique.

Levítico 7:38

Ja'o te i'albat yu'un Muc'ul Dios ta vits Sinaí li Moisese. Ja'o yorail te lic yalbe scotol israeletic ta xocol banamil Sinaí ti ac'o yac'beic smotone.

Levítico 8:36

Li Aarón xchi'uc xnich'nabe ja' jech la spasic jech chac c'u cha'al i'albat yu'un Muc'ul Dios li Moisese.

Números 36:13

Ja' jech x'elan li mantaletic li chanubtasel laj yal Muc'ul Dios ta stojol israeletique. Ja'o laj yalbe Moisés ti c'alal te oyic ta stenlejaltic Moab ta nopol uc'um Jordán ta stuq'uil Jericoe.

Números 4:37

Ja' jech yepal li smomnich'nabtac Coat ti xu' xa ch-abtejic ta ch'ulna pasbil ta nucule. Ja' ti c'u yepal iloc' yu'unic li Moisés xchi'uc Aarón c'alal la stsacbeic sbi jech chac c'u cha'al i'albatic yu'un Muc'ul Diose.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

Deuteronomio 12:1

“Li'i ja' li mantaletique xchi'uc scotol li c'usitic yan yaloj Muc'ul Dios tsc'an chapasilanic ti jayib c'ac'al cuxuloxuc te ta avosilalic ti yaloj ono'ox Muc'ul Dios chayac'boxuque, ja' li Dios yu'un jmoltot jyame'tic ta vo'one.

Deuteronomio 13:4

Ja' no'ox me xats'aclinic o li Muc'ul Dios cu'untique. Ja' no'ox xavich'ic ta muc' stuc. Ch'unbeic me li smantaltaque. A'ibeic li sc'ope. Tsobo abaic ta yich'el ta muc'. Te me oyanic o ta stojol.

Deuteronomio 29:1

Li'i ja' li c'usitic la xchapan Muc'ul Dios ti laj yalbe Moisés ac'o spas xchi'uc scotol xchi'iltac te ta yosilal Moabe. Ja' slecoj o li c'usi la xchapan te ta vits Horebe.

Deuteronomio 33:4

C'alal laj yac'butic mantaletic li Moisese, ja' cu'untic ic'ot vu'utic li jtsobutic yu'un Jacobe.

Deuteronomio 4:5

Li vu'une laj calboxuc ava'yic scotol li mantaletique xchi'uc li c'usitic yan laj yalbun li Muc'ul Dios cu'une, yu'un jech ac'o apasilanic ti c'alal te xa'ox oyoxuc ta avosilic ti bu chavich'ique.

Deuteronomio 6:1

“Li'i ja' li mantaletic yu'un Muc'ul Diose xchi'uc li c'usitic yan yalojbun ti ta xcalboxuc ava'yique, yu'un ac'o apasic scotol c'ac'al te ta avosilalic ti bu chayac'boxuque.