Levítico 26:45 - Bible in Tzotzil de Chenalhó with Deuterocanon

⁴⁵ Ta jt'ab ta co'nton noxtoc c'usi la jchapan jchi'uc li amoltotic ta vo'one c'alal la jloq'uesic tal ta Egipto ta sat yantic lumetique, yu'un vu'un Diosun avu'unic chic'ot; vu'un li Muc'ul Diosune”, xi li Diose.

Bible in Tzotzil de Chamula

⁴⁵ Le'e, c'ajomal no'ox ta jvules ta jol ti jtrate ti laj jpas ta stojolic ti c'alal laj jloq'uesic talel ta Egipto ta sba ta sat ti jteclumetique yo' jech ta xic'ot ta Dios yu'unic. Yu'un vu'un ti Ajvalilune.”

Levítico 26:45 Iomraidhean Croise

Génesis 12:2

Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 28:15

Vu'un chajchi'inot; ta jchabiot ti buyuc no'ox chabate. Ta to xcac' sutan batel ta avosilal ti bu lalic tale. Ta xc'ot ta pasel cu'un jech c'u cha'al chacalbote. Mu'yuc chajcomtsanot”, xi li Muc'ul Diose.

Génesis 9:15

Jech te ta xvul o ta co'nton li c'usi jchapanoj ta atojolique xchi'uc ta scotol li chonbolometique. Jech mu'yuc xa ta xcac' taluc pulel ta vo' ti chayulesoxuc acotolique.

Salmos 106:45

Yu'un it'ab ta yo'nton li c'usi xchapanoj ono'ox ta stojolique, jech lic c'uxubajuc ta yo'nton, yu'un toj ep c'uxubinel yu'un.

Éxodo 2:24

Li Diose laj ya'ay ti x'ayetic no'oxe, xchi'uc te it'ab ta yo'nton c'usi xchapanojic ono'ox xchi'uc li Abrahame, li Isaaque, xchi'uc li Jacobe.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 6:8

Ja' te chaquic'oxuc batel ta banamil ti bu calojbe ono'ox chcac'be li Abrahame, li Isaaque, xchi'uc li Jacobe; ja' chacac'boxuc avu'uninic o, vu'un li Muc'ul Diosune —x'utat li Moisese.

Ezequiel 20:14

Pero ja' la jpas li c'usi sventa chi'ich'at ta muq'ue, yu'un jech mu me soc jc'oplal ta stojol li yantic banamil ti laj yilic c'u x'elan la jloq'uesic tale.

Ezequiel 20:22

Pero la jpajes jba ta sventa ac'o ich'atcun ta muc', yu'un jech mu me soc batel jc'oplal ta stojol li yantic banamil ti laj yilic ti vu'un la jloq'uesic tale.

Ezequiel 20:9

Pero ja' la jpas li c'usi sventa chi'ich'at ta muq'ue, yu'un jech mu me soc batel jc'oplal ta yantic banamil ti bu nacalique, yu'un ya'yojic scotolic ti caloj ta jloq'uesic tal ta Egiptoe.

Levítico 11:45

Yu'un vu'un Muc'ul Diosun ti la jloq'uesoxuc tal ta Egiptoe, jech vu'un Diosun avu'unic chc'ot o. Ja' yu'un li vo'oxuque tsc'an ti tuc' avo'ntonique yu'un li vu'une tuc' co'nton”, xi li Muc'ul Diose.

Levítico 22:33

Xchi'uc vu'un la jloq'uesoxuc tal ta Egipto jech vu'un Diosun chic'ot o avu'unic”, xi li Muc'ul Diose.

Levítico 25:38

Yu'un vu'un Muc'ul Diosun avu'unic ti la jloq'uesoxuc tal ta Egiptoe yu'un jech vo'oxuc chacac'boxuc li Canaán banamile, xchi'uc jech vu'un Diosun avu'unic chic'ot o.

Romanos 11:12

Ja' yu'un me ja' sc'ulejal ic'ot sbejel banamil li stacchiquinalic israeletique, xchi'uc me ja' sc'ulejal ic'ot yanlum cristianoetic li bajel laj yich'ique, c'u to x'elan yutsil c'usi lec chc'ot ta pasel c'alal chlic tamaticuc ta be yan velta li israeletique.

Deuteronomio 4:31

mu'yuc chascomtsanoxuc. Mu'yuc chayulesoxuc yu'un li stuque toj lec yo'nton. Mu xch'ay ta yo'nton li c'usi xchapanoj ono'ox xchi'uc li amoltot ayame'ic ta vo'onee, yu'un yaloj ono'ox ti chc'ot ta pasele.

Deuteronomio 9:27

Mu me xch'ay ta avo'nton li avajtuneltaque, ja' li Abrahame, li Isaaque, xchi'uc li Jacobe. Mu xavac' ta avo'nton smulic li jchi'iltac, ti toj toybaique xchi'uc ti toj jbajmantaletique.