Levítico 26:44 - Bible in Tzotzil de Chenalhó with Deuterocanon

⁴⁴ “Ac'o me jech chc'ot ta pasel, ac'o me te oyoxuc ta yosilal li avajcontraique, muc j'ech'eluc ta jipoxuc o ta co'nton, xchi'uc muc j'ech'eluc ta jbajoxuc o, mu'yuc ta xculesoxuc o ta jyalel, yu'un mu xcac' ch'ayuc c'usi la jchapan jchi'uc li amoltotic ta vo'one, vu'un li Muc'ul Diosun avu'unique.

Bible in Tzotzil de Chamula

⁴⁴ “Ac'o mi jech laj apasic ti va'i s'elan taj une, manchuc mi oyoxuc ta slumal ti avajcontraique, mu'yuc ta xajbajoxuc. Mi ja'uc ta xajtenoxuc. Mi ja'uc ta jtsutses ac'oplalic. Mi ja'uc ta jch'ay ta co'nton ti jtrate ti laj jpas xchi'uc ti amolmuc'totic ta vo'nee. Yu'un vu'un ti Ajvalil Diosun avu'unique.

Levítico 26:44 Iomraidhean Croise

Génesis 17:7

Li c'usi ta jchapan ta atojole te chcom o ta stojol scotol li amomnich'nabtac ti ta to xtalique, ja' ti vu'un Diosun o avu'une, xchi'uc vu'un Diosun yu'unic ec li amomnich'nabtaque.

2 Reyes 13:23

Pero li Muc'ul Diose toj c'ux ta yo'nton israeletic ta scoj ti oy ono'ox c'usi xchapanoj xchi'uc li Abraham, Isaac, xchi'uc Jacobe. Jech la scolta; muc xules, mu'yuc sloq'uesoj o ta stojol c'alal to tana.

Nehemías 9:17

Muc stuc'ulanic, muc svules ta sjolic li atsatsal avu'el laj apas ta stojolique. Ja' no'ox la spas ta tsots yo'ntonic, ta stoyobbailic la sva'anic jun banquilal yu'unic sventa ch-ic'atic sutel yan velta ta Egipto ti bu ochemic to'ox ta mozoile. Pero vo'ot li Diosot ti oy perdón avu'une, ti vocol chlic sc'ac'al avo'ntone, ti ja' toj ep li c'uxubinel avu'une, jech muc xajip comel ta avo'nton.

Nehemías 9:31

Pero ta sventa ti toj ech'em smuc'ul avo'ntone, muc xacomtsan, muc xavules o, yu'un vo'ot Diosot ti toj ep slequil avo'ntone; vo'ot li muc'ul jc'uxubinvanejote.

Salmos 103:13

Jech chac c'u cha'al totil ti c'ux ta yo'nton xnich'nabe, ja' jech ec li Muc'ul Diose c'ux ta yo'nton li boch'otic chich'ic ta muq'ue.

Salmos 89:33

Pero mu'yuc ta jcomtsan o xc'uxubinel li Davide; mu'yuc ta jsutes o jc'op ta stojol.

Salmos 94:14

Yu'un li vo'ote Muc'ul Dios, mu'yuc chacomtsan li ateclumale; mu'yuc chavicta li boch'otic t'ujbilic avu'une.

Jeremías 14:21

Ti c'u cha'al ac'o ich'biluc o ta muc' li abie, mu me xabajuncutic; mu me xasoquesbe o sc'oplal li Jerusalén ti bu oy achotleb sventa chapas mantale, ti jun no'ox yutsile. Na'o me li c'usi achapanoj ta jtojolcutique; mu me xasoques.

Jeremías 24:5

“Jech chcal vu'un li Muc'ul Diosun, vu'un li Diosun yu'un Israele: Li judaetic ti chucbil iloq'uic batel cu'un li' ta banamil ti i'ic'atic batel ta yosilal caldeaetique, ja' jech chquilic jech chac c'u cha'al li higo toj ven lequique. Mu'yuc chopol chquilic.

Jeremías 30:11

Yu'un te oyun ta atojolic sventa chajcoltaoxuc. Ta xcules scotol li yantic lumetic ti bu la jpucoxuc batele, pero li vo'oxuque mu'yuc chaculesoxuc. Ja' no'ox ta xcac'boxuc atoj amulic, pero lec tuc' ta jpas. Yu'un ta ono'ox xcac'boxuc atojic”, xi li Muc'ul Diose.

Jeremías 31:20

“Li Efraine ja' jnich'on ti lec c'upil chquile, ti lec jc'anoje. Tsots laj cac'be taq'uiel, pero te ta jna'ilan o. Solel toj yan sba co'nton yu'un; ep c'ux o ta co'nton”, xi li Muc'ul Diose.

Jeremías 33:26

jech xu' ta jsoques noxtoc li c'usi jchapanoj ta stojol smomnich'nab Jacob xchi'uc li cajtunel Davide. Jech mu'yuc chcac' ochuc ta ajvalilal smomnich'on sventa tsventainbe li smomnich'nab Abraham, Isaac, xchi'uc Jacob ti jechuque. Yu'un ta xquiq'uic ono'ox sutel tal li boch'otic chucbil ibatic ta yan banamile, ta xlic jc'uxubinic”, xi li Muc'ul Diose.

Ezequiel 16:60

Li vu'une t'abal ta co'nton li c'usi jchapanoj ono'ox ta atsebale, xchi'uc ti oy c'usi ach' ta jchapan sventa sbatel osile.

Levítico 26:11

“Te chajchi'inoxuc o ta naclej; mu'yuc chajbajoxuc.

Romanos 11:2

Ja' yu'un li Diose mu'yuc scomtsanoj o li steclumal ti vo'one ono'ox st'ujoje. ¿Me mu xana'ic c'usi ts'ibabil ta sventa li Elías ta vo'one c'alal laj yalbe Dios c'usi smulic li xchi'iltaque? Jech laj yal:

Romanos 11:26

ja'o yorail chcol ec li israeletic jech chac c'u cha'al ts'ibabil ta sc'op Diose: “Li Jpojvaneje te chlic tal ta Sión. Ja' tsloq'uesbe sbolil yo'nton li Jacobe.

Jueces 2:1

Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic,