Levítico 26:43 - Bible in Tzotzil de Chenalhó with Deuterocanon

⁴³ ja' ti bu xocol icom avu'unique, jech te to chcux li avosilic c'alal mu'yuc te nacaloxuque. Ja' jech chatoj amulic ta scoj ti mu'yuc tsots sc'oplal laj ava'yic li c'usitic calojboxuque, xchi'uc ti laj abajic li mantaletic cu'une.

Bible in Tzotzil de Chamula

⁴³ ti ja' to jech xocol xc'ot avu'unic ti laloq'uic batele, ti xcuxet xa xa'i ta xcux ti c'alal ch'abal xa nacaloxuque. Yu'un ta xatojic lec ti c'usi chopol laj apasique. Yu'un laj abajic ti c'usi caloje. Mu'yuc laj avaq'uic ta venta ti oy c'usi jbel tsots albil cu'une.

Levítico 26:43 Iomraidhean Croise

2 Crónicas 33:12

C'alal ja'o chich' tsots vocole, ja' to te lic sc'anbe vocol li Muc'ul Dios yu'une. Solel la sbic'tajes sba ta stojol li Dios yu'un smoltot syame' ta vo'onee.

2 Crónicas 36:21

Yu'un jech ac'o c'otuc ta pasel c'usi laj yal Muc'ul Dios ta sventa li j'alc'op Jeremiase, jech xu' chcux lec li banamile. Ti jayib jabil xocol icom li banamile la xcux lec, ja' to ti c'alal its'aqui lajuneb xchanvinic (70) jabile.

Job 5:17

“Xcuxet no'ox yo'nton li boch'o chich' tuq'uibtasel yu'un Diose, ja' yu'un mu me xabaj li nucul chayac'bot Boch'o ech'em svu'ele.

Salmos 119:67

C'alal mu'yuc to'ox chquich' bic'tajesel ta scoj vocole, ch'ayemun to'ox ta be, pero li' ta orae ja' xa ta jch'un li ac'ope.

Salmos 119:71

Toj lec ti jech libic'tajesat ta scoj vocole, yu'un jech la jchan lec li amantaltaque.

Salmos 119:75

Yu'un xcotquin lec ti tuc' scotol li tojobtasel avu'une, xchi'uc ti oy lec razón avu'un ti laj avac'bun jvocole.

Salmos 50:15

Ti c'alal oy avocol chava'yique, c'opanicun me; vu'un chajcoltaoxuc, vo'oxuc chavich'icun ta muc'”, xi li Diose.

Salmos 50:17

Yu'un abajoj li tojobtasel cu'une; ava'lupatinoj comel li jc'ope.

Isaías 26:16

C'alal oy jvocolcutique, chajsa'otcutic; c'alal laj avac'bun jvocolcutique, la jc'opanotcutic.

Jeremías 31:19

La jvoc' to'ox jba ta atojol, pero li' ta orae la jsutes xa co'nton; laj quil ti mu'yuc lec c'usi ta jpase. Jech la jmajilan sna co'nton, toj q'uexlal sba chca'ay; toj biq'uitun yu'un chca'ay li jmul laj sa' tal ta jbic'tale’, xi ta oq'uel li Efraine.

Daniel 9:14

Jech muc xach'ay ta avo'nton; laj ono'ox atac tal ta jtojolcutic li stojol mulile, yu'un toj tuc' scotol li c'usitic chapase, Muc'ul Dios cu'un. Yu'un vu'uncutic muc jch'uncutic li c'usi laj avalbuncutique.

Levítico 26:11

“Te chajchi'inoxuc o ta naclej; mu'yuc chajbajoxuc.

Levítico 26:30

Ta jlilin li toyol c'opojebaletic avu'unique. Ta jines noxtoc li scajleb xchic'ubil pom avu'unique. Li abec'talic ti mu'yuc xa cuxule te jmoj ta jbusan ta sba yo' bu busul li sloc'obal adiosic ti mu cuxuluque yu'un chcac' ta ilel ti chopol chaquiloxuc oe.

Levítico 26:41

ti jech lic jcontrainoxuc eq'ue, ti laj quic'oxuc batel ta yosilal li avajcontraique, ja' svinajeb ti chasutes avo'ntonique, ti chavotquin li amulique.

Amós 5:10

Toj abul abaic ti chopol chavilic li boch'o tsc'an ac'o oyuc tuq'uil chapanele, xchi'uc ti bats'i mu'yuc lec chavilic li boch'o chal c'usi tuq'ue.

Zacarías 11:8

Ta jun no'ox u la jtac loq'uel oxib jchabichijetic; lic ech'uc co'nton yu'unic, yu'un chopol lic yilicun.

San Juan 7:7

Yu'un li vo'oxuque mu xu' chopol chayiloxuc li cristianoetique. Yan li vu'une chopol chiyilicun, yu'un vu'un ta xcalbeic ta jamal ti chopol c'usitic tspasique.

Romanos 8:7

Yu'un li boch'o ja' no'ox chbat yo'ntonic snopel c'usitic tsc'an sbec'talique, ja' tscontrainic li Diose. Yu'un mu xch'unic li smantaltac Diose, xchi'uc mu xu' yu'unic xch'unel.

Deuteronomio 32:36

“Li Muc'ul Diose ta xlic spoj li steclumal c'alal chil mu xa xu' yu'unique. Li Muc'ul Diose ta xc'uxubaj ta yo'nton li yajtuneltac c'alal chil ti chlaj xa li boch'o mu'yuc stsatsalique xchi'uc li boch'o oy stsatsalique.