Levítico 26:42 - Bible in Tzotzil de Chenalhó with Deuterocanon

⁴² Jech chlic t'abuc ta co'nton li c'usi jchapanoj jchi'uc Jacob, jchi'uc Isaac, jchi'uc Abrahame. Xchi'uc chlic t'abuc ta co'nton noxtoc li banamil bu cac'ojboxuque,

Bible in Tzotzil de Chamula

⁴² Va'i unbi, ta jvules ta jol ti jtrate ti laj jpas xchi'uc ti Jacobe, xchi'uc ti Isaaque, xchi'uc ti Abrahame. Jech xtoc ta jvules ta co'nton ti banomile

Levítico 26:42 Iomraidhean Croise

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

Génesis 26:2

Li Muc'ul Diose te laj yac' sba ta ilel ta stojol li Isaaque, jech laj yalbe: “Mu me xabat ta lum Egipto. Te no'ox xacom ti bu chacalbote.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 26:5

Yu'un li Abrahame laj yich'un ta muc'. La spas li c'usitic laj calbee. La xch'un li mantaletic cu'une xchi'uc li chanubtasel cu'une”, x'utat.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 28:15

Vu'un chajchi'inot; ta jchabiot ti buyuc no'ox chabate. Ta to xcac' sutan batel ta avosilal ti bu lalic tale. Ta xc'ot ta pasel cu'un jech c'u cha'al chacalbote. Mu'yuc chajcomtsanot”, xi li Muc'ul Diose.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 35:12

Li banamil ti laj cac'be li Abraham xchi'uc Isaaque, vo'ot xa chacac'bot ec. Ta ts'acale, ja' xa chcac'beic ec li amomnich'nabtaque”, xut.

Génesis 9:15

Jech te ta xvul o ta co'nton li c'usi jchapanoj ta atojolique xchi'uc ta scotol li chonbolometique. Jech mu'yuc xa ta xcac' taluc pulel ta vo' ti chayulesoxuc acotolique.

Génesis 9:16

C'alal ta xquil li vacnabal te oy ta toque, ta xt'ab o ta co'nton li c'usi chapanbil cu'un ti j'ech'el jech icom o ta stojol scotol li cristianoetique xchi'uc ta stojol scotol li chonbolometic oy ta banamile.

Ester 4:14

Yu'un me te no'ox ch'anxachi, me mu'yuc c'usi chapase, xu' yan bu tstaic coltael li judaetique. Pero li vo'ot, xchi'uc atot ame'e, xchi'uc li avuts' avalaltaque ta persa chchamic. Oy yic'al yu'un vo'ot t'ujbilot sventa chacoltautic ti vo'ot la'och ta me' ajvalile”, xut batel.

Salmos 106:45

Yu'un it'ab ta yo'nton li c'usi xchapanoj ono'ox ta stojolique, jech lic c'uxubajuc ta yo'nton, yu'un toj ep c'uxubinel yu'un.

Salmos 136:23

Ja' ti la sna'utic c'alal toj ep chquich'tic vocole, yu'un sbatel osil mu xlaj o li c'uxubinel yu'une.

Éxodo 2:24

Li Diose laj ya'ay ti x'ayetic no'oxe, xchi'uc te it'ab ta yo'nton c'usi xchapanojic ono'ox xchi'uc li Abrahame, li Isaaque, xchi'uc li Jacobe.

Éxodo 6:5

Li' ta orae laj xa jna' c'u x'elan svocolic li achi'iltac ta israelale; laj xa jna' ti ep ta sujvanic ta abtel li egiptoetique, jech it'ab ta co'nton li c'usi jchapanoj ono'oxe.

Isaías 14:1

Ta melel, li Muc'ul Diose c'ux ta yo'nton o li Jacobe. Staoj yav t'ujbil o yu'un li Israele. Jech ta xac' suticuc tal ta naclej ta yosilalic li israeletique. Li yantic lumetique ta xnopaj tal ta stojolic; jun chc'otic xchi'uc li yalab xnich'nab Jacobe.

Ezequiel 16:60

Li vu'une t'abal ta co'nton li c'usi jchapanoj ono'ox ta atsebale, xchi'uc ti oy c'usi ach' ta jchapan sventa sbatel osile.

Joel 2:18

Jech chlic c'uxubajuc ta yo'nton yosil sbanamil li Muc'ul Diose, jech chlic spasbe perdón li steclumale.

San Lucas 1:72

Yu'un chixc'uxubinutic jech chac c'u cha'al laj ono'ox yalbe jmoltotactic ta vo'onee. Yu'un mu xch'ay o ta yo'nton li c'usi laj ono'ox xchapan xchi'uque,

Deuteronomio 4:31

mu'yuc chascomtsanoxuc. Mu'yuc chayulesoxuc yu'un li stuque toj lec yo'nton. Mu xch'ay ta yo'nton li c'usi xchapanoj ono'ox xchi'uc li amoltot ayame'ic ta vo'onee, yu'un yaloj ono'ox ti chc'ot ta pasele.

Deuteronomio 9:27

Mu me xch'ay ta avo'nton li avajtuneltaque, ja' li Abrahame, li Isaaque, xchi'uc li Jacobe. Mu xavac' ta avo'nton smulic li jchi'iltac, ti toj toybaique xchi'uc ti toj jbajmantaletique.

Jueces 2:1

Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic,