Levítico 26:4 - Bible in Tzotzil de Chenalhó with Deuterocanon

⁴ ta xcac' taluc ep vo' ti c'alal yoraile, jech lec chac' li c'usitic chats'un ta avosilique xchi'uc li ts'unubaltic avu'unique.

Bible in Tzotzil de Chamula

⁴ va'i unbi, ta xcac' taluc vo' ti c'uc no'ox orae. Jech ti banomile xchi'uc ti te'etic ti stac' lo'bel sat ti oy ta osile, lec ta satin.

Levítico 26:4 Iomraidhean Croise

1 Reyes 17:1

Li j'alc'op Elías liquem ta Tisbe ta yosilal Galaade, jech laj yalbe li Acabe: “Chcal ta jamal ta stojol Muc'ul Dios, ja' li Dios yu'un Israel ti chitun yu'une, mu'yuc ta xac' vo', xchi'uc mu'yuc ta xyal job osil li jabil li'i, ja' to me laj cal ti chtale”, xut.

Job 5:10

Ja' chac' tal vo' ta banamil; ja' chat'es li osil banamile.

Salmos 104:13

Vo'ot chavac'be tal ya'lel li vitsetique, te to chlic avat'es tal ti bu nacalote; ja' ta sventa avabtel ti lec xcuxet yo'nton li banamile.

Salmos 67:6

Isatin xa li c'usitic ts'unbil ta banamile; li Dios cu'untique laj xa yac'butic bendición.

Salmos 67:7

Ac'o yac'butic to ep bendición li Diose. Ac'o yich'ic ta muc' Dios scotol li cristianoetic ta banamile.

Salmos 68:9

Dios cu'un, bats'i tsots laj avac' taluc li vo'e, yu'un jech laj avac' xcux lec li avosil ti paq'uem xae.

Salmos 85:12

Li Muc'ul Diose ja' ta xac' tal li vo'e, jech lec ta xac' li c'usi ta jts'untic ta cosiltique.

Salmos 85:13

Li c'usi tuq'ue ja' ba'yucbe chbat yu'un li Muc'ul Diose; ja' ta xchapanic lec batel li bee.

Isaías 30:23

Li Muc'ul Diose chayac'boxuc tal lec vo' ta sventa li c'usitic chats'unic ta avosilique. Li trigo chloc' te ta banamile toj lequic, lec chapal chataic yu'un scotol. C'alal me la sta yorail le'e, lec muc' yosilal bu chve' li ats'unub avovolique.

Isaías 5:6

J'ech'el ta xquicta o comel. Mu'yuc xa bu ta jq'uel ta jtuc'ulan; mu'yuc xa bu ta xcaq'uinta o; te ac'o nojuc ta ch'ixtic, ac'o ch'iuc chopol ts'i'laletic. Ta xcalbe mantal ti mu xa me xac' ya'lelic li toquetique.

Jeremías 14:22

¿Me yu'un xu' chaq'uic tal vo' li yantic diosetique? ¿Me yu'un xu' chac' tal vo' stuc li vinajele? Mu'yuc, vo'ot no'ox atuc chavac' talel vo', vo'ot li Muc'ul Diosot cu'uncutique. Yu'un vo'ot chapas scotol, ja' no'ox ta jmalacutic li c'usi chapase.

Ezequiel 36:30

Ta xcac' satinuc lec li te'etic avu'unique; ta xcac' yac' lec li c'usi chats'un ta avosilique, yu'un jech mu xa xavich'ic labanel yu'un yantic banamil ta scoj vi'nal.

Joel 2:22

Chonbolometic ta te'tic, mu xavat avo'ntonic, yu'un li ts'i'laltic ta xocol banamile ta xlic yaxubuc tal. Li te'etique ta xlic satinicuc; li higotic xchi'uc li ts'usubtique ta xlic yac' sat.

Levítico 25:19

Te ta banamile lec ta xac' sat li c'usitic chats'unique, jech xcuxet avo'ntonic te chanaquiic, lec xave'ic o; lec noj ach'utic o yu'un.

Levítico 25:21

Ta svaquibal jabile vu'un ta jtac tal ep bendición cu'un, jech lec chac' li c'usitic chats'unique; lec xu' avu'unic o sventa oxib jabil.

Zacarías 8:12

Yu'un li jun o'ntonale te ta xcac' ta stojolic. Li ts'usubtique chlic satinicuc. Li banamile ep c'usitic ta sloq'ues. Li vinajele ta xac' tal sjob. Ja' ta xcac'be yu'uninic scotol li scomelal jteclume.

San Mateo 5:45

Yu'un jech ta xvinaj o ti vo'oxuc xnich'naboxuc li Jtotic Dios ta vinajele. Yu'un li Diose co'ol ta xac' q'uepuc ta stojol li boch'otic chopolique xchi'uc li boch'otic lequique. Co'ol chac'be vo' li boch'otic tuc' yo'ntonique xchi'uc li boch'otic muc tuc'uc yo'ntonique.

Hechos 14:17

Pero mu yu'unuc muc xac' sba ta ilel ti ta melel oy li Diose, yu'un oy c'usi lec tspas. Ja' ta xac' tal vo'. Ta xac' satinuc li c'usitic chich' ts'unele, yu'un jech ta jta jve'eltic, jech xcuxet no'ox co'ntontic —xutic li cristianoetique.

Deuteronomio 11:13

“Me chach'unic scotol li mantaletic li' laj calboxuc ava'yique, me j'ech'el chac'anic o li Muc'ul Dios cu'untique, xchi'uc me scotol avo'ntonic chavich'ic o ta muq'ue,

Deuteronomio 11:14

ta xac' taluc lec vo' ta yorail li vo'olaltic ta otoño xchi'uc ta primavera, yu'un jech lec chloc' trigo, aceite xchi'uc ya'lel ts'usub avu'unic.

Deuteronomio 28:12

Ta sjambe sti' li yav sc'ulejale, ja' li vinajele, jech ta xac' tal lec vo' ta avosilic ti c'alal yoraile, yu'un jech tsta bendición li ats'unub avovolique. Jech ch-epaj li c'usitic oy avu'unique. Jech chlic avac'beic xq'uex epal muc'tiquil lumetic, li vo'oxuque mu'yuc c'usi chaq'uexbeic.

Santiago 5:7

Ja' yu'un quermanotac, ts'iquic me, oyuc me smuc'ul avo'ntonic o c'alal to chtal li Cajvaltique. Q'uelavilic c'u x'elan li boch'o ta x'abteje, jun yo'nton ta smala chloc' li c'usi ta sts'un li' ta banamile. Jun yo'nton ta smala c'usi ora chyal li vo'e.

Apocalipsis 11:6

Li chibique ac'bil svu'elic sventa tsmaquic li vinajele, yu'un jech mu xac' vo' ti c'alal ja'o chcholic c'usi albilic yu'un Diose. Xchi'uc oy svu'elic sventa tsc'atajesic ta ch'ich' li vo'etique, xchi'uc xu' yu'unic ta xac' tsaqueicuc ta tsatsal chamel li cristianoetic ta banamile, ja' ti jayib velta tsc'an tspasic jeche.