Levítico 26:39 - Bible in Tzotzil de Chenalhó with Deuterocanon

³⁹ Li boch'o cuxul to chcom avu'unic te ta yosilal avajcontraique, te xa no'ox ta xchamic ta scoj li smulique. ¡Ta scoj xa no'ox smul stotic co'ol chcham xchi'uquic!

Bible in Tzotzil de Chamula

³⁹ Mu xa no'ox cha'bel ta j'ech'el, ti buch'u cuxul ta xcom ta yosilal ti scontrae. Ta xcham ta j'ech'el ta scoj ti xchopolale ¡Yu'un jmoj ta xchamic xchi'uc ti stot sme'ic ta scoj ti oy xchopolalique!

Levítico 26:39 Iomraidhean Croise

2 Crónicas 34:24

Jech chcal vu'un li Muc'ul Diosune: ta xcac'be tsots svocol li banamil li'i xchi'uc li boch'otic te nacajtique. Ja' ta xcac'be scotol li stojol mulil ts'ibabil ta vun ti laj yich' aptael ta stojol li ajvalil ta Judae.

Esdras 9:7

Yu'un ta vo'one c'alal cuxul ono'ox li jmoltot jyame'cutique, xchi'uc c'alal to tanae, ja' jech staoj yav o ta jsa'ilan o tal tsots jmulcutic. Ta scoj jmulcutic ti li'ochcutic ta sc'ob yantic ajvaliletic li' ta banamil c'alal ta ajvaliletic, ta paleetic cu'uncutique, jech la jtacutic milel, chuquel ta yan banamil, elc'anbel c'usi oy cu'uncutic, q'uexlaltasel jech chac c'u cha'al chc'ot ta pasel li' ta ora noxtoque.

Nehemías 1:9

Pero me lasutic tal ta jtojole, me chlic ach'unic, me chlic apasic li mantaletic cu'une, ac'o me apucoj abaic batel c'alal to ta sti'iltac banamil, te to c'alal chbat jtsoboxuc tal, ta xquic'oxuc sutel ta banamil ti bu t'ujbil ono'ox cu'un sventa chi'ich'at ta muq'ue’, xavut ono'ox.

Éxodo 20:5

Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

Éxodo 34:7

C'ux ta co'nton epal mil cristianoetic; ta jch'aybe ta co'nton li smulique, li stoyobbailique, li xchopolilique. Pero mu teuc no'ox jq'ueloj li boch'o ta sa'ilan smule; ta persa chcac'be stoj. Ta xcac'be stoj smul li totiletique, li nich'naletique, li momnich'naletique, xchi'uc c'alal ta xchanc'olal momnich'naletic —xi li Muc'ul Diose.

Isaías 14:21

Chapano abaic, milbeic li yol xnich'onique, yu'un toj chopol c'usi la spas li stotique, yu'un jech mu snopic ti tsventainic scotol li banamile, jech mu snopic ti tsnojes ta slumalic li banamile”, xachiic.

Isaías 24:16

Ta jot to sti' banamil laj ca'ay oy boch'o chq'uejinic, jech chalic: “Ich'biluc ta muc' li boch'o tuc' yo'ntone”, xiic. Pero li vu'une jech laj cal: “¡Ay, toj abul jba, toj abul jba! yu'un li j'ac'vanejetic ta c'abale staoj yav te tspasic o li xchopolilique”, xichi.

Jeremías 29:12

Chlic ac'anbicun vocol, chlic ac'opanicun, jech ta xca'iboxuc ac'opic.

Jeremías 3:25

Solel chiyalcutic o ta lum ta scoj q'uexlal; mu xa xcac' ta ilel jsatcutic, yu'un ta jbic'talcutic ono'ox la jta ep jmulcutic xchi'uc li jmoltot jyame'cutique. Ja' jechuncutic o c'alal to tana; mu'yuc ono'ox laj quich'cutic ta muc' c'usi chaval, vo'ot li Muc'ul Diosot cu'uncutique”, xiic.

Jeremías 31:29

“Ta sc'ac'alil le'e mu'yuc xa jech chalic: ‘Li totil me'iletique puru pajal ts'usub la slo'ic, li nich'naletique tsiq'uem yeic’, ti xiique.

Lamentaciones 1:3

Li Judae laj yich' chuquel batel ta yan banamil; te laj yich' vocol xchi'uc mozoinel. Te xa oyic ta yantic lumetic; mu'yuc bu xu' chcux yo'nton o. Itaat yu'un li jnutsvanejetique, te macal ic'ot ta be.

Lamentaciones 4:9

Ja' jutuc no'ox svocolic li boch'otic chchamic ta espadae; ja' toj tsots svocolic li boch'otic chchamic ta vi'nale, yu'un li stuquique ta c'unc'un ch-ochbajic batel ta be ta scoj ti mu'yuc bu sta c'usitic tstunique.

Ezequiel 18:19

Pero me jech chavalic li vo'oxuque: ‘¿C'u yu'un mu'yuc chcuchbe smul stot li nich'onile?’, me xachiique, yu'un li nich'onile ja' la spas li c'usi lec, li c'usi tuq'ue. Ja' la xch'un li jmantaltaque; ja' la spas li c'usitic caloje. Ja' yu'un ta jbel sc'oplal ta xcuxi.

Ezequiel 20:43

Te chlic avotquinic li avabtelique xchi'uc scotol li c'usitic laj apasique, xchi'uc ti solel abolibtasoj abaique, jech te chlic ana'le aba atuquic ta scoj li yepal amulic laj asa'ique.

Ezequiel 24:23

Li xpix ajolique te alapojic o; li axonobique te alapojic o. Mu'yuc bu chavat avo'ntonic, mu'yuc bu cha'oq'uic; te no'ox chalajic o ta scoj li achopolilique. Ta jujuntal te cha'oc' atuquic.

Ezequiel 33:10

“Ja' yu'un, li vo'ote xnich'on cristiano, jech xavalbe ya'yic li smomnich'nab Israele: ‘Li vo'oxuque jech chavalic: Li vu'utique li' jcuchojtic o li jmultic xchi'uc li jtoyobbailtique, ja' ta scoj ti chijcham xa jchi'uctique. ¿Pero c'u x'elan xu' chijcuxiutic?, xachiic.

Ezequiel 36:31

C'alal cht'ab ta avo'ntonic ti c'u to'ox xa'elanique, xchi'uc li c'usitic toj chopol laj apasique, chlic q'uexovanic yu'un.

Ezequiel 4:17

Ta xlaj li sve'elique xchi'uc li ya'alique, te xa no'ox sq'uelq'uelbe sba satic ta xi'el; te ta xlajic o ta scoj smulic”, xiyutun.

Ezequiel 6:9

Li boch'otic cuxul chcomique te chlic sna'icun ta yantic banamil ti bu chucbilic batele. Te chlic sna'ic ti vu'un laj cac'be svocolic ta scoj ti imulivajic ta jtojol ta sventa ti laj yich'ic ta muc' yan diosetique. Te chlic q'uexovicuc stuquic ta scoj li xchopol talelic la spasic ta jtojole.

Oseas 5:15

“Ta ora chisut batel yo' bu oyune, ja' to me laj yotquinic li smulique, ja' to me tal sa'icune. C'alal me oy svocolique, ja' to chisa'icun”, xi li Diose.

Zacarías 10:9

Vu'un la jpuquic batel ta yantic banamil, pero te ta namal banamil chlic st'abicun ta yo'ntonic; jech ta to sta yorail ta sutic tal xchi'uc yalab xnich'nabic li boch'o cuxul to icomique.

Números 14:18

ti muc ta aniluc cha'iline, ti toj ep slequil avo'ntone, ti chach'aybe ta avo'nton smulic li jpasmuliletique xchi'uc li boch'otic tstoy sbaic ta atojole. Ta jna' noxtoc ti ma'uc yu'un mu'yuc chavac'be o stoj smulic li boch'otic tsa' smulique. Ta ono'ox xavac'be stoj smulic, xchi'uc chavac'be xcuch c'alal to ta yoxc'olal xchanc'olal yalab xnich'nabic.

Deuteronomio 28:65

Ti jayib c'ac'al te chanaquiic ta yantic banamile, mu'yuc bu jun avo'ntonic xchi'uc mu'yuc cux o'nton o avu'unic. Yu'un li Muc'ul Diose chac' ti puru xi'el chava'yic scotol c'ac'ale. Toj at-o'ntonoxuc, xchi'uc toj abul abaic ta asatic scotol c'ac'al.

Deuteronomio 30:1

“C'alal me ic'ot ta pasel ta atojolic scotol li c'usitic laj calboxuc ava'yique, ja' li bendición xchi'uc li vocoletic ti laj xa cac'boxuc at'ujique, pero me chlic asutes avo'ntonic te ta yantic banamil yo' bu chaspucoxuc batel li Muc'ul Dios cu'untique,

Deuteronomio 5:9

Mu me xaquejan abaic ta stojol. Mu me xavich'ic ta muc' yu'un jtuc no'ox Muc'ul Diosun avu'unic. Vu'un Diosun ti toj it'ix co'nton me oy c'usi yan chavich'ic ta muq'ue. Yu'un me mu xavich'icun ta muq'ue, ta me xcac'boxuc atoj amulic li vo'oxuque xchi'uc c'alal to ta xchanc'olal amomnich'nabic.

Deuteronomio 8:20

Jech chac c'u cha'al laj yulesan Muc'ul Dios cu'untic li muc'tic lum butic lajelovic tale, ja' no'ox jech chavich'ic ulesel acotolic ec me mu xach'unbeic c'usitic yalojboxuque.