Levítico 26:36 - Bible in Tzotzil de Chenalhó with Deuterocanon

³⁶ “Li boch'o cuxul to chcom avu'unic te ta yosilal avajcontraique, ta xcac'beic ep xi'el. Ta jlic no'ox yanal te' chbaj, ta xjatovic batel ta anil jech chac c'u cha'al nutsbilic ta espada. Te ta xyalic o ta lum ac'o me mu'yuc nutsbilic.

Bible in Tzotzil de Chamula

³⁶ “Mu xa no'ox cha'bel un, ti buch'u cuxul ta xcomic ti oy ta yosilal ti scontraique. Ta jtic'be ep xi'el ta yo'ntonic ti xbitet xa batel ta anil ta jatbil ac'o mi ja' no'ox xchajluj ti yanal te' ta xbaje. Co'ol xa s'elan nutsbil ta espada xbitet ta anil ta xjatav ti c'alal ch'abale. Taj to banajtic ta xc'otic yu'un jatvil ta scoj ti xi'el c'alal mu'yuc nutsbilique.

Levítico 26:36 Iomraidhean Croise

Génesis 35:5

C'alal iloq'uic batele, li Diose laj yac' xi'icuc li yajval lumetic ti te no'ox nopol oyique, jech mu'yuc xbat snutsic ta be li xnich'nabtac Jacobe.

Génesis 4:12

Ac'o me cha'abtej ta banamil, pero mu'yuc ta xac' sat li c'usitic chats'une. Jech noxtoc jcotcovil chabat o. Mu'yuc bu chata ti xu' chacux avo'ntone —x'utat.

2 Crónicas 14:14

Jech noxtoc laj yac'beic scotol li lumetic te ta sjoyobal Gerare, yu'un scotolic oy xa'ox xi'el laj ya'yic ta sventa li Muc'ul Diose. Jech laj yich'beic tal scotol sc'ulejal li lumetique.

Job 13:25

¿C'u yu'un ti j'ech'el chavoch' li jlic yanal te' ti cuchbil ta iq'ue? ¿C'u yu'un ti chavuts'inta li jobel ti taquin xae?

Salmos 53:5

Ac'o me mu'yuc c'usi xi'bal sba, pero chniquic ta xi'el, yu'un li Diose jatsa bu tanmacal ibat sbaquil yu'un li boch'o tsc'an ox chcontrainvanique. Iyalic o ta q'uexlal, yu'un ibajatic o yu'un li Diose.

Salmos 53:6

Oyuc c'uxi licuc tal coltael ta vits Sión ta stojol li Israele. C'alal chac'be slequilalic yan velta li steclumal Muc'ul Diose, toj xcuxet no'ox yo'ntonic li smomnich'nabtac Jacobe; toj solol no'ox yo'ntonic li jun ta lum Israele.

Salmos 89:43

Laj alajesbe ye ta jech no'ox li yespadae; muc xa xacolta ta sventa muc'ta c'op.

Proverbios 28:1

Li boch'o chopol yo'ntone jech no'ox chjatov, ac'o me mu'yuc nutsbil; yan li boch'o tuc' yo'ntonique jun yo'nton chcux jech chac c'u cha'al jcot león.

Isaías 30:17

Ta jun no'ox vinic chajatovic batel jmil; ta vo'ob vinic chajatovic batel acotolic, ja' to me mu'yuc xa ep lacomique, ja' to me jech lacomic jech chac c'u cha'al unin jbej te' va'al ta jolvitse, o jech chac c'u cha'al jlic bandera te xvilvun ta jolvitse.

Isaías 7:2

Li a'yej le'e bat yalbeic li ajvalil Acaz xchi'uc yalab xnich'nabe, ja' li smomnich'nab David ta vo'onee: “Li Siriaetique jmoj chtalic xchi'uc li efrainetique”, xutic. C'alal laj ya'yique, iniquic ta xi'el scotolic jech chac c'u cha'al chnic muc'tic te' ta tsatsal ic'.

Isaías 7:4

Jech xavalbe: ‘Q'uelo me aba, cuxuluc lec avo'nton; mu me xaxi'. Mu me xlo'ilaj avo'nton yu'un li chib xupet c'oc' ti xtomet loq'uel xch'ayilalique, ja' li Rezín xchi'uc li siria soldadoetic yu'une, xchi'uc li xnich'on Remalías ti tsanem sc'ac'al yo'ntonique.

Jeremías 37:10

Ac'o me chatsalic scotol li soldadoetic yu'un caldeaetique, pero oy to ono'ox boch'o cuxul ta xcomic ti yayijemic xa avu'unique; ja' ta xliquic tal te ta scarpanaic, ja' chtal yac'beic sc'ac'al li lum li'i’, xi li Muc'ul Diose”, xut batel li j'almantaletic yu'un ajvalile.

Jeremías 46:16

Toj ep boch'otic chyalic ta lum; te no'ox ta xt'ixilin sba stuquic, jech chalbe sbaic: ‘Licanic, sutcutic batel ta jlumaltic ta cosilaltic ti bu lijvoc'utique; jatovcutic batel ta anil yu'un li espadae’, xut sbaic.

Lamentaciones 1:3

Li Judae laj yich' chuquel batel ta yan banamil; te laj yich' vocol xchi'uc mozoinel. Te xa oyic ta yantic lumetic; mu'yuc bu xu' chcux yo'nton o. Itaat yu'un li jnutsvanejetique, te macal ic'ot ta be.

Lamentaciones 1:6

Ich'ay st'ujumal li Sión ti lec to'ox c'upil sbae. Li banquilaletic yu'unique ja' xa jechic jech chac c'u cha'al te'tical chijetic ti xjotetic ta sa'el sve'elique. Jeche' xa no'ox xjochoj sbaic ta anil ta scoj li jnutsvanejetic yu'unique.

Lamentaciones 4:19

Li jnutsvanejetic cu'uncutique ta vilel no'ox chtalic ta anil jech chac c'u cha'al xiquetic; snutsojuncutic batel ta vitsetic, la smacuncutic ta be te ta xocol banamil.

Ezequiel 21:12

Xnich'on cristiano, oc'an, avanan, yu'un chapal xa chich' milel scotol li jteclumale; chich' milel scotol c'alal ta banquilaletic te ta Israel. Scotolic co'ol chlajic ta milel ta espada xchi'uc li jteclumale. Ja' yu'un, majilano sna avo'nton ta scoj li vocole,

Ezequiel 21:15

Yu'un jech ac'o xi'icuc scotolic, yu'un li espadae ta xa stsac ep sve'el; laj xa cac' ta scotol naetic sventa chmilvan. ¡Ay!, li espadae chapal xa sventa chlic ta ts'aylajetel; chapal xa sventa chlic sc'oc joliletic.

Ezequiel 21:7

C'alal me jech chasjac'boxuque: ‘¿C'u yu'un ti ep cha'oq'ue?’, me xayutoxuque, jech xatac'beic: ‘Yu'un laj ca'ay ti oy c'usi tsots chc'ot ta pasele. C'alal me la sta yoraile, scotol cristiano ta xc'unib yo'ntonic, ta xat yo'ntonic, ta x'alub yoc sc'obic. Jutuc xa sc'an xc'ot ta pasel, yu'un jech laj yal stuc li Muc'ul Diose’, uto”, xiyutun.

Oseas 8:3

Pero li Israele la sbaj li c'usi leque, ja' yu'un ac'o nutsatuc yu'un li yajcontrae.

Levítico 26:17

Ta xlic jcontrainoxuc, jech tsalbil chac'otic yu'un li avajcontraique. Ja' chlic spasoxuc ta mantal li boch'otic chopol to'ox chavilique. Xchi'uc jech no'ox chajatovic batel, ac'o me mu'yuc boch'o chtal snutsoxuc.

Levítico 26:35

Ti c'u yepal c'ac'al xocol chcome, ja' to te chcux o ta sventa ti mu'yuc ono'ox xavac'beic xcux ti c'alal te nacaloxuque.

Deuteronomio 1:44

Pero li amorretique iloq'uic tal, tal staoxuc. La snutsoxuc tal ta Seir c'alal to ta Horma jech chac c'u cha'al tsnutsvan xchanul mumetic.

Josué 5:1

Scotol li ajvaliletic yu'un amorretic te nacajtic ta jot uc'um Jordán ta stuq'uil smaleb c'ac'ale xchi'uc li ajvaliletic yu'un canaanetic te nacajtic ta nopol muc'ta Nab Mediterraneoe laj ya'yic c'u x'elan la staquijes uc'um Jordán Muc'ul Dios ti c'alal ijelovic li israeletique. C'alal laj ya'yique, bats'i ep ixi'ic; solel mu sc'an stsac sbaic ta pleito xchi'uc li israeletique.

Josué 7:5

Imilatic tal vaclajuneb xcha'vinic (36) li israeletique. Li yantique nutsbil iliquic ta sti' coralton yu'un li lume c'alal to ta Sebarim. Te la smilic comel ta yalubaltic. Ja' yu'un li israeletique ilaj stsatsal yo'ntonic; solel ichibaj yo'ntonic.

1 Samuel 17:24

C'alal laj yilic li israeletique, bats'i ep ixi'ic; ijatovic loq'uel ta stojol.