Levítico 26:34 - Bible in Tzotzil de Chenalhó with Deuterocanon

³⁴ Li avosilalique xcuxet no'ox yo'nton ta xcuxic ti jayib c'ac'al xocol chcom c'alal te oyoxuc ta yosilal avajcontraique. Jech te to chcux o li avosilique; ja' tspac'an ti mu'yuc ono'ox chavac'beic xcuxe.

Bible in Tzotzil de Chamula

³⁴ Va'i un, ti banomile, xcuxet ta xa'i ti c'u sjalil sts'ijlajan ta xcome. Ti c'alal oyoxuc ta slumal ti avajcontraique, yu'un ja' to jech xcuxet ta xa'i ti ta spac sutel ti c'alal mu'yuc laj avac'beic xcuxe.

Levítico 26:34 Iomraidhean Croise

1 Reyes 8:46

“Jech noxtoc me oy tsta smulic ta atojole, yu'un mu'yuc boch'o ti mu sna' sa' smule, me lavac' ochicuc ta sc'ob yajcontraic yu'un ac'o chucaticuc batel ta yosilal yajcontraic ta scoj ti chlic sc'ac'al avo'nton yu'unique, ac'o me nom, me noch',

2 Crónicas 36:21

Yu'un jech ac'o c'otuc ta pasel c'usi laj yal Muc'ul Dios ta sventa li j'alc'op Jeremiase, jech xu' chcux lec li banamile. Ti jayib jabil xocol icom li banamile la xcux lec, ja' to ti c'alal its'aqui lajuneb xchanvinic (70) jabile.

Jeremías 34:17

Ja' yu'un ja' jech chcal vu'un li Muc'ul Diosune: Ta sventa ti muc xach'unic c'usi laj cale, yu'un muc xacoltaic ta mozoil li achi'ilique, ja' yu'un vu'un ta jcolta tal pleito, vi'nal, xchi'uc ta tsatsal chamel ta atojolic; jech toj chopol ac'oplalic, toj q'uexlal abaic chcom ta stojol li yantic lumetique.

Levítico 25:10

Ta slajunebal yoxvinic (50) jabile ja' ch'ul jabil chc'ot avu'unic. Ja' Sjabilal Colem Chcom Scotol, ja' yorail xu' chataic ti c'u ono'ox x'elan oyoxuc jujunoxuque. Xchi'uc ja'o yorail xu' chavalic ti colem chcom scotol li jnaclumetic te ta avosilalique. Ac'o suticuc ta sna stuquic, o ta sna stot sme'ic. Ac'o sventainic yan velta li yosil stuquique.

Levítico 26:35

Ti c'u yepal c'ac'al xocol chcome, ja' to te chcux o ta sventa ti mu'yuc ono'ox xavac'beic xcux ti c'alal te nacaloxuque.

Levítico 26:43

ja' ti bu xocol icom avu'unique, jech te to chcux li avosilic c'alal mu'yuc te nacaloxuque. Ja' jech chatoj amulic ta scoj ti mu'yuc tsots sc'oplal laj ava'yic li c'usitic calojboxuque, xchi'uc ti laj abajic li mantaletic cu'une.