Levítico 26:32 - Bible in Tzotzil de Chenalhó with Deuterocanon

³² “Ta xcules o li alumalique. Li avajcontraic te chtal naquiicuque ch'ayel chc'ot yo'ntonic ti jech chc'ot ta pasele.

Bible in Tzotzil de Chamula

³² “Ta jsoques ta lilinel ta j'ech'el ti ateclumalique. Jech ti avajcontraic ti ta xtal nacliicuque, toj ch'ayal ta xc'ot yo'ntonic xchi'uquic.

Levítico 26:32 Iomraidhean Croise

1 Reyes 9:8

Li ch'ulna ti lec ich'bil ta muq'ue ta to xlic slabanic li boch'otic li' chjelovique. Toj ch'ayel chc'ot yo'ntonic jech chalic: ‘¿C'u yu'un jech la spasbe Muc'ul Dios li banamil li'i xchi'uc li ch'ulna li'i?’, xut sbaic.

Isaías 24:1

A'yo ava'yic, li Muc'ul Diose ta xocobtas li banamile; ta st'anan ya'yel, ta soques scotol; ta spucbe batel li jnaclumetic yu'une.

Isaías 5:6

J'ech'el ta xquicta o comel. Mu'yuc xa bu ta jq'uel ta jtuc'ulan; mu'yuc xa bu ta xcaq'uinta o; te ac'o nojuc ta ch'ixtic, ac'o ch'iuc chopol ts'i'laletic. Ta xcalbe mantal ti mu xa me xac' ya'lelic li toquetique.

Isaías 5:9

Li Muc'ul Dios ti ech'em svu'ele jech xa laj yalbun: “Li lequil naetique xch'ijan chcom o; li muc'tic na ti toj c'upilic sbae solel mu'yuc yajval chcom o.

Isaías 6:11

Jech la jac'be: “¿Jayib c'ac'al chjalij le'e Cajval?”, xcut. Jech la stac'bun: “Ja' to me laj yich' vuq'uesel scotol li lumetique, xchi'uc me mu'yuc xa boch'o te nacal oe, xchi'uc c'alal me xocol xa scotol li naetique, xchi'uc c'alal me icom jech chac c'u cha'al xocol banamil li yosilalique;

Isaías 64:10

Li ch'ul lumetic avu'une xco'laj xchi'uc xocol banamil comen; li Sione yavnaijem o ta j'ech'el; li Jerusalene jeche' xch'ijan icom o.

Jeremías 12:11

Solel jeche' xch'ijan icom o; xco'laj xchi'uc xocol banamil laj quil. Sjunul banamil soquem icom o; mu'yuc to boch'o abul sba chil ti c'u x'elan icome.

Jeremías 18:16

Ja' jech la soquesic o li yosilalique; puru labanel chich' o scotol c'ac'al. Li boch'o te ta xjelovique toj ch'ayel chc'ot yo'ntonic, tsjimulan no'ox sjolic.

Jeremías 19:8

Li lum li'i ta xcac' ta yavnaijesel xchi'uc ta labanel. Scotol li boch'o te ta xjelovique toj ch'ayel chc'ot yo'ntonic; ta slabanic ti solel vuq'uem scotol chilique.

Jeremías 25:11

Scotol li banamil li'i tsoc o ta j'ech'el; ta xac' xi'elal o. Li muc'tic lum li' ta spat xocone lajuneb xchanvinic jabil (70) ta xtunic yu'un li ajvalil ta Babiloniae.

Jeremías 25:18

Ja' bat cac'be yuch'ic li Jerusalene, li lumetic ta Judae xchi'uc li ajvaliletic, li banquilaletic yu'unique. Yu'un jech ac'o yavnaijicuc o; ac'o yich'ic labanel, na'leel, chopolc'optael jech chac c'u cha'al li' ta orae.

Jeremías 25:38

Yu'un ja' jech chloc' tal jech chac c'u cha'al jcot león ti chloc' tal ta xch'ene, jech ta syavnaijes scotol li yosilalique, yu'un liquem sc'ac'al yo'nton li Muc'ul Diose; bats'i toj tsots i'ilin li j'ulesvaneje.

Jeremías 33:10

Jech laj yal noxtoc li Muc'ul Diose: “Li banamil li'i chavalic ti chyavnaij o, ti mu'yuc cristianoetic, ti mu'yuc chonbolometic chcome. Te ta lumetic ta Judá xchi'uc ta xoraltic ta Jerusalene chavalic ti mu'yuc yajval, ti mu jcotuc chonbolometic chcome.

Jeremías 44:2

“Jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: ‘Li vo'oxuque laj avilic scotol li vocol laj cac' tal ta Jerusalén xchi'uc ta scotol lumetic ta Judae, ja' yu'un li' ta orae xch'ijan xa; mu'yuc xa boch'o te nacal.

Jeremías 44:22

Yu'un muc xa sts'ic yu'un laj ya'ay ti toj chopol c'usi chapasique, ja' yu'un li avosilalique la syavnaijes. Toj xi'bal sba ta q'uelel, chopol sc'oplal o; mu'yuc yajval icom o jech chac c'u cha'al li' ta orae.

Jeremías 9:11

“Ta jc'atajes ta jbus no'ox ton li lum Jerusalene; yavil oq'uiletic ta xc'ot. Li lumetic ta Judae ta jc'atajes ta xocol banamil, mu'yuc xa boch'o te nacal chcom”, xi li Diose.

Lamentaciones 4:12

Li ajvaliletic ta banamil xchi'uc scotol li cristianoetic nacalic ta sbejel banamile, xch'unojic ti mu xu' ch-ochentaat o yu'un yajcontra li lum Jerusalene.

Lamentaciones 5:18

Yu'un li vits Sione yav xa icom ta jyalel; puru vetetic xa te yalel muyelic.

Ezequiel 5:15

C'alal chacac'bot li tsots stojol amul ta sc'ac'al co'ntone, labal chayilicot, chasna'leicot, chaslabanicot, xchi'uc ta xi'ic avu'un scotol li yantic banamil te ta apat axocone. Vu'un chcal jtuc, vu'un li Muc'ul Diosune.

Daniel 9:18

Dios cu'un, ts'e'ano lec achiquin ta ya'yel li jc'ope. Vic'o avil asat; q'uelo avil ti c'u x'elan jvocolcutique xchi'uc c'u x'elan jinesbil li lum ti bu chavich' ich'el ta muq'ue. Mu yu'unuc ta scoj lec c'usi ta jpascutic ti li' xivocolet ta atojole; ja' no'ox ta scoj ti toj ep xc'uxul avo'ntone.

Daniel 9:2

vu'un li Danielune te la jq'uelbe lec sc'oplal li jabiletic ts'ibabil ta vun yu'un j'alc'op Jeremiase. Ja' ti i'albat yu'un Muc'ul Dios ti lajuneb xchanvinic (70) jabil jinem chcom li Jerusalene.

Habacuc 3:17

Ac'o me mu xnichin li higoe, ac'o me mu xa xac' sat li ts'usubtique, ac'o me mu xa xac' sat li olivatique, ac'o me mu xa xloc' jve'elcutic o ti c'alal ta jloc cosilcutique, ac'o me ch-ul ta scoralil li chijetique, ac'o me ch-ul ta scoralil li vacaxetique,

San Lucas 21:20

“C'alal chavilic li' xa joyibtabil ta soldadoetic li lum Jerusalene, na'ic me ti yu'un laj xa sta yorail ta chich' vuq'uesele.

Deuteronomio 28:37

Toj i'lal abaic chayiloxuc ti c'alal te oyoxuc ta slumalique. Chaslabanoxuc, chasbolc'optaoxuc li cristianoetic ta scotol lumetic bu chaspucoxuc batel li Muc'ul Diose.