Levítico 26:25 - Bible in Tzotzil de Chenalhó with Deuterocanon

²⁵ Ta jtac tal boch'otic chasmiloxuc; ja' spacol ta sventa ti mu xach'unic li c'usi chapanbil cu'une. Ac'o me chbat anac' abaic ta lumetic avu'unic, pero ta jtac tal chamel ta atojolic; xchi'uc chacac'oxuc o ta sc'ob li avajcontraique.

Bible in Tzotzil de Chamula

²⁵ Ta xc'ot ta pasel cu'un ti ta xcac'oxuc ta milel ta junuc espada, spacol sutel ti mu xc'ot ta pasel avu'unic ti jtratee. Xabitetic batel ta anil, xba anac' abaic ta ateclumalic. Ja' no'ox un, ta xcac' taluc chameletic. Ta xa'ochic ta c'abal yu'un ti avajcontraique.

Levítico 26:25 Iomraidhean Croise

2 Samuel 24:15

Li Muc'ul Diose ta yoc'omal la stac tal tsatsal chamel ta stojol li israeletique, ja' to ti c'alal its'aqui li sc'ac'alil albile. Ta scotol li yosilalic xlic ta Dan c'alal to ta Beersebae, ichamic lajuneb xchanvinic (70,000) ta mil viniquetic.

1 Reyes 8:33

“Jech noxtoc me oy tstsalatic yu'un yajcontraic li ateclumal israeletic ta scoj smulique, pero me tsutic tal yan velta ta atojole, me chlic yich'icot ta muc' yan veltae, me chlic sc'anic vocol ta atojol li' ta ch'ulna avu'une,

1 Reyes 8:37

“Jech noxtoc me ital vi'nal li' ta cosilalcutic, me tsatsal chamel, o me chlic taquijuc ta c'ac'al li c'usitic ts'unajtique, o me chlic yuchal, me chtal c'ulubetic, o me yantic chonetic, o me chtal yich'ic setuel yu'un yajcontraique, c'usiuc no'ox vocolal, c'usiuc no'ox chamelal chtal ta stojolic,

2 Reyes 17:3

Li Osease ital tsacatuc ta pleito yu'un li Salmanasar, ajvalil ta Asiriae, jech te i'och o ta c'abal; te lic stoj spatan.

2 Crónicas 24:24

Ac'o me mu'yuc ep ital li soldadoetic yu'un Siriae, pero li Muc'ul Diose laj yac' ta c'abal li epal soldadoetique, ja' ta scoj ti la scomtsanic li Muc'ul Dios yu'un stot sme'ic ta vo'onee. Jech la stabe o stojol c'usi la spas li Joase.

Salmos 94:1

Muc'ul Dios, vo'ot li jpac-ajvalilote, Dios jpac-ajvalil, ac'o aba ta ilel.

Éxodo 5:3

Li stuquique jech laj yalbeic: —Li Dios cu'uncutic, vu'uncutic li israeluncutique, talem snupuncutic ta be. Jech te chibatcutic ta xocol banamil, ja' oxib c'ac'al sbelal, yu'un te chbat jmilbecutic smoton li Muc'ul Dios cu'uncutique. Yu'un jech mu xismiluncutic ta tsatsal chamel, o me ta espada —xutic.

Isaías 1:20

Yan me mu xac'anique, me chatacchiquintaic li jmantale, chavich'ic ulesel o ta espada”, xi loq'uem ta ye stuc li Muc'ul Diose.

Isaías 65:12

mu'yuc lec c'usi chataic; ta xcac' milatanic ta espada acotolic. Laj quic'oxuc, pero muc xatac'ovic; la jc'opanoxuc, pero muc xatuc'ulanic. Ja' laj apasic li c'usi mu jechuc caloje; ja' laj ac'anic li c'usi mu lecuc chquile”, xi li Muc'ul Diose.

Jeremías 19:7

Li' ta banamil ta jlilinbe c'usitic snopojic li Judá xchi'uc Jerusalene. Ta xcac' lajicuc ta milel yu'un li yajcontraique; ta xcac' ochicuc ta sc'ob li boch'o ta xcontrainatic yu'une. Li sbec'talique ta xcac'be sti' xulemetic xchi'uc jti'val chonbolometic.

Jeremías 24:10

Xchi'uc ta jtacbe tal ta stojolic milel, vi'nal, xchi'uc chamel, ja' to me itu'p scotolic li' ta banamil ti bu cac'ojbeic xchi'uc li smoltotic ta vo'onee”, xi li Muc'ul Diose.

Jeremías 50:28

Li cristianoetic ti chjatovic loq'uel ta Babiloniae te chc'ot spuquic a'yej ta Sión c'u x'elan ch-ac'bat stojic yu'un Muc'ul Dios cu'untic li Babiloniae. Ja' spacol ch-ac'batic ti c'u x'elan la spasbeic li ch'ulna yu'une.

Jeremías 51:11

¡Meltsanic lec li aflechaique; chapanic lec li amaquic sventa pleitoe, yu'un li Muc'ul Diose tsc'an ta xules o li Babiloniae! Laj xa stijbe yo'nton noxtoc li ajvaliletic ta Media ti ac'o oyuc ta yo'nton chulesic ec li Babiloniae. Ja' spacol chac' stuc li Muc'ul Diose; ja' tspacbe sutel sc'oplal c'usi laj yich' pasbel li ch'ulna yu'une.

Jeremías 9:16

Ta jpuquic batel ta yantic banamil ti mu xotquinique, ti muc ono'ox xotquinic ec li stot sme'ique. Ta xcac' lajicuc ta milel ta espada, ja' to me mu xa junuc cuxul icomique”, xi li Diose.

Lamentaciones 2:21

C'alal ta mol me'el, ta muc' ta biq'uit, te lamalic ta xoraltic; li jqueremetic, li tojol tsebetic cu'une ilajic ta milel ta espada. Laj amil scotol ti c'alal ilic sc'ac'al avo'ntone; mu'yuc abul sba laj avil.

Ezequiel 14:17

“Jech noxtoc me ta jtac batel muc'ta pleito ta banamil le'e, me ta xcal mantal ti ac'o yich'ic milel scotol li jnaclumetique xchi'uc li chonbolometique,

Ezequiel 20:37

Ta xcac' jelovanic ta yolon jvaston; ta xcac' ac'o ach'unic li c'usi chapanbil cu'une.

Ezequiel 29:8

‘Ja' yu'un jech chal li Muc'ul Diose, ja' li Cajvaltique: Egipto, a'yo ava'ay, ta jtacbot tal milel ta espada; ta jse'p loq'uel scotol li jnaclumetic avu'une xchi'uc li chonbolometique.

Ezequiel 33:2

“Vo'ot xnich'on cristiano, jech xavalbe ya'ay scotol li ateclumale: ‘C'alal ta xcac' ta milel ta espada junuc banamile, ta st'ujic jun vinic ta stojolic; ja' chcom jech chac c'u cha'al jq'uel osil ta toyol ti tsq'uel ta nom me oy chtal jcontrainvanejetique.

Ezequiel 5:17

Ta jtac tal ta atojolic vi'nal xchi'uc jti'val chonbolometic, ja' chtal yulesboxuc li anich'nabique. Ta xcac' tal ta atojolic tsatsal chamel xchi'uc lajel, xchi'uc ta jtac tal ta atojolic pleito, jech chavich'ic milel ta espada. Vu'un chcal jtuc, vu'un li Muc'ul Diosune”, xiyutun li Diose.

Ezequiel 6:3

Jech xavalbe: ‘Vitsetic ta Israel, a'yic c'usi chal li Muc'ul Diose, ja' li Ajvalil cu'untique. Jech chalbe li muc'tic vitse, li bic'tal vitse, xchi'uc li bevo'etic ta soplejaltique: A'yo ava'ay, vu'un ta jtac tal pleito ta atojol; ta jines scotol li toyol c'opojebaletic te ta atojole.

Oseas 11:6

Ta xtal milel ta stojol li lumetic yu'unique; ta xlilij scotol li tsatsal coraltonetic yu'unique. Jech ta xchamic o ta scoj li c'usi chchapan stuquique.

Levítico 26:6

Ta xcac' ti jun no'ox avo'ntonic te oyoxuc ta alumalique; xcuxet no'ox avo'ntonic chavayic; mu'yuc boch'o chtal sibtasoxuc. Ta jloq'ues batel te ta avosilalic li jti'val bolometique, xchi'uc mu'yuc boch'o chtal stsacoxuc ta pleito.

Amós 4:10

“La jtacboxuc tal tsatsal chamel ta atojolic jech chac c'u cha'al la jpas ta stojol li Egiptoe. Laj cac' chamuc ta pleito li queremetic avu'unique, xchi'uc laj cac' batel ta pojel li ca'etic avu'unique. Laj cac' ava'ibeic stuil te ta acarpanaic li boch'otic chamen avu'unique; laj cac' ochuc batel c'alal to ta yut avo'ntonic li stuile, pero muc ono'ox xasutic o tal ta jtojol”, xi li Muc'ul Diose.

Habacuc 3:5

Ja' ba'yucbe chtal yu'un li tsatsal chamel ti chmilvane; ja' ta spat chtal li c'ac'al chamel ti ch-ulesvane.

Números 14:12

Ta jtac tal jun tsatsal chamel ta stojolic yu'un ac'o chamicuc o, yu'un jech mu me xich'ic o li osile. Pero li vo'ote ta xcac' licuc jun muc'ta lum ta aventa, lec tsots ta xbatic. Li achi'iltaque mu'yuc c'usi xu' yu'unic o —xi li Muc'ul Diose.

Números 16:49

Pero ichamic xa'ox chanlajunmil xchi'uc vucub ciento (14,700) ta scotol. Ja' slecoj o ti ichamic ono'ox c'alal la stoy sba li Coree.

Números 31:3

Li Moisese lic yalbe ya'ay scotol li xchi'iltaque: —Chapano abaic jayibuc; ich'o avabtejebic; bat milic li madianetique; bat pacbeic sutel ta sventa Muc'ul Dios li c'usi la spasboxuque.

San Lucas 21:11

Ta xjelov tsots niqueletic. Ta to xtal tsots vi'nal xchi'uc chamel ta buticuc banamilal. Ta to xtal ep xi'el, xchi'uc muc'tic sq'uelubil stsatsal Dios ta vinajel.

Deuteronomio 28:21

Li Muc'ul Diose ta stacboxuc tal c'ac'al chamel ta atojolic; ja' chayulesoxuc acotolic te ta avosilalic ti bu chavich'ique.

Deuteronomio 32:25

Li yalab xnich'nabique ta xlajic ta milel ta espada te ta xoraltic. Puru xi'el cha'yic scotol c'ac'al ta jujun snaic. Ta xchamic li querem tsebetique li mol me'eletic xchi'uc li ololetic ti ta to xchu'unique.

Deuteronomio 32:35

Vu'un oy ta jventa ta xcac'be spacol, vu'un jtuc ta xcac'be stoj, ja'o ti c'alal tsta yorail chlaj stsatsalique. Nopol xa yorail ti ch-ulique; nopol xa yorail ti chlajique’, xi li Muc'ul Diose.

Deuteronomio 32:41

C'alal ta juxbe ye li espada cu'un ti lec to sts'ayayete, c'alal chichapanvan vu'un ti tuc' chichapanvane, ta jpacbe sutel scotol li cajcontrataque; ta xcac'be stojolic li boch'otic la sbajicune. Ti c'u x'elan yabtelique, ja' jech stojol tsc'anic.

Jueces 15:11

C'alal laj ya'yique, ibat oxmil (3,000) viniquetic te ta nailch'en ta Etam yo' bu oy li Sansone, ja' li boch'otic liquemic ta Judae, jech c'ot yalbeic: —¿C'u yu'un ti laj asa'butic jvocoltique? ¿Me mu xana' ti ja' toj ech'em xaq'uic li filistaetique? —xutic. Itac'ov li Sansone: —Ja' la jpacbeic ec jech chac c'u cha'al la spasbicune —xi.