Levítico 26:19 - Bible in Tzotzil de Chenalhó with Deuterocanon

¹⁹ Ta jbic'tajesoxuc o ta j'ech'el ta scoj li atoyobbailique. Mu'yuc xa ta xyal tal vo' ta vinajel, jech mu xa xch'i c'usitic chats'unic ta banamil, yu'un ta jbacubtas jech chac c'u cha'al ton.

Bible in Tzotzil de Chamula

¹⁹ Ti ven atoyobbailique, ta xcotes ta be. Ta xc'ot ta pasel cu'un ti mu xcac' taluc vo' ta vinajele. Mu'yuc xa ta xch'i ti ts'unubiletic yu'un ti banomile.

Levítico 26:19 Iomraidhean Croise

1 Reyes 17:1

Li j'alc'op Elías liquem ta Tisbe ta yosilal Galaade, jech laj yalbe li Acabe: “Chcal ta jamal ta stojol Muc'ul Dios, ja' li Dios yu'un Israel ti chitun yu'une, mu'yuc ta xac' vo', xchi'uc mu'yuc ta xyal job osil li jabil li'i, ja' to me laj cal ti chtale”, xut.

1 Reyes 8:35

“C'alal me oy chlic q'uepuc, me mu xac' vo' ta scoj tsta smulic ta atojole, pero me chasc'anboxuc vocol li'i, me chlic yich'oxuc ta muc' yan veltae, me tsutes yo'nton ta atojol c'alal chavac'be svocolique,

Isaías 2:12

C'alal tsta sc'ac'alil yu'un li Muc'ul Dios ti ech'em svu'ele, tstsal scotol li jtoybaetique, li boch'otic stuc no'ox yac'oj sbaique, xchi'uc li boch'otic muc' yac'oj sbaique. J'ech'el tsbic'tajesatic o.

Isaías 25:11

Te xa xbechlajet sc'obic jech chac c'u cha'al li boch'o ta xnuxije, yu'un li Muc'ul Diose ta slajesbe sc'oplal li stoyobbailique; ta xalubtasbe o li sc'obique.

Isaías 26:5

Ja' chac' yalicuc ta lum li jtoybaetique; ja' tsbic'tajes li jun ta lum toj muc' yac'oj sbaique, tsyales c'alal ta banamil.

Isaías 28:1

Toj abul sba li Samariae, ja' li scorona, li stoyobbail jyacubeletic ta Efraine. Lec luchul ta jol vits ta o'lol yaxaltic, puru yacubel batem ta yo'ntonic ja' xa jech chac c'u cha'al nichim ti mats'em xa, ti mu'yuc xa c'upil sbae.

Jeremías 13:9

“Jech chcal vu'un li Muc'ul Diosune: Ja' jech ta jc'a'esbe stoyobbailic li Judá xchi'uc Jerusalene.

Jeremías 3:3

Ja' yu'un muc xtal li vo'e, jech muc xa xac' o c'alal yorail vo'olaltic. Li asate ja' co'ol xchi'uc sat jmulavil ants, jech mu'yuc q'uexlal sba chava'ay o.

Ezequiel 24:21

‘Jech xavalbe ya'yic scotol li achi'iltaque: Jech chal li Muc'ul Diose: A'yo ava'yic, ta jsoquesbe o sc'oplal li ch'ulna cu'un ti tsots sc'oplal avu'unique, ti toj lec ac'anojique, ti lec to'ox avich'ojic ta muq'ue. Li aqueremic atsebic chcom avu'unique ta xcac' ta milel ta espada scotol.

Ezequiel 30:6

Scotol li boch'otic tspojic li Egiptoe, co'ol chlajic ta milel xchi'uc. Xlic ta Migdol c'alal to ta Sevenee, ja' li lumetic ti stoyoj sba o xchi'uc li Egiptoe; co'ol chlajic ta milel xchi'uc, xi li Muc'ul Diose’, chian”, xiyutun.

Ezequiel 33:28

Li yosilalique ta jc'atajes o ta xocol banamil, xch'ijan chcom o cu'un. J'ech'el ta jpajesbe o li stoyobbailique. Li vitsetic ta Israele mu'yuc yajval ta jcomtsan o; me junuc mu'yuc xa boch'o te chjelov o.

Ezequiel 7:24

Ta xquic' tal li cristianoetic ta banamil ti bats'i chopolique; ja' chtal sventainbeic snaic li achi'iltaque. Ta jpajesbe stoyobbailic li jtoybaetique; ta jsoquesbe o sc'oplal li vitsetic ti toybil yu'unique.

Daniel 4:37

“Ja' yu'un vu'un li Nabucodonosorune, ta xcalbe slequilal, ta xquich' ta muc', ta xcac' ta ich'el ta muc' li Ajvalil ta vinajele, yu'un li yabtele puru melelic; tuc' scotol li c'usitic tspase, xchi'uc xu' yu'un ta sbic'tajes li boch'otic tstoy sbaique”, xi li ajvalile.

Sofonías 3:11

Jteclumal, me la sta sc'ac'alil le'e, mu'yuc xa chaq'uexovic yu'un li c'usitic laj to'ox apasique, xchi'uc ti laj atoy abaic ta jtojole; yu'un ta jloq'ues ta atojolic li jtoybaetique, jech mu'yuc xa boch'o tstoy sba yan velta te ta ch'ul vits cu'un.

San Lucas 4:25

Melel chacalboxuc, c'alal cuxul to'ox li j'alc'op Eliase, oy ep me'on antsetic li' ta Israel ti c'alal muc xac' vo' o'lol xchanibal jabil li' ta cosilaltique, jech itsacatic ta vi'nal li cristianoetique.

Deuteronomio 11:17

Yu'un li Muc'ul Diose ta me x'ilin ta atojolic me jech chapasique. Jech mu xac' taluc vo' ta avosilic, jech mu xch'i o li c'usitic chats'unique. Jech ta ora no'ox xu' te chachamic ta lequil banamil ti bu chayac'boxuc li Muc'ul Dios cu'untique.

Deuteronomio 28:23

Li vinajel le' ta toyole mu xa xayac'boxuc tal vo'. Li banamil li' ta olone, mu xa xayac'boxuc sat scotol li c'usi chats'unique.

1 Samuel 4:11

Xchi'uc laj yich'beic batel noxtoc li xcaxail smantal Diose, xchi'uc ichamic noxtoc li chib xnich'nab Elie, ja' li Ofni xchi'uc Fineese.

1 Samuel 4:3

C'alal isutic ta scarpanaic li israeletique, li banquilaletic yu'unique jech laj yalic: “¿C'u yu'un laj yac'utic ta milel yu'un filistaetic li Muc'ul Diose? Ja' lec bat quich'tic tal li xcaxail smantal Muc'ul Dios te ta Siloe yu'un li' ac'o oyuc ta jtojoltic, jech xu' chiscoltautic loq'uel ta sc'ob li cajcontratique”, xiic.