Levítico 26:18 - Bible in Tzotzil de Chenalhó with Deuterocanon

¹⁸ “Pero me mu xavich' avo'ntonic o c'alal jech chc'ot ta pasele, x'ech' to vucub velta ta xcac'boxuc stojol li amulique.

Bible in Tzotzil de Chamula

¹⁸ “Yan ti mi mu xavich' o avo'ntonic yu'un ti va'i s'elan taje, x'ech' to vucub velta yipal ti avocolic ta jtsitsoxuc yu'un ti amulique.

Levítico 26:18 Iomraidhean Croise

Salmos 119:164

Vucub velta ta c'ac'al chcal alequilal ta sventa ti tuc' scotol c'usitic avaloje.

Éxodo 9:14

Ta to me xcac' taluc yan vocol ta atojol, xchi'uc ta stojol li achi'iltac ta abtele, xchi'uc ta scotol li achi'iltaque, yu'un jech chana' o ti mu'yuc yan Dios ta scotol banamil jech chac c'u cha'al vu'une.

Proverbios 24:16

Ac'o me chyal ta lum vucubuc velta li boch'o tuc' yo'ntone, ta ono'ox stam sba liquel yan velta; yan li boch'o chopolique te chyalic o ta lum ta scoj svocolic.

Isaías 5:25

Ja' yu'un li Muc'ul Diose ilic sc'ac'al yo'nton ta stojol li steclumale; la stoy sc'ob ta stojolic sventa chac'be stoj smulic. Inic li vitsetique; li sbec'talique te icoman ta xoraltic jech chac c'u cha'al c'a'ep, pero li Muc'ul Diose muc ono'ox x'ech' o li sc'ac'al yo'ntone; te to stoyoj o li sc'obe.

Jeremías 14:4

Solel ijatan xa banamil ta scoj ti mu'yuc chac' o vo'e. Ep svocol cha'yic li jloc banamiletique; xpixojan xa sjolic.

Daniel 3:19

Li Nabucodonosore solel ichacpochtaj ta il ta stojol li Sadrac, Mesac, xchi'uc Abed-negoe, jech lic yal mantal ti vucub velta ven c'oc' ac'o spasic jech chac c'u cha'al tspasic ono'oxe.

Levítico 26:21

“Me ja' no'ox jech chopol c'usi chapasic o ta jtojole, me mu xac'an xach'unic o li jmantaltaque, ta xacac'boxuc to yan vucub velta stojol li amulique.

Levítico 26:24

ja' no'ox jech ec li vu'une ta jcontrainoxuc o ec. Ta xcac'boxuc to yan vucub velta stojol li amulique.

Levítico 26:28

jech ec li vu'une ta jcontrainoxuc ec; ta xlic ep sc'ac'al co'nton avu'unic, jech chacac'boxuc to yan vucub velta stojol li amulique.

1 Samuel 2:5

Li boch'otic oy to'ox ep scomelal sve'elique, ta xa xac' sbaic ta ch'amanel ta juteb pan. Yan li boch'otic chvi'najic to'oxe, mu'yuc xa vi'nal cha'yic. Li boch'o mu to'ox sna' x'alaje, i'alaj xa vucub velta. Li boch'otic oy to'ox ep yolique, mu xa x'alajic o.