Levítico 26:16 - Bible in Tzotzil de Chenalhó with Deuterocanon

¹⁶ Me jech chapasique, li vu'une ja' jech ta jpasboxuc ec jech chac li'i: Ta jtac tal muc'ta xi'el ta atojolic; ta jtac tal tsatsal chamel, xchi'uc c'ac'ubel, xchi'uc xchamel asatic, xchi'uc chamel ti c'unc'un ta slajes stsatsal abec'talique. Altic chavac' avocolic ta sts'unel li c'usitic chats'unique; mu'yuc chabalinic yu'un ja' chtal slajesic li avajcontraique.

Bible in Tzotzil de Chamula

¹⁶ ja' jechun ec unbi, xi s'elan ta jpas ta atojolic jech c'u cha'al li'e: Ta xcac'boxuc ava'iic ti sibtasele, ti jmilvanej sic c'oq'ue, ti ta xva'i ac'ac'alique, ti satilale, ti lubul pich'il ti abec'talique. Mi ja'uc oy c'usi bal o ti ta xats'unubajique, yu'un ja' ta sve' avajcontraic ti ats'unubique.

Levítico 26:16 Iomraidhean Croise

1 Reyes 8:37

“Jech noxtoc me ital vi'nal li' ta cosilalcutic, me tsatsal chamel, o me chlic taquijuc ta c'ac'al li c'usitic ts'unajtique, o me chlic yuchal, me chtal c'ulubetic, o me yantic chonetic, o me chtal yich'ic setuel yu'un yajcontraique, c'usiuc no'ox vocolal, c'usiuc no'ox chamelal chtal ta stojolic,

Job 18:11

Scotol c'ac'al oy no'ox c'usi ta sibtasat cha'ay; nutsbil no'ox cha'ay ti c'alal chanove.

Job 20:25

Li flechae ta xjelov ta jot, li sni' ti lec sts'ayayete ta xjelov ta secub. Puru xi'el ta xtal o ta stojol.

Job 31:8

yan boch'o ac'o sve'ic li c'usi jts'unoje; ac'o yich' bulel loq'uel li c'usitic jts'unoje.

Salmos 109:6

Ac'o ta chapanel ta stojol li boch'o chopol yo'ntone; ja' ac'o tic'batuc smul yu'un li jpojvanej yu'une.

Salmos 73:19

Anil no'ox xu' chchamic; ta xi'el no'ox xu' chlajic, jech ta xch'ayic o batel.

Salmos 78:33

Ja' yu'un ta anil no'ox ituch'bat yorailic yu'un li Diose; jmaq'uel no'ox ta satil itu'p o sc'oplalic.

Éxodo 15:26

Jech i'albatic: “Me chavich'ic lec ta muc' c'usi chacalboxuc vu'un li Muc'ul Diosun avu'unique, me chapasic li c'usi ta jc'ane, me chach'unic, me chavich'ic ta muc' li mantaletic cu'une, mu'yuc ta xcac' taluc jchopuc avocolic jech chac c'u cha'al laj cac' ta stojol li egiptoetique. Yu'un vu'un Muc'ul Diosun; vu'un chajcoltaoxuc ta achamelic”, x'utatic yu'un li Diose.

Proverbios 3:33

Li stojol mulil yu'un Muc'ul Diose te oy ta sna li boch'otic chopolique; yan li boch'otic tuc' yo'ntonique ta xac'be lec bendición ta sna.

Isaías 10:4

Mu'yuc xa c'usi xu' avu'unic; ja' no'ox te xamutste-mutsteic xchi'uc li yan jchuqueletique. Te chachi'inic ta lajel li boch'otic chamenic xae. Pero mu ono'ox xlaj o sc'ac'al yo'nton li Diose; te staoj yav sye'oj o sc'ob.

Isaías 62:8

Li Muc'ul Diose la stoy muyel li sbats'ic'ob ti tsots svu'ele, jech laj yal ta jamal: “Mu'yuc xa ta xcac' sve' avajcontraic li atrigoique; mu'yuc xa ta xcac' yuch'ic yanlumetic li ya'lel ats'usubic ti vo'oxuc avabtelique.

Isaías 7:2

Li a'yej le'e bat yalbeic li ajvalil Acaz xchi'uc yalab xnich'nabe, ja' li smomnich'nab David ta vo'onee: “Li Siriaetique jmoj chtalic xchi'uc li efrainetique”, xutic. C'alal laj ya'yique, iniquic ta xi'el scotolic jech chac c'u cha'al chnic muc'tic te' ta tsatsal ic'.

Jeremías 12:13

Laj to sts'un strigoic, pero puru ch'ix la staic; altic i'ech' o scotol li yabtelique. Toj q'uexlal sba cha'yic ti mu'yuc c'usi lec iloc' yu'unic ta scoj ti tsots ilinemun ta stojolique”, xi li Muc'ul Diose.

Jeremías 15:3

“Vu'un li Muc'ul Diosune, ta jtacbeic tal chanchop vocoletic: ta xlajic ta milel ta espada, ta xlajic ta ti'el ta ts'i'etic, ta xlajic ta ti'el ta xulemetic, xchi'uc ta xlajic ta ti'el ta jti'val chonbolometic.

Jeremías 15:8

Ta xcac' epajuc me'on antsetic avu'un jech chac c'u cha'al yi' ta ti'nab. Ta o'lol c'ac'al ta jtacbe tal jmilvanej ta stojolic li me'iletique xchi'uc li yalabique. Ta anil no'ox ta jtac tal tsots at-o'nton xchi'uc xi'el te ta lum.

Jeremías 20:4

Yu'un jech yaloj li Muc'ul Diose: ‘Ta xcac' ti te chlic asibtas aba atuque xchi'uc ta xi'ic avu'un scotol li boch'o lec xac'opan aba achi'uque. Le'e te ta asat ta xlajic ta milel yu'un li avajcontraique. Jech noxtoc, scotol li jnaclumetic ta Judae ta xcac' ta sc'ob li ajvalil ta Babiloniae, jech chucbil chbatic ta Babilonia banamil, o me chich'ic milel comel.

Jeremías 5:17

Ja' chtal sve'ic li c'usitic chloc' avu'unique; ja' chtal slajesic li ave'elique. Ta sti'ic noxtoc li aquerem atsebique, xchi'uc ta sti'ic scotol li achijic avacaxique. Ta slajesic scotol li ts'usubtic xchi'uc li higotic avu'unique. Ta yabtejebic ta sjinesic scotol li alumalic ti lec setbilic ta tsatsal coralton, ti ja' apatoj avo'ntonic yu'une”, xi.

Ezequiel 24:23

Li xpix ajolique te alapojic o; li axonobique te alapojic o. Mu'yuc bu chavat avo'ntonic, mu'yuc bu cha'oq'uic; te no'ox chalajic o ta scoj li achopolilique. Ta jujuntal te cha'oc' atuquic.

Ezequiel 33:10

“Ja' yu'un, li vo'ote xnich'on cristiano, jech xavalbe ya'yic li smomnich'nab Israele: ‘Li vo'oxuque jech chavalic: Li vu'utique li' jcuchojtic o li jmultic xchi'uc li jtoyobbailtique, ja' ta scoj ti chijcham xa jchi'uctique. ¿Pero c'u x'elan xu' chijcuxiutic?, xachiic.

Amós 5:11

Ta sventa ti apech'ojic ta teq'uel li me'onetique xchi'uc ti chac'anic voc'bel li c'usi chloc' yu'unique, jech mu'yuc chanainic li anaic ti pasbil ta ton avu'unique, xchi'uc mu'yuc chavuch'beic ya'lel li ts'usubtic ats'unojique.

Miqueas 6:15

Li c'usi chats'une mu'yuc chatsob. Ac'o me chaloq'uesbe yaceiteal li sat oliva avu'une, pero mu'yuc chatunes; ac'o me chapits'be ya'lel li ats'usube, pero mu'yuc chavuch' ya'lel ts'usub.

Hageo 1:6

Ep chats'unubajic, pero mu'yuc ep c'usi chloc' avu'unic. Ac'o me ep chave'ic, pero mu xnoj ach'utic. Ac'o me chavuch'ic ep vo', pero mu xpaj taqui-o'nal chava'yic. Ac'o me lec alapoj ac'u'ic, pero mu'yuc q'uixin chava'yic. Li boch'o ta xchabutaje ta c'a'nuti' ta stic' li xchabutale.

Zacarías 14:12

Scotol li lumetic ti la scontrainic li Jerusalene ta x'ac'bat stojic yu'un li Muc'ul Diose. Li stojol chich'ique ja' jech chac li'i: Ta sc'a'esbe sbec'talic ti c'alal xva'lajetic toe; te chlic c'a'anuc ta yut li sbec' satique, xchi'uc te chlic uluc ta yut yeic li yoq'uique.

Malaquías 2:3

“A'yo ava'yic, ta xcac'boxuc atojic xchi'uc li amomnich'nabique. Ta jipboxuc ta asatic li stso' xchi'uc li scomelal jmoton chavac'bicun ta q'uine; co'ol chajipoxuc loq'uel achi'uquic.

Deuteronomio 28:51

Ta xvul sti'ic scotol yalabtac li ats'unub avovolique xchi'uc scotol li c'usitic chloc' ta avosilique, ja' to me yav xa chcom yu'unique. Mu'yuc c'usi chascomtsanboxuc me jutuc, me trigo, me ya'lel ts'usub, me aceite, me yol sme' avacaxic, o me achijic. Scotol ta slajesic. Jech chachamic ta vi'nal acotolic.

Deuteronomio 32:25

Li yalab xnich'nabique ta xlajic ta milel ta espada te ta xoraltic. Puru xi'el cha'yic scotol c'ac'al ta jujun snaic. Ta xchamic li querem tsebetique li mol me'eletic xchi'uc li ololetic ti ta to xchu'unique.

Hebreos 10:31

¡Toj xi'bal me sba me lij'och xa'ox ta sc'ob li cuxul Diose!

Jueces 6:11

Li j'almantal yu'un Muc'ul Diose te ital chotluc ta yolon jpets tulan te ta Ofra ta yosil Joás, ja' li jchop sbiic abiezeretique. Li Gedeón, xnich'on Joase, ja'o te ta xic'a strigo ta nac'alaltic ta yav spits'ubil ya'lel ts'usub, yu'un jech mu x'ilat yu'un li madianetique.

1 Samuel 2:33

Pero ta to jcomtsan jun aquerem te ta scajleb jmoton, pero ja' no'ox chayac'bot avat avo'nton xchi'uc avocol. Scotol li boch'otic chvoc'an avu'unique ta yololalic no'ox chchamic.