Levítico 26:14 - Bible in Tzotzil de Chenalhó with Deuterocanon

^14-15 “Pero me mu xachiquintaic, me mu xapasic scotol li mantaletic li chanubtaseletic cu'un li'i, me chabajic, me mu'yuc tsots sc'oplal chava'yique, laj xa asoquesic o li c'usi chapanbil cu'une.

Bible in Tzotzil de Chamula

¹⁴ “Yan ti mi mu xach'unique, mi mu xachanic ta spasel scotol ti jmantaltac caloje,

Levítico 26:14 Iomraidhean Croise

2 Reyes 22:13

—Bat jac'beic Muc'ul Dios c'u x'elan yo'nton cu'un xchi'uc li jchi'iltactic li'i, xchi'uc ta scotol li Judae, yu'un li c'usi chal vun li' laj yich' taele oy yic'al tsots ilinem ta jtojoltic li Muc'ul Diose. Yu'un li jtotic jme'tic ta vo'onee muc xich'ic ta muc' c'usi chal li vun li'i; muc ja'uc la spasic li c'usitic li' ts'ibabile —xut.

2 Crónicas 34:24

Jech chcal vu'un li Muc'ul Diosune: ta xcac'be tsots svocol li banamil li'i xchi'uc li boch'otic te nacajtique. Ja' ta xcac'be scotol li stojol mulil ts'ibabil ta vun ti laj yich' aptael ta stojol li ajvalil ta Judae.

2 Crónicas 7:19

Pero me vo'oxuc chlic acomtsanicune, me mu xach'unbicun li jmantaltac calojboxuque, me ja' chlic tunanic yu'un li yantic diosetique, me ja' chlic ac'anbeic vocol ta stojole,

Salmos 81:12

Ja' yu'un la jcomtsanic ta sventa ti toj tsots yo'ntonique, yu'un ja' la spas c'usi lec cha'ay stuquic.

Proverbios 3:33

Li stojol mulil yu'un Muc'ul Diose te oy ta sna li boch'otic chopolique; yan li boch'otic tuc' yo'ntonique ta xac'be lec bendición ta sna.

Jeremías 11:8

Pero muc xch'unic, muc xich'ic ta muc'; solel ta jujuntal ja' bat spasic li c'usi chopol la snop ta yo'nton stuquique. Muc ja'uc la xch'unic c'usi chal li mantal laj calbeique. Ja' yu'un laj cac' taluc ta stojolic li vocol jech chac c'u cha'al chal li c'usi chapanbil cu'un ti muc xch'unique’, uto”, xiyutun li Muc'ul Diose.

Jeremías 17:27

Pero me mu xach'unic ti tsc'an chavoc'bicun o li sc'ac'alil chacux avo'ntonique, ti tsc'an mu xacuchic ochel avicatsic ta sti' li coraltonetic ta Jerusalene, ta jtsanbe sc'ac'al li ti'coraltonetique xchi'uc scotol li naetic ta Jerusalene, me jutuc mu xtu'p o’, uto”, xi li Muc'ul Diose.

Jeremías 26:4

Jech xavalbe ya'yic; jech chcal vu'un li Muc'ul Diosune: ‘Me jech mu xavich'icun o ta muc', me mu xach'unic li mantaletic cu'un laj cac'boxuque,

Jeremías 28:8

Li yantic j'alc'opetic ti ba'yuc jelovenic cu'untique, laj ono'ox yalic ti chtal muc'ta c'op, tsots vocol, xchi'uc tsots chamel ta stojol li muc'tic lumetique xchi'uc ta stojol li muc'tic ajvaliletic ti tsots xu' yu'unique.

Jeremías 32:23

Jech laj yich'ic, la sc'upinic ya'yic, pero muc xayich'icot ta muc'; muc xch'unic li mantaletic avu'une; muc ja'uc la spasic li c'usi laj avalbee. Ja' yu'un laj atacbe tal li vocol li' chich'ique.

Jeremías 40:2

Li banquilal jchabivanej Nabuzaradane laj yic' li Jeremiase, jech laj yalbe: “Li Muc'ul Dios avu'une laj ono'ox yal ti chtal vocol li' ta banamile.

Lamentaciones 1:18

Li Muc'ul Diose tuc' c'usi tspas. Yan li vu'une la jtoy jba ta sventa li mantaletic yu'une. Lumetic, a'yo ava'yic ta acotolic, q'uelavilic c'u x'elan li jvocole. Li querem tsebetic cu'une chucbil ibatic ta yan banamil.

Lamentaciones 2:17

Yu'un li Muc'ul Diose la spas ono'ox li c'usi chapanbil yu'une. Laj xa yac' c'otuc ta pasel li c'usi yaloj ono'ox tal ta poco' vo'onee. Laj yulesot o, mu'yuc abul aba laj yilot. Laj xa yac' tse'inuc ta atojol li avajcontrae; laj yac'be yich'ic lec stsatsal yo'ntonic li boch'o xti'et yo'ntonic ta atojole.

Daniel 9:13

Jech chac c'u cha'al ts'ibabil comel yu'un li Moisese, ja' jech ital ta jtojolcutic li vocole. Pero mu'yuc ta co'nton ta jsa'otcutic, Muc'ul Dios cu'un. Mu'yuc ta co'nton ta jcomtsan li jmulcutique; mu ja'uc ta jt'uncutic batel li c'usi melel avaloje.

Oseas 7:12

C'alal ta xbate, ta jlich'anbe jch'ojon ta sbeic; ta x'ochic ta yoquil jech chac c'u cha'al mutetic. C'alal chvinaj ti ep xviletic tale, ta xcac' bajicuc yalel, jech te ta jtsaquic o.

Levítico 26:18

“Pero me mu xavich' avo'ntonic o c'alal jech chc'ot ta pasele, x'ech' to vucub velta ta xcac'boxuc stojol li amulique.

Malaquías 2:2

Me mu xach'unique, me mu'yuc tsots sc'oplal chava'yic ti tsc'an ich'bil o ta muc' li jbie, j'ech'el chopol chacomic o. Li alequilal ataojique ta jc'atajes ta chopol ta scoj ti mu xanopic leque.

Hechos 3:23

Scotol li boch'o mu xich' ta muc' c'usi chal li j'alc'ope ac'o yich' bulel loq'uel ta atojolic’, xi li Moisese.

Hebreos 12:25

Ja' yu'un q'uelo me abaic, mu me xabajic li c'opanel yu'un Diose. Yu'un li boch'otic la sbajic c'usi i'albatic yu'un li banquilal yu'unic li' ta banamile, muc xcolic. ¡Buuc xa me ta jbajtic comel li Dios ti chisc'opanutic tal c'alal ta vinajele, j'ech'el mu xijcol o!

Josué 23:15

Jech chac c'u cha'al la spas scotol ta atojolic c'usi lec yalojboxuc li Muc'ul Dios cu'untique, ja' no'ox jech ta spas ta atojolic noxtoc c'usi chopol yaloj me mu xach'unbeic c'usi xchapanoj ti yalojboxuc ac'o ach'unique, xchi'uc me chbat avich'ic ta muc' yan diosetique, me chbat aquejan abaic ta stojole. Jech li Muc'ul Diose chlic ilinuc ta atojolic, jech ta anil no'ox xu' chayulesoxuc o te ta alequil banamilic yo' bu laj yac'boxuque”, xut xchi'iltac li Josuee.

Jueces 2:15

Buyuc no'ox iloq'uic batel ta paspleito, li Muc'ul Diose scontrainoj o, jech puru chopol c'usi ic'ot ta pasel ta stojolic jech chac c'u cha'al yaloj ono'ox ta jamal li Diose, jech la sta ep svocolic.

1 Samuel 12:15

Pero me mu xach'unic, me mu xavich'beic ta muc' c'usi chayalboxuque, ta me xayac'boxuc atoj amulic li vo'oxuque xchi'uc li ajvalil avu'unique.