Levítico 26:13 - Bible in Tzotzil de Chenalhó with Deuterocanon

¹³ Vu'un Muc'ul Diosun avu'unic ti la jloq'uesoxuc tal ta Egiptoe yu'un mu jc'an ti te tiq'uiloxuc o ta mozoil yu'unique. Jech vu'un la jtuch' ya'yel li slasual yabtejeb vacax ti acuchojic ti toj ole. Laj cac' ti jun xa avo'nton tuc' xateltun chaxanovique.

Bible in Tzotzil de Chamula

¹³ Yu'un vu'un ti Ajvalil Diosun avu'unique, laj jloq'uesoxuc talel ta Egipto yo' jech mu teyuc no'ox mosovinbiloxuc yu'unic. Yu'un vu'un laj jlilin ti chuculoxuc yu'un ti avocolique. Yu'un vu'un laj jpas ti cajal toyol aba asatic ta xaxanavique.

Levítico 26:13 Iomraidhean Croise

Salmos 116:16

Muc'ul Dios, vu'un li avajtunelune, vu'un li yolun avajtunele, vo'ot laj atuch'bun li cadena bu to'ox chuculune.

Éxodo 14:8

Li Muc'ul Diose la stsatsubtasbe yo'nton li faraone, jech bat snuts ta anil li israeletic ti c'alal iloq'uesatic batel ta svu'el stsatsal Muc'ul Diose.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Isaías 51:23

Ja' xa ta xcac'be yuch'ic li boch'o laj yac'bicot avocole, ja' li boch'o jech laj yalbicote: ‘Mochlan ta banamil, te chijelovcutic ta sba avac'ol’, ti xayuticote. Ja' yu'un li vo'ote laj amochan abec'tal ta banamil sventa chastec'oxuc; ja' sbeic ic'ot ya'yel li abec'tale yu'un te ijelovic ta sba avac'ol”, xi li Muc'ul Diose.

Isaías 9:3

Muc'ul Dios, laj avac' muc'ta patub o'ntonal, laj avac' ep xcuxetel o'ntonal; toj xcuxet no'ox yo'ntonic ta atojol, jech chac c'u cha'al toj xcuxet yo'ntonic ta yorail tuch' trigoaltic, jech chac c'u cha'al toj xcuxet yo'ntonic c'alal tsvoc'be sbaic li c'usitic la spojbeic yajcontraique.

Jeremías 2:20

“Ep xa c'ac'al laj atuch' loq'uel avaq'uil; laj apas aba ta mantal atuc, jech laj aval: ‘Mu jc'an xitun avu'un’, xachi. Jech te labat ta scotol toyol vitsetic, ta yolon muc'tic te'etic; xco'laj xchi'uc jmulavil ants lac'ot ta sventa li c'usi laj apase.

Jeremías 28:2

—Li Muc'ul Dios ti tspas ta mantal scotol te ta vinajele, ja' li Dios yu'un Israele, jech laj yal: ‘Ta jc'asbe li yabtejeb vacax yu'un ajvalil ta Babiloniae.

Jeremías 28:4

Jech noxtoc ta xcac' suticuc tal li' ta banamil li Sedequías ajvalil ta Judá xnich'on Joaquime xchi'uc yantic achi'iltaquic ti co'ol chucbil ibatic ta Babiloniae, yu'un vu'un ta jc'asbe li yabtejeb vacax yu'un ajvalil Nabucodonosore’, xi li Muc'ul Diose —xi.

Ezequiel 30:18

C'alal ta jlajesbe o stsatsal li Egiptoe, c'alal ta xculesbe o ta j'ech'el li svu'el ti stoyoj sba xchi'uque, ta xlic macuc sat c'ac'al te ta Tafnes; ta xmac ta toc li Egiptoe. Li jnaclumetic te ta bic'tal lumetic yu'une chucbil chbatic.

Ezequiel 34:27

Lec chac' sat li te'etic ta yosilalique, lec chac' li c'usi tsts'unic ta banamile; jun yo'nton te chnaquiic o ta yosilal stuquic. C'alal ta jtuch'beic loq'uel li yabtejeb vacax chucbil ta snuq'uique, jech tsna'ic o ti vu'un Muc'ul Diosune, yu'un chcolic o loq'uel ta sc'ob li boch'otic mozoinbilic to'ox yu'une.

Oseas 11:4

Ta slequil co'nton laj quic' tal; ta yutsil co'nton la jnit tal ta jtojol. La jpatan tal ta sti' co'nton; la jcujan jba ta stojolic sventa laj cac'be sve'elic.

Levítico 25:38

Yu'un vu'un Muc'ul Diosun avu'unic ti la jloq'uesoxuc tal ta Egiptoe yu'un jech vo'oxuc chacac'boxuc li Canaán banamile, xchi'uc jech vu'un Diosun avu'unic chic'ot o.

Levítico 25:42

Yu'un ja' jnich'nabtac ti la jloq'ues tal ta Egiptoe, jech mu smeloluc ti chonbilic o jech chac c'u cha'al mozoetique.

Levítico 25:55

Yu'un li achi'iltac ta israelale ja' cajtuneltac la jloq'uesic tal ta Egipto. Vu'un li Muc'ul Diosun avu'unique.

Nahúm 1:13

Li yabtejeb vacax xchucoj ta anuq'ue ta jlilin loq'uel; ta jtuch'be li cadenaetic xchucojot oe”, xut.