Levítico 26:11 - Bible in Tzotzil de Chenalhó with Deuterocanon

¹¹ “Te chajchi'inoxuc o ta naclej; mu'yuc chajbajoxuc.

Bible in Tzotzil de Chamula

¹¹ “Yu'un ta xajchi'inoxuc ta naclej, mi ja'uc xajtenoxuc.

Levítico 26:11 Iomraidhean Croise

2 Samuel 7:7

Ti jayib c'ac'al la jchi'inic tal ta xanubale, mu'yuc boch'o laj calbe ti ac'o spasbicun jun ch'ulna ta ch'ut te'e. Mu'yuc laj calbe me junuc li banquilal yu'un jaychop israeletic ti cac'ojbe yabtel tsventainic achi'iltaquique’, xi.

1 Reyes 6:13

Jech te oyun o ta stojol li achi'iltaque; mu'yuc ta jcomtsan o li jun lum Israele, ja' li jnich'nabtaque”, x'utat li Salomone.

1 Reyes 8:13

Li vu'une la jpas jun ch'ulna ti bu xu' chanaquie; ja' ana cu'un sventa te chanaqui o”, xut.

1 Reyes 8:27

“Pero ¿me ta melel ti xu' chtal naclan li' ta banamil vo'ot li Diosote? Yu'un me mu xa'och o ta vinajel ti toj muq'ue, ¿c'u x'elan xu' xa'och o ta avunin ch'ulna ti la jpasbote?

Salmos 106:40

Ja' yu'un li Muc'ul Diose tsots i'ilin ta stojol li steclumale; j'ech'el la sbaj o.

Salmos 76:2

Li ch'ulna yu'un ti pasbil ta nucule te oy ta Salem; ti bu nacale te ta Sión.

Salmos 78:59

Li Diose i'ilin ti c'alal laj yile, ja' yu'un j'ech'el la scomtsan o li israeletique.

Éxodo 25:8

Pasbicun junuc jch'ulna sventa te chajchi'inoxuc.

Éxodo 29:45

Te chajchi'inoxuc, vo'oxuc li israeloxuque. Vu'un Diosun avu'unic o chic'ot.

Éxodo 29:46

Jech chana'ic o ti vu'un no'ox jtuc Muc'ul Diosun avu'unic la jloq'uesoxuc tal ta Egipto banamil sventa chajchi'inoxuc ta naclej, vu'un li Muc'ul Diosun avu'unique.

Jeremías 14:21

Ti c'u cha'al ac'o ich'biluc o ta muc' li abie, mu me xabajuncutic; mu me xasoquesbe o sc'oplal li Jerusalén ti bu oy achotleb sventa chapas mantale, ti jun no'ox yutsile. Na'o me li c'usi achapanoj ta jtojolcutique; mu me xasoques.

Lamentaciones 2:7

La sjip o ta yo'nton li scajleb smotone; la sbaj comel li ch'ulna yu'une. Laj yac'be ta sc'ob jcontrainvanejetic li coralton yu'un lume. Xvochetic no'ox te ta ch'ulna jech chac c'u cha'al ta yorail q'uin.

Joel 2:27

Jech chlic ana'ic ti te oyun ta atojolic, vo'oxuc li israeloxuque, xchi'uc chlic avotquinic ti vu'un Muc'ul Diosun avu'unique, ti mu'yuc yane. Jech mu'yuc xa chayalic o ta q'uexlal yan velta, vo'oxuc li jteclumaloxuque.

Levítico 20:23

Mu me xachanic c'usi tspasic li yantic lumetic ta jnuts loq'uel ta atojolique, yu'un li stuquique ja' jech tspasic jech chac c'u cha'al laj calboxuque, ja' yu'un mu sts'ic cu'un ti jech tspasique.

Levítico 26:43

ja' ti bu xocol icom avu'unique, jech te to chcux li avosilic c'alal mu'yuc te nacaloxuque. Ja' jech chatoj amulic ta scoj ti mu'yuc tsots sc'oplal laj ava'yic li c'usitic calojboxuque, xchi'uc ti laj abajic li mantaletic cu'une.

Levítico 26:44

“Ac'o me jech chc'ot ta pasel, ac'o me te oyoxuc ta yosilal li avajcontraique, muc j'ech'eluc ta jipoxuc o ta co'nton, xchi'uc muc j'ech'eluc ta jbajoxuc o, mu'yuc ta xculesoxuc o ta jyalel, yu'un mu xcac' ch'ayuc c'usi la jchapan jchi'uc li amoltotic ta vo'one, vu'un li Muc'ul Diosun avu'unique.

Zacarías 11:8

Ta jun no'ox u la jtac loq'uel oxib jchabichijetic; lic ech'uc co'nton yu'unic, yu'un chopol lic yilicun.

Efesios 2:22

Te xa capal chavich'ic latsel muyel ec li vo'oxuque, yu'un jech te chnaqui stuc Dios ta sventa li Ch'ul Espiritue.

Deuteronomio 32:19

C'alal laj yil li Muc'ul Diose, i'ilin. Jech lic yilinta li squeremetic stsebetique.

Josué 22:19

Me yu'un mu'yuc ventainbil yu'un Dios chava'yic li avosilic laj ataique, la'ic me li' ta banamil yu'un Dios yo' bu oy li ch'ulna yu'une. Ich'ic avosilic li' yo' bu oy cosilcutique. Pero chatoy abaic ta stojol Muc'ul Dios xchi'uc ta jtojolcutic ec ta sventa ti chapasbeic yan scajleb smotone. Yu'un oy xa ono'ox scajleb smoton li Muc'ul Dios cu'untique.

Josué 22:31

Li Finees, xnich'on pale Eleazare, jech laj yalbe li yalab xnich'nab Rubén, Gad, xchi'uc Manasese: —Li' ta orae ta jna'cutic ti ta melel li' oy Muc'ul Dios ta jtojoltique yu'un mu'yuc ta avo'nton ti chatoy abaic ta stojole. Jech mu xijyac'butic jtoj jmultic ta acojic li Muc'ul Diose —xut.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.

Apocalipsis 7:15

“Ja' yu'un li' xa oyic o ta stojol li Dios li' chotol ta chotlebale. Ta c'ac'al ta ac'ubal li' chtunic yu'un Dios ta xch'ulna. Li Dios li' chotol ta xchotlebe smacoj batel ta xyaxinal scotolic.