Levítico 26:1 - Bible in Tzotzil de Chenalhó with Deuterocanon

¹ “Mu me xapas adiosic; mu me c'usi xava'anic sventa chavich'ic ta muc'. Mu me xava'anic tonetic, ajanbil tonetic te ta avosilalic yu'un chaquejan abaic ta stojol, yu'un vu'un no'ox jtuc Muc'ul Diosun avu'unic.

Bible in Tzotzil de Chamula

¹ “Mu'yuc c'usi xameltsanic avajdiosic. Mi ja'uc xaloc'taic loc'obbailetic. Mi ja'uc xava'anic ta alumalic ti ta xabis ta ch'ul tonetique, xchi'uc mi oy c'usi ta xaloc'taic ta tonetique. Mu stac' xaquejan abaic ta yich'el ta muc'. Yu'un vu'un ti Ajvalil Diosun avu'unique.

Levítico 26:1 Iomraidhean Croise

2 Reyes 17:10

Lic sva'anic tonetic sventa chich'ic ta muc', xchi'uc sloc'obaltac Asera ta scotol stselejtic xchi'uc ta yolon te'etic.

2 Reyes 17:16

Ja' la scomtsanic o xch'unel li mantaletic yu'un Muc'ul Dios yu'unique. Lic spasic sloc'obal cha'cot ch'ium tot vacaxetic ta unijesbil bronce taq'uin, xchi'uc sloc'obaltac Asera, xchi'uc lic yich'ic ta muc' scotol li c'usitic oy ta vinajele, xchi'uc laj yich'ic ta muc' li Baale.

2 Reyes 17:8

Xchi'uc ja' la xchanbeic stalelic li yanlum cristianoetic ti inutsbatic loq'uel ta stojolic yu'un Muc'ul Diose, xchi'uc ja' la sts'aclinic batel c'usi la spasic li ajvaliletic yu'unique.

Salmos 78:58

Laj yaq'uic ilinuc Dios ta scoj li c'opojebaletic yu'unic ta vitsetique; laj yaq'uic it'ixajuc yo'nton ta scoj ti laj yich'ic ta muc' sloc'obal yan diosetique.

Salmos 97:7

Chyalic ta q'uexlal li boch'otic tscuyic ta Dios li c'usitic loc'tabil no'oxe, ti stoyoj sba xchi'uquic li c'usi cuybil ta diosetique. Scotol li diosetic yu'unique tsquejan sbaic ta stojol li Muc'ul Diose.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 20:23

Mu me xapas adiosic ta c'anal taq'uin, o me ta saquil taq'uin yu'un chavich'ic ta muc' jech chac c'u cha'al vu'un.

Éxodo 23:24

Mu me xachanic c'usitic chopol tspasic li yantic lum le'e. Mu me xavich'beic ta muc' li diosetic yu'unique; mu me xaquejan abaic ta stojol. Lilinic scotol li tonetic scuyoj ta sdiosique.

Éxodo 34:17

“Me jutuc mu me xapasic sloc'obal diosetic ta unijesbil taq'uin.

Isaías 2:20

C'alal chc'ot ta pasel jeche, ta sloq'uesic scotol li sdiosic pasbil ta saquil taq'uin, ta c'anal taq'uin ti spasoj stuquic sventa chich'ic ta muq'ue; tsjipic batel yo' bu oy ch'oetic xchi'uc sots'etic.

Levítico 19:4

“Mu me xbat avich'ic ta muc' yan velta li yantic diosetique. Mu me xapas sloc'obal adiosic ta unijesbil taq'uin. Vu'un li Muc'ul Diosun avu'unique.

Levítico 25:55

Yu'un li achi'iltac ta israelale ja' cajtuneltac la jloq'uesic tal ta Egipto. Vu'un li Muc'ul Diosun avu'unique.

Levítico 7:33

Li sbec'tal sbats'i-o'e ja' yu'un chcom li pale boch'o chac' ta jtojol li xepual xchi'uc xch'ich'ale. Ja' jmoton sventa lec chaquiloxuque.

Números 33:52

nutsic loq'uel scotol li boch'otic te nacajtic ta banamile, xchi'uc jinesbeic scotol li c'usitic sloc'taojic ti pasbilic ta ton xchi'uc ta unijesbil taq'uine. Lajesbeic sc'oplal scotol li yav bu chich'ic ta muc' sdiosic ta toyol vitsetique.

Hechos 17:29

Ta melel xnich'nabutic li Diose, jech mu xu' ta jnoptic ti ja' Jch'ultotic li c'usitic pasbil ta c'anal taq'uin, ta saquil taq'uin, xchi'uc li c'usitic pasbil ta tone. Yu'un le'e yabtel no'ox cristiano; la snop no'ox stuquic ti jech la spasique.

Deuteronomio 27:15

‘Ac'o ac'batuc stoj li boch'o ta spasbe sloc'obal c'usitic chich' ta muq'ue, o me oy c'usi yan tsloc'taic ti pasbil ta unijesbil taq'uin yu'un jtentaq'uine, xchi'uc ti chaq'uic ta nac'alaltique. Li boch'o jech tspase toj chopol chil li Muc'ul Diose’, ac'o xiicuc. ‘Jechuc’, ac'o xiicuc scotol li jchi'iltactique.

Deuteronomio 5:6

‘Vu'un Muc'ul Diosun avu'unic ti la jloq'uesoxuc tal ta Egipto banamil c'alal te to'ox tiq'uiloxuc ta mozoile.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.

Jueces 18:30

Li yalab xnich'nab Dane lic yich'ic ta muc' li sloc'obal sdiosic ti lec bisbil smuc'ule. Ja' la stiq'uic ta paleal li Jonatán, xnich'on Gersone; ja' li smomnich'on Moisese. Ja' i'ochilanic o ta paleal xchi'uc smomnich'nabtac c'alal to chucbil ibatic ta yan banamil.