Levítico 24:9 - Bible in Tzotzil de Chenalhó with Deuterocanon

⁹ Li pane ja' yu'unic o li Aarón xchi'uc xnich'nabe. Te no'ox ac'o sve'ic ta ch'ul banamil, yu'un li matanaletic chich' chiq'uel ta jventae ja' bats'i lequil ch'ul matanal c'otem”, xi li Muc'ul Diose.

Bible in Tzotzil de Chamula

⁹ Taje, ja' me ti ta xc'ot ta spuculal ti Aarone xchi'uc ti snitilultaque, ti tsots sc'oplal ta sve'ic ti bu tuc'ulanbil leque. Yu'un ti matanaletic ti ta xich' chiq'uel sventa yich'el ta muc' ti Diose, ja' ti ech'em jelavem ts'uiltasbil ta j'ech'ele.”

Levítico 24:9 Iomraidhean Croise

Éxodo 27:21

Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Levítico 10:12

Li Moisese jech laj yalbe li Aarón xchi'uc xnich'nab ti cuxul to icomique, ja' li Eleazar xchi'uc Itamare: —Ich'ic li scomelal smoton Dios chcom ta chiq'uele, ja' li c'usitic jech chac c'u cha'al trigoe. Ve'anic, pero mu me xavac'beic svolesubil xch'ut, xchi'uc te no'ox xave'ic ta sts'el scajleb smoton Dios yu'un ja' bats'i lequil ch'ul matanal.

Levítico 10:17

—¿C'u yu'un muc xati'ic te ta ch'ul banamil li matanal sventa xch'ayubil mulile? yu'un ja' bats'i lequil ch'ul matanal yac'ojboxuc Dios sventa chach'aybeic o smul li jchi'iltactic ta israelale, yu'un jech ch'aybil smul chc'otic ta stojol li Muc'ul Diose.

Levítico 21:22

Xu' tsve' li pan ac'bil ta jtojole, xchi'uc li yantic ch'ul matanaletique, xchi'uc li bats'i lequil ch'ul matanaletique.

Levítico 24:10

Oy jun vinic te ta stojol li israeletique, ja' Egipto vinic li stote. Yan li sme'e ja' israel ants; Selomit sbi li antse. Ja' stseb jun vinic Dibri liquem ta jchop yu'un Dan. Li yol israel antse laj yut sbaic xchi'uc jun israel vinic te ta scarpanaic. Li yol israel antse la xchopolc'optabe sbi li Muc'ul Diose. Jech te laj yiq'uic batel ta stojol li Moisese.

Levítico 3:17

“Li'i ja' jech jmantal chcom o ta atojolic c'alal ta avalab anich'nabic ti buyuc no'ox nacaloxuque: mu xu' chati'ic li xepuale xchi'uc xch'ich'al ats'unub avovolique, uto li achi'iltaque”, x'utat yu'un Dios li Moisese.

Levítico 6:11

Ts'acal ac'o sloc' li sc'u'e; ac'o slap yan sc'u'. Li stanil jmotone ac'o yich' loq'uel ta spat to yo' bu apasoj acarpanaique. Te ac'o bat yac' yo' bu meltsanbil lec yave.

Levítico 6:16

Li scomelale ja' xa ac'o sve'ic li Aarón xchi'uc xnich'nabe, pero mu me xavac'beic svolesubil xch'ut. Te ac'o sve'ic ti bu ts'u'iltasbil cu'un li banamil te ta yamaq'uil ch'ulna pasbil ta nucule.

Levítico 6:9

“Albo ya'ay Aarón xchi'uc xnich'nab c'usi tsc'an tspasic ta sventa li chic'bil matanaletique: Li jmoton chachiq'uique tsc'an te oy o sbejel ac'ubal ta ba si' ta scajleb li jmotone yu'un jech ac'o c'ac'uc.

Levítico 8:3

Tsobo tal te ta ti'ch'ulna pasbil ta nucul scotol li achi'iltaque”, x'utat li Moisese.

Levítico 8:31

Ts'acal jech laj yalbe li Aarón xchi'uc xnich'nabe: “Li ti'bole te xapanic ta ti'ch'ulna pasbil ta nucul. Te xati'ic xchi'uc li pan te ta unin moch sventa ich'ub abtelal jech chac c'u cha'al laj yalbun Muc'ul Diose: ‘Li Aarón xchi'uc xnich'nabe ja' ac'o sti'ic li ti'bol le'e’, xiyutun ono'ox.

Malaquías 1:12

Pero li vo'oxuque chasoquesbicun sc'oplal jbi ti c'alal jech chavalique: ‘Toj chopol li mexa yu'un Muc'ul Diose, xchi'uc mu'yuc lec li ve'lil te oye’, ti xachiique.

San Mateo 12:4

Te i'och ta sna li Diose, ja' la sve'ic li pan te oy ta ba mexa ta stojol Diose. Ac'o me yaloj Dios ti ja' no'ox xu' tsve'ic li paleetique, pero la sve'ic xchi'uc xchi'iltac li Davide.

Marcos 2:26

Te i'ochic ta ch'ulna yu'un Dios ti c'alal ja'o ochem ta banquilal pale li Abiatare. La sve' li pan te oy ta ba mexa ta stojol Diose, ac'o me sc'oplal ja' no'ox xu' tsve'ic li paleetique. Pero li Davide laj yac'be sve'ic ec li xchi'iltac ta xanubale —xut.

San Lucas 6:4

Te i'och ta xch'ulna li Diose; ja' la stam li pan te ta ba mexa ac'bil ta stojol Diose. Ac'o me ja' no'ox xu' tsve'ic li paleetique, pero la sve' li Davide, xchi'uc laj yac'be sve'ic ec li xchi'iltac ta xanubale —xut.

1 Samuel 21:6

Ja' yu'un li palee ja' laj yac'be li pan ac'bil o ta stojol Muc'ul Diose yu'un mu'yuc yan pan xu' chac'be. Jech la sloq'uesic li pan te ta stojol Muc'ul Diose, yu'un jech xu' chaq'uic yan c'ac'al pan c'alal chich' loq'uesel ti bu te ono'ox oye.