Levítico 24:5 - Bible in Tzotzil de Chenalhó with Deuterocanon

⁵ “Pasic lajchabuc (12) pan ta arina ti bu ven leque; ja' o'lol yo'bal kilo arina xapasic li jujun pane.

Bible in Tzotzil de Chamula

⁵ “Tsaco jopuc ti lequil t'ujbil harinae. Ta'ajeso lajchebuc muc'tic panetic ti yich'oj o'lol yo'obal kilo ti jujubeje.

Levítico 24:5 Iomraidhean Croise

1 Reyes 18:31

La stsac lajcha'bej ton yu'un jech lajcha'chop ibat li xnich'on Jacob, ja' li boch'o jech ono'ox i'albat yu'un Muc'ul Diose: “Israel ta xc'ot abi”, ti x'utate.

1 Crónicas 23:29

Ja' tsq'uelic noxtoc li pan te oy o ta stojol Dios scotol c'ac'ale, li arina chich' aq'uel ta smoton Diose, li bic'tal jayal vaj ti mu'yuc yich'oj svolesubil xch'ute, xchi'uc li c'usi ch'ilbil ta xalteme, li vots'bil arinae, xchi'uc scotol li c'usitic bisanbil xa c'u yalal xchi'uc c'u yepale.

1 Crónicas 9:32

Oy jayibuc coatetic ja' oy ta sventaic xchapanel lec li pan te oy o ta stojol Diose; ja' ta xcholanic lec scotol c'ac'al ta sc'ac'alil chcux yo'ntonic.

2 Crónicas 13:11

Ja' chchic'beic o smoton Muc'ul Dios ta jujun sob, ta jujun mal c'ac'al, xchi'uc ja' chchiq'uic o pom ta stojol li Muc'ul Diose, xchi'uc ja' chaq'uic o li pan ta ba mexa ta stojol Diose. Ja' sventainojic o li candelero xchi'uc slusaltaque yu'un jech tsanajtic o ta jujun mal c'ac'al. Li vu'uncutique mu'yuc ta jcomtsanbecutic o smantal li Muc'ul Diose, ja' li Dios cu'uncutique. Pero li vo'oxuque laj xa acomtsanic.

Nehemías 10:33

xchi'uc ta sventa li pan chich' aq'uel o ta stojol Diose, xchi'uc ta sventa li chic'bil matanale, xchi'uc ta sventa li c'usitic yan jech chac c'u cha'al trigo ti chich' aq'uel o scotol c'ac'ale, xchi'uc ta sventa li matanal chich' chiq'uel scotol c'ac'ale, xchi'uc ta sventa li milbil matanal chich' aq'uel ta sc'ac'alil ta jcux co'ntontique, xchi'uc ta yorail unin ue, xchi'uc ta yantic q'uinetique, xchi'uc ta sventa li yantic matanaletique, xchi'uc ta sventa li matanaletic sventa xch'ayubil smul scotol jchi'iltactique, xchi'uc ta sventa li yantic matanaletic chich' aq'uel sventa chquich'tic ta muc' Dios cu'untique.

Nehemías 10:34

“Jech noxtoc tsc'an ta jpastic canal tajimol ta jujuchop jbitic c'alal ta paleetic, ta levietic, xchi'uc scotol jchi'iltactic ta sventa chquich'tic batel si' ta jujun jabil te ta xch'ulna Muc'ul Dios sventa ta xich' chic'bel li smoton Dios te ta scajleb jech chac c'u cha'al chal li mantaletique.

Éxodo 25:30

Te xavaq'uic ta ba mexa scotol c'ac'al li pan ac'bil ta jtojole”, xi li Muc'ul Diose.

Éxodo 39:36

li mexae xchi'uc scotol li c'usitic te chtune, xchi'uc li ts'u'iltasbil pan te oy ta stojol Diose.

Éxodo 40:23

Te laj yac' ta ba mexa li pan ac'bil ta stojol Muc'ul Dios jech chac c'u cha'al albil yu'un Muc'ul Dios li Moisese.

Éxodo 40:4

Te xatic' ochel noxtoc li mexae xchi'uc li candeleroe. Sa'bo lec yav li mexae, xchi'uc chapano lec li candeleroe.

Números 4:7

Ac'o yaq'uic jc'oluc yax'elan poc' ta sba li mexa yu'un Dios ti te oy o ta ch'ulna pasbil ta nucule. Te ta sba li mexae, ac'o xlechanic li platoetique, li muc'tic cucharaetique, li copaetique, li jarroetic sventa ya'lel ts'usubetic chaq'uic ta smoton Diose, xchi'uc li pan ti chaq'uilanic o ta stojol Dios scotol orae.

San Mateo 12:4

Te i'och ta sna li Diose, ja' la sve'ic li pan te oy ta ba mexa ta stojol Diose. Ac'o me yaloj Dios ti ja' no'ox xu' tsve'ic li paleetique, pero la sve'ic xchi'uc xchi'iltac li Davide.

Hechos 26:7

Vu'utic li lajcha'chop judioutique scotol jchi'iltactic yoquel tsmalaic chc'ot ta pasel li c'usi yaloj Diose, ja' yu'un ta c'ac'al ta ac'ubal scotol yo'nton ta xch'unbeic smantal li Diose. Ajvalil Agripa, ta sventa ti jch'unoj ti ic'ot xa ta pasele, ja' jmul yu'unic o.

Hebreos 9:2

Yu'un li ch'ulna pasbil ta nucule ja' jech pasbil chac li'i: Li sba c'olal scuartoal yo' bu oy li candelero xchi'uc mexae xchi'uc li pan ac'bil ta stojol Diose, ja' ch'ul cuarto sbi.

Santiago 1:1

Vu'un Santiagoun,, vu'un yajtunelun Dios xchi'uc li Cajvaltic Jesucristoe. Chabanuc chacalboxuc tal vo'oxuc li lajcha'chop sts'unubaloxuc Israel ti butic puquemoxuc batel ta yantic banamile.

1 Samuel 21:6

Ja' yu'un li palee ja' laj yac'be li pan ac'bil o ta stojol Muc'ul Diose yu'un mu'yuc yan pan xu' chac'be. Jech la sloq'uesic li pan te ta stojol Muc'ul Diose, yu'un jech xu' chaq'uic yan c'ac'al pan c'alal chich' loq'uesel ti bu te ono'ox oye.

1 Samuel 21:7

C'alal jech ic'ot ta pasele, ja'o te oy ta ch'ulna jun yaj'abtel li Saule, Doeg sbi; ja' edom vinic. Ja' banquilal yu'un li jchabichijetic yu'un Saule.