Levítico 24:3 - Bible in Tzotzil de Chenalhó with Deuterocanon

³ Ja' oy ta sventa chchapan li Aarone yu'un jech te ac'o tsanaluc o scotol c'ac'al ta jtojol te ta ch'ulna pasbil ta nucul ta sc'al li velo ta sts'el xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Bible in Tzotzil de Chamula

³ Ja' ta sbain ta xchapanel ti Aarone yo' jech tsanal o sjunul ac'ubal ta stojol Dios ta Axibalna ti bu ti nupel ta bee, ta spat ti bu lich'il ti muc' ta poc' ta sts'el xcaxail ti tratee. Taje, ta xc'ot ta jbel c'usi albil ti tsots sc'oplal ti na'bil ta xcom o ta atojolique, ti ta x'ech' ta stojolic ti totil me'iletique xchi'uc ti alab nich'nabe.

Levítico 24:3 Iomraidhean Croise

Éxodo 27:21

Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Levítico 24:2

“Albo scotol achi'iltac ti ac'o yich'ic tal mero yaceiteal olivaetic sventa candiletic yu'un tsc'an te tsanal o scotol c'ac'al.

Levítico 24:4

Jech noxtoc ja' oy ta sventa chchapan lec li candiletic ta candelero pasbil ta c'anal taq'uine yu'un jech te tsanaluc o ta jtojol.

Levítico 3:17

“Li'i ja' jech jmantal chcom o ta atojolic c'alal ta avalab anich'nabic ti buyuc no'ox nacaloxuque: mu xu' chati'ic li xepuale xchi'uc xch'ich'al ats'unub avovolique, uto li achi'iltaque”, x'utat yu'un Dios li Moisese.

Números 18:5

Vo'oxuc no'ox oy ta aventaic spasel li abtel ta ch'ulna xchi'uc ta scajleb jmotone. Jech mu xi'ilin yan velta ta stojol li achi'iltaquic ta israelale.

1 Samuel 3:3

Yan li Samuele te vayem ta xch'ulna Muc'ul Dios yo' bu oy li xcaxail smantale. Tsanal to'ox li candile.