Levítico 24:2 - Bible in Tzotzil de Chenalhó with Deuterocanon

² “Albo scotol achi'iltac ti ac'o yich'ic tal mero yaceiteal olivaetic sventa candiletic yu'un tsc'an te tsanal o scotol c'ac'al.

Bible in Tzotzil de Chamula

² “Albo ya'i mantal ti israeletique ti ac'o yich'boxuc talel ti bats'i yaceiteal olivoe yo' jech staoj yav tsanal ti lamparaetique.

Levítico 24:2 Iomraidhean Croise

2 Crónicas 13:11

Ja' chchic'beic o smoton Muc'ul Dios ta jujun sob, ta jujun mal c'ac'al, xchi'uc ja' chchiq'uic o pom ta stojol li Muc'ul Diose, xchi'uc ja' chaq'uic o li pan ta ba mexa ta stojol Diose. Ja' sventainojic o li candelero xchi'uc slusaltaque yu'un jech tsanajtic o ta jujun mal c'ac'al. Li vu'uncutique mu'yuc ta jcomtsanbecutic o smantal li Muc'ul Diose, ja' li Dios cu'uncutique. Pero li vo'oxuque laj xa acomtsanic.

Salmos 119:105

Ja' luz c'otem cu'un li ac'ope; ja' toj c'otem cu'un sventa chquil jbe.

Salmos 119:130

C'alal chich' cholbel smelol ac'ope, chjam jba jsat yu'un; ja' sventa chbijub li boch'otic mu'yuc to bijique.

Éxodo 39:37

Xchi'uc laj yac'beic noxtoc li candelero pasbil ta c'anal taq'uine, xchi'uc li scandilaltaque, ja' li candiletic ti tsc'an te chich' vuchanel ta xvuchlebe, xchi'uc scotol li c'usitic te chtune, xchi'uc li aceite sventa tstsan oe,

Éxodo 40:24

La stic' ta yut ch'ulna noxtoc li candeleroe, te laj yac' ta yeloval mexa ta jot xa xocon ch'ulna ta stuq'uil sur.

Proverbios 6:23

Yu'un li mantale ja' luz c'otem, li chanubtasele ja' sac osil c'otem; li tuq'uibtasel xchi'uc li chanubtasele ja' sbelal cuxlejal c'otem.

Isaías 11:2

Te ta xcom o ta stojol li Espíritu yu'un Muc'ul Diose, ja' ta x'ac'bat lec sbijil, ta xjambat lec sat; ta x'ac'bat lec sna' c'u x'elan chtojobtasvan; ta x'ac'bat lec stsatsal; ta x'ac'bat lec yotquin c'usi tsc'an tspas, xchi'uc c'u x'elan lec chich' ta muc' li Muc'ul Diose.

Isaías 8:20

Tac'beic ta smantaltac Dios xchi'uc ta sc'op Dios; me mu jechuc chapasique, yu'un mu'yuc to sacuben osil ta atojolic.

Levítico 24:1

Li Muc'ul Diose la sc'opan yan velta li Moisese, jech laj yalbe:

Levítico 24:3

Ja' oy ta sventa chchapan li Aarone yu'un jech te ac'o tsanaluc o scotol c'ac'al ta jtojol te ta ch'ulna pasbil ta nucul ta sc'al li velo ta sts'el xcaxail jmantale. Li'i ja' jun mantal chcom o ta atojolic c'alal ta avalab anich'nabic.

San Mateo 4:16

ja' li cristianoetic ti nacalic to'ox ta ic' osile laj xa yilic sac osil. Li boch'o oyic xa'ox ta sventa lajele xojoban xa luz ta stojolic”, xi ono'ox li j'alc'op Isaiase.

San Mateo 5:16

Ja' jech tsc'an xaxojobanic ta stojol cristianoetic li vo'oxuque, yu'un jech ac'o yilic ti toj lec avabtelique, jech chlic yich'ic ta muc' li Jtotic Dios te oy ta vinajele.

San Lucas 1:79

Yu'un jech ac'o sacubuc osil chilic li boch'otic oyic ta ic' osile, xchi'uc ti oyic ta sventa lajele, xchi'uc jech chisbeiltasutic batel ta sbelal ti bu ta jtatic jun co'ntontique”, xi li Zacariase.

San Lucas 12:35

“Chapalucoxuc me, tsanaluc me acandilic scotol ora.

San Juan 1:4

Ja' te oy ta stojol li cuxlejale. Li cuxlejale ja' luz ic'ot yu'un li cristianoetique.

San Juan 1:9

Li luz ti tsacubtas osil ta stojol cristianoetique, iyal tal li' ta banamil.

San Juan 5:35

Li Juane ja' toj ic'ot avu'unic, jech lec sacjaman laj avilic yu'un. Pero jliquel no'ox lec laj ava'yic li c'usi laj yalboxuque; jliquel no'ox xcuxet avo'ntonic yu'un.

San Juan 8:12

Li Jesuse la sc'opan yan velta li cristianoetique, jech laj yalbe: —Vu'un luz c'otemun li' ta banamil. Li boch'o ta xtal ta jtojole mu'yuc xa ta xanov ta ic' osil. Oy xa ta sac osil sventa cuxlejal —xi.

Hechos 26:18

Vo'ot chc'ot avic'be satic, yu'un jech xu' chtalic ta sac osil, jech xu' tscomtsanic li ic' osile. Jech xu' ta xloq'uic ta sc'ob li Banquilal Pucuje; ja' chlic ochicuc ta sc'ob li Diose. Jech xu' ta xlic xch'unicun, jech ta spasbatic perdón yu'un smulic. Jech xu' chich'ic ec li c'usi sc'oplal chich'ic li boch'otic voc'bilic xa cu'une’, xiyutun li Cajvaltique.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.