Levítico 24:15 - Bible in Tzotzil de Chenalhó with Deuterocanon

^15-16 Jech xavalbe ya'yic scotol li achi'iltac ta israelale: Li boch'o chchopolc'opoj, o me yan xich' xal ta jtojol, vu'un li Muc'ul Diosun yu'une, te xcuchoj smul chcom o. Ac'o yich' milel ta ton yu'un scotol li achi'iltaquic ta israelale. Me yanlum, o me achi'ilic ta israelal ti chopol chc'opoj ta jtojol vu'un li Muc'ul Diosune, ac'o yich' milel.

Bible in Tzotzil de Chamula

¹⁵ Ta sventa ti israeletique, xi xcholet xavalbe ya'i jech c'u cha'al li'e: Ti buch'u ta soquesbe yo'nton ti ta sbis ta cotol chaval ti Ajvalil ti ja' Dios yu'une, ac'o xcuch o comel ti smule.

Levítico 24:15 Iomraidhean Croise

1 Reyes 21:10

Sa'ic chib j'epalc'op testigoetic. Ac'o stic'beic smul; ac'o yalic ti ichopolc'opoj ta stojol Dios, xchi'uc ta stojol ajvalile. Ja'o xaviq'uic loq'uel; milic ta ton”, xi batel ta cartaetic.

Éxodo 20:7

“Mu me xavixtanbicun jbi, vu'un li Muc'ul Diosun avu'unique. Yu'un li boch'o chiyixtanbun jbie ta me xcac'be stoj smul.

Éxodo 22:28

“Mu me c'usi yan xavich' xavalic ta stojol li Diose, xchi'uc mu me xachopolc'opojic ta stojol li banquilaletic avu'unic te ta alumalique.

Levítico 18:21

“Mu xachic' anich'onic ta smoton dios Moloc, yu'un ta soc o jc'oplal avu'unic, vu'un li Muc'ul Diosune.

Levítico 5:1

“Me oy boch'o ch-ic'at ta testigoal ta sventa ti ja' yiloj, o ja' sna' lec li c'usi c'otem ta pasele me mu sc'an xale, oy smul chc'ot ec.

Números 9:13

Yan li boch'o ta scomtsan spasel q'uin Coltael ti c'alal lec oye, xchi'uc me mu'yuc bu nom bateme, ac'o yich' loq'uesel ta stojol li xchi'iltaque. Jech noxtoc, ta sventa ti muc xac' li smoton Muc'ul Dios ta yorail c'usi ora albile, ac'o stoj smul.