Levítico 24:14 - Bible in Tzotzil de Chenalhó with Deuterocanon

¹⁴ “Loq'uesic batel te ta acarpanaic li boch'o ichopolc'opoje. Li boch'otic laj ya'yic c'usi laj yale ac'o yac' sc'obic ta sjol. Ac'o smilic ta ton scotol li achi'iltac ta israelale.

Bible in Tzotzil de Chamula

¹⁴ “Loq'ueso batel ti bu lamaloxuc ta naclej ti buch'u laj sbisun ta cotol chavale. Scotolic ti buch'u laj ya'iic ti c'u s'elan c'opoje, ac'o scajan sc'obic ta sjol. Mi laj taj une, ac'o lomatuc ta milel ta ton yu'un scotol jteclum ti vinic taje.

Levítico 24:14 Iomraidhean Croise

Deuteronomio 17:7

Li testigoetique ja' ba'yuc ac'o yaq'uic li tone. Ts'acal ac'o yaq'uic ec li yantic achi'iltaquique. Jech chlaj sc'oplal o li c'usi chopol te ta atojolique.

Deuteronomio 21:21

Scotol li viniquetic te ta alumalique ac'o smilic ta ton. Jech ta x'ul o li c'usi chopol te ta atojolique. C'alal ta xa'yic scotol achi'iltaquic jech chc'ot ta pasele, ta xlic xi'icuc scotolic.

Levítico 20:27

“Me oy jun vinic, o me ants ti xchanoj ic'ch'ulelale xchi'uc ti chchan xa t'unule, ac'o yich' milel ta ton. Ja' ta smul stuquic ta xchamic”, uto li achi'iltaque, x'utat yu'un Dios li Moisese.

Levítico 20:2

“Jech xavalbe ya'yic li achi'iltac ta israelale: “Boch'ouc no'ox, me israel, o me yanlum ti te nacal ta Israele, me ta xac' xnich'on ta smoton li dios Moloque, ac'o yich' milel ta ton yu'un li achi'iltaquic te ta avosilalique.

San Juan 8:59

Lic stamic tal ton scotolic, tsc'an ox tsmilic li Jesuse. Pero li Jesuse la snac' sba, jech muc xilic iloc' batel ta ch'ulna, jech ibat o.

Josué 7:25

Li Josuee jech laj yalbe: —¿C'u yu'un laj avac' taluc li vocol ta jtojoltique? Li' ta orae li Muc'ul Diose vo'ot chayac'bot acuch scotol li vocol li' laj avich' tal ta jtojoltique —xut. C'alal laj yal jeche, scotol li israeletique lic smilic ta ton li Acane, xchi'uc yajnil xnich'nab, xchi'uc li c'usitic oy yu'une. Ts'acal la xchiq'uic ta c'oc'.

Deuteronomio 22:21

ac'o sloq'uesic ta sna li stote. Li viniquetic te ta lume ac'o smilic ta ton li tsebe yu'un toj chopol c'usi la spas te ta atojolic vo'oxuc li israeloxuque, xchi'uc muc xich' ta muc' li stot sme' te ta snae. Te no'ox sq'uelojbe sat. Me jech chapasique, mu x'epaj o boch'otic jech tspas te ta atojolic.

Levítico 13:46

Ti jayib c'ac'al ip cha'ay li c'a'el chamele mu stac' chi'inel o. Stuc ac'o naquiuc ta spat to li acarpanaique.

Levítico 24:13

Li Muc'ul Diose la sc'opan li Moisese, jech laj yalbe:

1 Reyes 21:10

Sa'ic chib j'epalc'op testigoetic. Ac'o stic'beic smul; ac'o yalic ti ichopolc'opoj ta stojol Dios, xchi'uc ta stojol ajvalile. Ja'o xaviq'uic loq'uel; milic ta ton”, xi batel ta cartaetic.